關於少女的故事: 06-變

我：「你識陳汝州嫁？」我有睇譚越其同宇宙鬥波。

譚越其：「識，佢打波真係好犀利。」哈哈，我既小宇宙梗係勁啦。

我：「咁你知唔知，係咪好多女仔鍾意佢嫁？」

譚越其：「你咪其中一個？」

我：「唔係呀！唔係呀！」我慌忙地撒謊。





譚越其：「其實你識我係咪想借我做跳板去識陳汝州咋？」

佢繼續講：「我見你睇波既時候，望住陳汝州既眼神，真係兩眼發光，心心眼咁喎。」

我：「唔係呀，我一早識左佢啦。同埋佢打波打得好睇丫嘛。」

我發現，我對住運動型，又識打籃球既陳宇宙真係無哂抵抗力。

譚越其：「陳汝州你都唔鍾意？咁你鍾意咩類型既男仔呀？」





我：「我…我無諗過喎。咁你呢？你鍾意咩類型既女仔呀？」呢句係我幫劉曉晴問既。

譚越其：「我鍾意…男仔頭性格既女仔。」

我：「嘩，我幾驚你話鍾意男仔呀。」

男仔頭？劉曉晴岩哂啦，成日講野又大聲，又打開雙腳黎坐。







譚越其：「痴線，我先唔會鍾意男仔呀。」

我：「點知你呀？」

我：「 咁你鍾意女仔咩打扮呀？」

譚越其：「 長頭髮，著裙囉。」

我：「咁好普通姐。」

「ˊˊˊ#× 宇宙 ×ˋ!!」在線上。

我：「我有事做，唔阻你啦，拜拜。」我急忙向譚越其道別，然後同宇宙Msn。

我向宇宙傳送一個電震動。無耐佢又震返我。





我：「做咩今日咁夜先on既？」時鐘已經去到七點半。

宇宙：「關你咩事？」

下？宇宙突然間咁串既？

我：「……」

這時候，我還未察覺，原來一切已經變動了。



這個時候，我打開Facebook， 卻發現一個震撼我心的status。





「 Chan Yu Chow 與 Emma Wong 穩定交往中。 」

咩料？宇宙竟然同個死姣婆死八婆死肥婆Emma一齊左？

我唔信…但更多既係不願相信。

我仍未心息，就上Msn問下宇宙佢係咪真係同左Emma一齊。

點知得來既回覆係：「我係佢女朋友，你以後唔好再煩陳汝州啦。」

果時開始，我個世界就好似變到得返黑白灰咁。

呢一次，係我第一次失戀，即使係單戀。

第一次失戀，通常都係最痛既一次。





我無祝福佢地，因為我係衷心希望佢地快D分手。

因為鍾意既人同左第二個一齊既時候，難免會覺得好傷心。

而我亦因為咁，喊左好多日。

即使到左秋季旅行日，我燒緊野食都無啦啦忍唔住喊左出黎。