[專員≠Hugo] 我係溫文樂，奉命調查一宗垃圾站藏屍案: 二

第二日，我一步入差館，已經感受到一股奇異既氣氛。 

“喂，樂仔，收到風呀可？” 同我講野既，係我同事兼老死，陳浩燊。 

“琴日單CASE？你唔好同我講又係我地條TEAM接呀…” 我表示十萬個無奈。 

“冇十成都九成啦…呢類CASE有邊次唔係我地TEAM接架？”呀燊攤攤手。 

“樂仔，呀燊，入一入黎我OFFICE。”開聲既係我同呀燊既老頂。 





我同呀燊相視後苦笑左一下，就去左老頂間房。 

“我想你地條TEAM接呢單CASE。我知條屍爛哂未必查到D乜，不過盡力啦。 
鬼叫新聞報哂出黎咩，點都要俾市民一個交代架喇。” 

我同呀燊點點頭就出番去。 
我最討厭就係接呢類型既案件，除左傳媒大肆報導引起左社會關注之外， 
又要應付家屬既苦纏，仲要對住發臭腐爛既屍體。 
諗到呢到，我按一按太陽穴，舒緩一下偏頭痛。 





“都要做架啦兄弟，頂硬上啦。”呀燊拍拍我膊頭，以示鼓勵。 

於是，我先睇下琴晚警察既報告。 

女性，身型偏瘦，身高約160公分，二十至三十歲屍頭被發現時，身上並無任何衣物。 
除左右手無名指上既一隻介指。 

資料非常少，正當我同呀燊商量緊應該搵琴晚發現屍體既清潔工人查問一下之濟， 
突然有同事掉左份報告係我地面前。 





“驗屍報告出左。” 個位同事只係冷冷拋低一句。 

我打開報告，睇左一陣， 
報告既內容震撼住我既眼球。 
我深呼吸，久久未能息懷，唔能夠相信眼前既報告。 
因此報告內既名，同我上任女友，一模一樣。