[專員≠Hugo] 我係溫文樂，奉命調查一宗垃圾站藏屍案: 三十九

三十九) 

呀健似乎撈得唔錯，佢間公司係中環， 
而且員工數目都唔少。 
我推開佢公司既大門， 
向面前個位接待小姐怒哮。 

"東九龍重案組，叫高志健出黎見我。"我手持證件。 

門口個位小姐嚇到面都青埋，似乎入世未深， 




仲驚緊點解會有差佬搵上門。 
佢隨即打左個電話。 

三分鐘後，有個男人皺住眉咁走出黎。 
冇錯係呀健。 

"樂仔，你咩意思先？"大概佢好唔滿意我少少情面都唔俾佢。 

但係我而家邊到仲會俾面佢？ 
我衝埋佢身邊，雙手抽起佢衫領。 





"你點解要殺芷晴？！ 
仲有Candy同陳穎妍係咪都係你殺既？" 我噴到佢一面口水。 

"你痴左線呀？我殺人？你咪屈我喎！ 
你估差佬大哂呀？放手呀！"呀健想反抗。 

我二話不說，揮拳打向呀健。 

"停手呀！"呢個時候，呀燊趕到， 




可惜都係遲左一步。 
呀健已經食左我呢拳。 

"溫文樂！你痴左線呀？ 
冇啦啦走黎話我殺人，仲要打人？ 
你等收投訴啦！"呀健推開我，整理佢件衫。 

"你仲咁串？"我又想衝埋去呀健到， 
不過我俾呀燊拉住左。 

"夠喇樂仔！你痴左線呀？你差佬黎架！"呀燊從後攬住我。 

正當我想反抗，呀燊係我耳邊既一句說話， 
令我完全崩漬，呆坐地上。 





"死者報告出左，唔係呂芷晴呀！ 
你...做乜咁衝動呀？唉..."呀燊搖頭嘆息。