《印度 · 尋油 · 台灣妹》: 《十三》

唔知係咪未瞓醒，我竟然一手將 Priscilla 抱起，Priscilla 嚇到唔識比反應，行到床邊，我輕輕力將 Priscilla 放落床，正想道歉 


「對不起！我只是 ……」 


冷不防，Priscilla 突然一野嘴埋嚟，嘩 ~ 軟綿綿嘅雙唇，迷人嘅雙眼閉得緊緊，我呆咗一秒，心諗 


"既然對手採取主動攻勢，我無理由唔反擊㗎！" 






順勢一個轉身，我同 Priscilla 一齊跌咗落張床度，你眼望我眼，嘴巴貼嘴巴，尷尷尬尬，女仔此終都係怕醜啲，見佢成塊面紅晒，我亦唔想佔人太多便宜，於是慢慢分開，大家同時講咗句 


「對不起！」 


令呢個氣氛得以緩和，Priscilla 轉個身，背向我，就話 






「其實我真的很感謝你，如果只得我和 Priscilla，我們一定很危險，謝謝你！」 


「不用客氣！」我就話 


「真的謝謝你！」Priscilla 講完之後，就入咗浴室。 






我亦即時彈起，九秒九嘅速度攞起件摟，伸手入袋，終於比我搵到佢 - 印度版避孕套！上陣殺敵，武器為勝負關鍵，雖然未必用得著，但想用而無，你話幾咁尷尬呢！一切準備就緒，我就一個後空翻跳番床邊，將武器放响枕頭下面。 


Priscilla 响浴室慢慢行出嚟，右手按着肚，我見佢好似有啲唔舒服，就問 


「妳是不是肚子痛？」


「我沒事！只是 …………」Priscilla 欲言又止 


咁似 .......... 






「我 …… 明白，是不是生理痛！」我估到啲咁話 


Priscilla 點頭默認，呢吓點頭就好似一盤冷水照頭淋一樣，亦令我知道今晚香港區旗無法飄揚，無法進入台灣領土 ……………… 講笑啫，我覺得咁樣都唔錯，因為人家信任你，先同你同房，無謂胡思亂想啦。 


我上前輕扶 Priscilla 番上床，幫佢蓋好被，自己亦走上床，瞓响佢右手邊，之後就講 


「妳今天一定很累了，肚子又痛，快點睡吧！忘記告訴妳，Penny 和 Heidi 已經回到酒店，但是現在晚了，我們明天一早才回去，好嗎？」 


「好，真的很感謝妳！………… 今晚我可不可以睡在你的手臂上？」Priscilla 向我提出一個要求 






「當然可以！」我徐徐回答 


就係咁，Prisicilla 响我手臂上瞓着咗，而我就痺足成晚無瞓，但見到 Priscilla 瞓得咁甜，唔知點解，我有一種好幸福嘅感覺。 


快樂嘅時間，往往過得特別快，眨吓眼已經朝早九點，我成晚無瞓咁望住 Priscilla，望住一個我只係識咗兩日嘅台灣女仔，一次旅程，一個意外，令我地走埋一齊，但係一個香港，一個台灣，算把啦，無可能嘅嘢，無謂諗咁多。 


房內電話忽然響起，嘈醒熟睡中嘅 Priscilla，我接過電話後，望番 Prisicilla，同佢講聲早晨，佢怕怕醜醜咁遮住塊面，就一支箭咁走咗入浴室，可能唔想比我見到佢啱啱瞓醒個樣，哈哈！ 


大家洗完面，換好衫，就落咗樓下食早餐， 






呢一餐亦可能係我地最後一齊食嘅早餐