我：「不如比你電話我呀？」: 9

當我失望到極點， 
諗住埋單走人既時候， 
我發現， 
原來新一年，真係有個新開始，

仲好似係一個幾好既開始。 


無端端係我正想比錢既時候， 
糖水姐姐又坐番去收銀個位。 





有冇咁橋呀？ 

我自己都咁諗， 
正所謂機不可失， 
我絕對唔容許自己錯失喱個機會， 
我一定要同佢打開話匣子。 


就係佢找錢之時， 




我戰戰兢兢咁講左句：「新年快樂。」 

唔知係咪太緊張， 
我喱句「新年快樂」變左重低音， 
佢好似聽得唔係好清楚咁， 

佢抬起頭， 
望一望我， 
「下」左一聲。 









我清楚講多次：「新年快樂呀！」 

佢....終於聽到。 



「你都係呀，新年快樂。」 

縱使糖水鋪有啲嘈吵， 
但係我聽得好清楚。 







對我黎講， 
喱份已經係一份好好既新年禮物。