七歲嗰年我被學校叫去睇醫生。 【二次修訂版，一路改一路貼】: 「返去啦。」

回到樓下時，眼睛忽然從後被人掩住，然後一把熟悉的聲音對我說：「估下我係邊個？」

一聽把聲就知係你啦……

我掙扎後轉身去，Tinny 背著書包站在我面前。

果然。

她應該是剛剛放學。





「都唔好玩嘅，你一啲反應都冇。」她撅嘴說。

「返去啦。」我簡單地說道。

「你知唔知我學校今日有老鼠呀！」她抓著我手臂邊行邊說。

被她捉緊的時候，手臂就像剛從冰格裡拿出來般僵直起來，完全放鬆不了。

並不是因為她是一個女孩子甚麼的，而是從小到大對於任何親密接觸，我都會出現這種反應。





我不知道她對我這種不自然察覺與否。

她只是滔滔不絕地說著：「上上下PE堂突然間跑過操場，差啲嚇死我地。」

「吓？真架？」我平淡地說。

「係呀！好彩小食部姨姨幫手捉左。」

「係咩。」





「有人嚇到喊添呀！」

「嘩。」

「係呀！隻老鼠好大隻架！」

「幾大隻？」

「手臂咁長呀！」她用手比著大小。

「嘩。」

「不過都好過有甲由。」

哈哈，這傢伙還是和從前一樣，最怕的只有蟑螂。





進了家門，外婆一早煮好四餸一湯等我們。

「快啲換衫出嚟食飯喇。」她把碗筷放到桌子上。

「知道！」說罷Tinny 跑入房裡。

我攤坐在梳化上，疲勞感一湧而上。

「唉……食完飯先換。」

怎料外婆一掌拍在我後腦：「食完飯畀個官你做！快啲換衫！」

「痛架！！！」我大叫。





「你唔換唔好食呀！」

「睇下有咩食先！」我偷偷揭開桌上蓋著的飯餸。

這次外婆一掌拍在我手背：「試下掂吖！」

「你都係煮畀我食架啦！」我辨駁。

「你唔換衫就咩都唔好食，淨係我同Tinny 食。」

「你睇你偏心到……」我投降，乖乖地進睡房換上居家服。