[專員≠Hugo] 我係溫文樂，奉命調查一宗垃圾站藏屍案: 三十八

我二話不說，立即開車番警察局。 

"呀健！你不得好死呀！ 
俾番芷晴我呀！！" 我不禁係車內怒哮！ 

一踏入差館，我已經一個箭步跑到呀燊附近， 
一手搶左佢睇緊既報告。 
呀燊見我咁反常，只係皺一皺眉。 
而四周圍既同事亦都被我一連串既奇怪行為吸引住。 





可惜，報告入面搵唔到我想要既資料， 
因為屍體俾人毀左容，而家正係到鑑定緊佢既身份。 
我一手就將份報告掟落地下， 
然後一拳打埋牆。 

"樂仔，做咩呀你？冷靜少少先。 
呀頭係房架。"呀燊好言相向。 

"冷靜？點冷靜呀！ 
如果你死左女朋友你可唔可以冷靜到呀？"我大聲咆哮。 





四周圍既同事議論紛紛。 

"下？唔係咁慘呀嗎？之前死個個係佢前女友，而家死埋正印？"警員A皺皺眉頭。 

"唔係喎佢點知係佢女朋友呀？"一個女警好冷靜咁問佢身邊既同事。 

"女朋友？你點解咁肯定佢既身份？"呀燊非常驚訝。 

"點解？唔洗問一定係佢！"呀健個賤人個樣係我腦海出現。 





我唔可以放過佢！ 
我搵搵呀健俾我既卡片，就向佢公司出發。 

"喂樂仔！份報告出左喇！喂！唉..."呀燊叫都叫唔住我。 

呀燊知道阻我唔到，唯有打開份報告睇睇。 

"今次仆街喇！喂蛇仔，打俾樂仔叫佢番轉頭！"二話不說，呀燊叫同事打俾樂仔。 
同時，呀燊即刻跑出去攞車，希望截住樂仔。