關於少女的故事: 01-一見鍾情

你好，我叫黃寶靈，係一個好平凡既女仔。

我想講一個關於我既校園愛情故事。

而故事就係十年前既陸運會開始。

當時我讀緊中一，全級被強制加入啦啦隊。

啦啦隊入面，每人雙手各拿一個空水樽，左右互相敲擊。





「啪啪啪！」水樽敲出既「啪啪聲」相當有氣勢。

「Yellow House，啪啪啪！」口號亦嗌得起勁。

「Yellow House，啪啪啪！」比賽緊既係一百米田徑。

「Yellow House，啪啪啪！」黃社跑贏，得了第一名。

「Woo！陳汝州，你好勁呀！」啦啦隊長Emma大叫。





此時，跑道上的黃社參賽者回眸，是一副俊俏的臉。

無錯，佢就係陳汝州，個樣有啲似李治廷。

這時候，心跳七上八落，難道這就是所謂的一見鍾情？

呢一次，就係我第一次見到陳汝州。

因為佢，我既校園生活起了微妙既變化。







過左一陣，老師就頒獎。

陳汝州企左係頒獎台上，寫住「1」字既中央位置。

老師對住個咪講：「男子丙組一百米俓賽現正頒發獎牌，第三名，藍社，2A班徐澤希……第二名，紅社，1E班張俊謙……第一名，黃社，2C班陳汝州。」

然後老師就幫陳汝州攬上金牌。

攝影學會同學攞住部相機：「三，二，一，笑。」

「咔嚓」，然後三人就在閃光燈下拍了一幀合照。

中學時代，能在競賽中得到一個獎牌，也是一種很大的榮耀吧？





合照完，陳汝州就由跑道上跑返上黎看台。

但佢第一時間竟然係同啦啦隊長Emma搭住膊頭一齊影相，Emma仲請佢食波餅。

個心突然有D酸，我諗緊，佢地究竟係咩關係呢？

「喂！」

當我回過神來，才發現跟我說話的是我中學時第一個好朋友—劉曉晴。

劉曉晴望一望我對眼，再望一下陳汝州，再講：「你偷望緊陳汝州呀？」







講起劉曉晴，其實我都唔知點解就同佢熟左。

我地中一既時候就認識，佢矮我少少，每逢集會排隊既時候都排係我前面。

可能係叫做近水樓台啦，我中學識既第一個朋友就係佢。

因為我升中學之前搬左屋去第二個校網，所以就無小學同學同我讀同一間中學，所以我好珍惜劉曉晴呢個朋友。

我地學校分四個社：紅、藍、黃、綠，而我地咁岩都係黃社，所以陸運會就可以坐埋一齊啦。

「喂，你發咩春夢呀？望完陳汝州仲唔夠呀？」劉曉晴拍一拍我膊頭。

我慌忙解釋道：「唔係呀！」

劉曉晴：「你仲話唔係偷望緊陳汝州？」佢臉帶訕笑。





佢繼續講：「哈哈，人少少就認左佢啦，我支持你嫁。」

我：「唔係呀，唔覺意望到咋嘛。」我死雞撐飯蓋。

劉曉晴：「雖然唔係我杯茶，但陳汝州都幾靚仔既。」

我：「話說，你又點解知道佢個名叫做陳汝州既？」

劉曉晴：「梗係知道啦，佢係中二級既運動健將，成日代表學校出賽，我地級好多女仔都鍾意佢嫁。」

我：「咁，要做佢女朋友，咪要打低好多對手？」

劉曉晴：「係嫁…喂，你仲話唔係鍾意人地？」





我：「其實，我都唔知咩叫鍾意。」

劉曉晴：「咁你見到佢既時候，有無心跳加速既感覺呀？」

我：「我……」心裡小鹿亂撞。

劉曉晴：「你唔洗呃我啦，你塊臉已經出賣左你啦，臉都紅哂，哈哈哈。」

我：「你話咩就咩啦。」我沒好氣地說。