當平行線斜了一度: 第三十九回 －透露－

三十九

三年前，我在同一個地方，跟她表白過一次。

那天和今天一樣，都是在她的家樓下，整個平台都是寧靜的，身邊並沒有甚麼路人，一樣都是漆黑一片，只有橙黃色的路燈照亮著我們。

她沒有回答我甚麼，大家都是不發一言。

「如果你係鍾意我既，點解你又同個個女仔一齊。」她語氣變得正經了。





整刻那個氣氛都是凝重的。



「我‧‧‧‧‧‧」那一刻我不知道應該甚樣回答她好了。

「你係鍾意我點解要呢家你分左手先講？唔可以一早同我講？」她開始變得激動起來。







這是我第一次看到她這個反應和情緒。

「sorry 呀」我完全想不到要說甚麼。

「點解你幾年前係咁，呢家又係咁。」她愈說愈激動了，開始見到她眼有淚光。

「對唔住，我唔講係因為我知立嘉都鍾意左你，我以為你會‧‧‧‧‧‧」我那刻都是很低沉的聲線。

「以為咩野？ 我一早講左好多次我同佢係無野，人地鍾意我你就唔講，咁叫鍾意我咩？」她沖著說。





「我係好鍾意你，但我真係好驚無左你，我習慣左你係我身邊我唔想會破壞呢段關係，你明唔明？」我開始都有點激動了。

「所以呢？ 你就同人地拍拖？ 你就唔理其他人？你以前明明唔係咁？會主動鍚我既個個你係咁既咩？」她開始說到想哭的感覺，雙眼也充滿著眼淚。

我突然呆了一呆，我想了一想，原來，那時她是知道的。



「你個時係知道既？」我真的好想問清楚那一刻的事。



她沒有回答，眼淚在她的眼睛流出來，我已經好久沒有見過太在我面前哭了。

我踏前一步，然後用雙手把她抱緊在我懷中。