七歲嗰年我被學校叫去睇醫生。 【二次修訂版，一路改一路貼】: 「你一於放心喺度住，住幾耐都得。」

從房間裡出來後，桌上已經放好了兩碗白飯。

我坐下來準備開動，誰知外婆又一掌拍我的手背：「呢碗Tinny 架！要食自己去裝！」

「我咪換好衫囉！」我大呼冤枉地說。

「係呀，要八人大轎請你先換吖嘛！」說罷她又拍了一下我的後腦。

「喂，告你謀殺親孫吖嗱。」我輕輕按摩著後腦，走到廚房裡盛飯。





「咁多年嚟你冇激死我咪算好囉，仲話告我謀殺。」外婆從外面喊進廚房裡。

我當然不甘示弱：「咁我都算係咁啦，你落中心唱歌嗰陣啲碗咪又係我洗、個地咪又係我抹……」

「嘩！真係辛苦你喇！」外婆語帶諷刺地說。

當我想回嘴時，赫然發現Tinny 原來一直在廚房裡。

正湧上喉嚨的聲音，忽然被甚麼阻隔了般，不能順利吐出來。





「嗱。」她把飯碗遞給我說，臉上帶著一個意味不明的笑容。

我接過飯碗，思考了一會後決定說一句客套話。

「唔該。」聲音和剛才與外婆吵嘴時，明顯弱了很多。

「快啲出嚟食飯喇。」她瞇眼一笑，從雪櫃裡拿了一包芒果汁便蹦蹦跳跳地走了。

吃飯時，我竟感到有點不自在，卻又說不出到底是哪裡出問題了。





「Tinny ，我今朝同你阿媽傾過電話呀，佢話大陸嗰度仲有啲野要搞，應該下個禮拜先返到落嚟，所以你要喺度住多幾日喇。」外婆夾著餸菜說。

「嗯，佢都有打畀我講呀。」Tinny 點點頭說。

「咁你一於放心喺度住，住幾耐都得呀。」

本想立馬開口阻止，卻又怕Tinny 心裡受傷。

我不是討厭她，只是總覺得有點抑壓的感覺，但在抑壓甚麼，我又不知道。

外婆好像看穿了我的心思般，說道：「你話係咪呀？」

看著她那凌厲的眼神，我唯有回答：「……係呀。」

Tinny 喜形於色地說：「我幾時都話婆婆同哥哥係最好嘅。」





不久，外婆瞥了一眼掛在牆上的月曆，說：「係喎，下個禮拜日你生日喎。」

「係呀！」Tinny 雀躍地說。

「嗰日有咩節目呀？」

「約咗朋友去玩，嘻嘻。」

「我嗰日都要落中心表演。」外婆說，反正又是那些社區中心舉辦的甚麼難忘經典金曲之夜。

「咁嗰日你三餐自己搞掂嘞。」她又補充一句。

我點點頭，然後繼續吃飯。





「你嗰日玩得開心啲呀，夜晚返唔返嚟食呀？」
「唔返喇。」
「哈哈，我都唔返，我個show 要唱到九點。」
「我嗰日應該都好夜返。」
「咁我朝早買定蛋糕，完show返嚟同你食好唔好？ 」
「好呀好呀！多謝婆婆！」Tinny 興奮大叫。
……
……