當平行線斜了一度: 第三十八回 －揭穿－

三十八

「你聽邊個講架？」我裝得不慌不忙的回答。

「佢地班男仔講幾講就估到啦我。」她追問。

「冇啦，咪聽佢地講啦你」我繼續裝得沒有的樣子。

「我最嬲係，點解你有拖拍都唔同我講，話哂我同你一齊大，反而班男仔知都唔同我講。」她裝得有點生氣地問我。





「佢地同你講左咩野？」我只好繼續裝得並無此事，因為我真的不想她知道。

「咩你同Louis 個ex 個妹呀麻，佢地好似係咁講。」她答我。

那一刻我想的並不是因為我的兄弟出賣了我而生氣，而是我應該要如何應對珈喬好。

眼看紙已經包不著火了，我真的想不到要甚樣做好，只好繼續沉靜著繼續和她走。







「個個女仔點架，幾時帶比我睇下。」她追問到。

「我地分左手架啦。」看來她到的就只有我正在跟別人戀愛的事。

「下，咁突然既，又唔同我講，我仲諗住睇下個女仔係咪盲左，咁都會睇得上你。」她又是一貫的語氣。

「係呀佢真係盲左。」我也是那鼓不服輸的心態。

「咁點解你要瞞住我呢？」她繼續追問。







我沒有即時回答她，又繼續多走了數步，就快就到了她的家樓下。



「難得我咩都同你講，你就咩都收埋。」她又說到。

「因為我唔想你知。」我想了很久，決定回答她。

「驚我話比你阿爸阿媽知你呢，我似係做二五仔既人咩？」她笑著答我。

「因為我仲係鍾意你。」我望著前方的路，細聲的回答她。