我：「不如比你電話我呀？」: 10

唔知係咪我毒撚多慾望， 
我真係有啲想認識佢。 

不過我都係抱住： 
「諗下好啦，邊有咁易比你識到呀。」 
既心態去應付自己既慾望。

「想識M記做既姐姐，應該點好？」 

喱啲ＰＯＳＴ係高登都見過唔少， 





估唔到依家就正正發生左係我身上， 

只不過轉左做糖水姐姐。


又有一晚， 
我同我啲朋友又去左食糖水， 
而糖水姐姐又有番工。 






由點餐， 
食糖水， 
望姐姐， 
食糖水， 
望姐姐； 

係喱段過程裡面， 
都好平常。 






終於又係埋單既時候， 
為左有得同佢嗲兩句， 
我又自動請纓走去埋單。


「五十四蚊呀，多謝。」 

(我遞左六十蚊比佢) 

「呀，你有冇四蚊呀？」 

「冇呀，唔好意思。」 






跟住佢就找左三個兩蚊比我。 


原來， 
收錢同比錢既時間真係過得好快， 
仲有， 
係好難嗲到幾句的。


就係咁， 
我步出糖水鋪， 
朝著我朋友的方向走。 

突然之間， 
我腦入面閃出左一個畫面， 





係收銀機既畫面。 

我依稀記起收銀機好似冇哂兩蚊， 
就係因為要找六蚊比我。 



「喂，可唔可以幫我唱五個兩蚊呀？」 

我走到旁邊的七仔唱散紙， 
為左佢，做左一件好戇居的事。


我拎住五個兩蚊， 




再次走入糖水鋪。 


「係呢，你地係咪冇哂兩蚊呀？」 

「係呀，唔該哂你呀。」 


係， 
我就係為左做一個比普通顧客特別小小既顧客， 
而做埋啲咁無聊、無謂既事。 

究竟佢記唔記得我、認唔認得我， 
我根本唔會知道。