致香港人：《香港方舟》: 第四章 — 奧美拉城（4）

⊕
 
「阿穗呢？」杜淵靈看著對面的人，先是問及另一個人的行蹤。
「去咗見另一個人。」柳柏橋也坐到會面室的沙發上。
 
大概，就在隔壁房間吧。
 
「腳傷好d未？」柳柏橋先關心著身旁那人的傷。
「...未。」杜淵靈亦難得地說了實話，「我覺得，佢既復原速度比之前慢。」
「因為你唔聽話，太常用腳。」柳柏橋亦很清楚杜淵靈的性格。




「我之前問你既野，有冇咩頭緒？」杜淵靈直接進入正題。
 
聽到這裡，柳柏橋再次嘆了口氣。
 
在報到之前，杜淵靈曾經聯絡過柳柏橋。
拜托他，盡量找出能夠使她的腳傷『擱置』的方法。
 
「今年既比賽，每隊都有一個女仔，你應該好清楚。」柳柏橋把身體靠前，「因為想提升整體戰鬥力，每隊既女隊員，都可以獲得大會既特別照顧。」
「『特別照顧』？」聽上去讓人感到很不安。
「係。」柳柏橋確認著道，「可以係擅帶額外武器或醫療用品，可以係穿著特別既防護衣，都可以係先行服用藥物。」




 
先行服用藥物。
一種爆seed的概念嗎。
 
「而我同阿穗建議你選擇第三個。」柳柏橋繼續述說著，「我睇過大會許可既藥物清單，入面有幾樣材料，可以製造到無痛劑。」
 
無痛劑。
 
這也是杜淵靈這兩天在想的事情。
 




她在戰鬥中取勝的地方，是她的速度、第六感，以及敏捷。
 
但是，因為腳傷的關係，這兩天的她，戰鬥力可謂極低。
 
「可唔可以再講多d？」杜淵靈更專注地聽著柳柏橋的話。
「用咗無痛劑既話，身體會感受唔到任何痛楚，為期一個月。」柳柏橋順著杜淵靈的意，進一步地解釋著，「但係咁樣都係一件好危險既事。」
 
在生物學來說...
痛苦的意義，就是要讓生物感受到危險，並逃避那危險。
 
如果不能感受痛楚的話...
即使已經身受重傷，亦不會削弱自己攻擊力。
 
削弱的，是自己於戰鬥後的存活率。
 




「所以，我認為你應該自己選擇。」柳柏橋認真地注視著杜淵靈，「呢個係你既身體，我必須要話你知，注射無痛劑雖然可以增強你既戰鬥力，但的確會好危險。」
「...我要點樣做，至可以用到呢個特權？」杜淵靈的眼神開始失焦，似是用力地考慮當中。
「只要你授權我成為你既主治療官，咁起比賽正式開始既嗰一朝，我就會起大會監察之下，為你注射藥劑。」柳柏橋雖不想杜淵靈下此決定，但還是把決定權交予她，「但係，淵靈，我必須要再次警告你，注射咗無痛劑，無論係幾重既傷，你都唔會有任何感覺。」
「...公子知唔知？」杜淵靈找回了眼神中的焦距，並把其放於柳柏橋的雙瞳上。
「...我冇同佢講。」或是說『未』告訴他。
 
杜淵靈凝視著柳柏橋，深呼吸了一下。
 
「我已經決定咗。」杜淵靈下定了決心，「我要用。」