【Merry Xmas】我一個唔留神 撞死左聖誕老人！？: 第一章
第一章
「喂阿伯你點呀！」我急忙蹲下來搖著他的身子。
然而他還是動也不動。
「你唔好死呀！」我聲淚俱下大叫著 : 「你死左既話我要坐監架屌你老母！」
啊唔好意思更正番先。
「你唔好死呀！」我哭著說。「你死左既話我會內疚一世架！！！」
只見呀伯頓了一下，終於勉強瞪開眼睛。
「你無事呀麻阿伯？！」我高興道。
嘩屌嚇死我，好彩佢無死到姐。
「啊……我諗我無事既。」阿伯微微張口說。
他的目光放遠得像穿透了行人隧道的天花板一樣。
「不過呢……唔知點解我好似見到我死鬼老婆同緊我招手啊，呵呵。」
「喂唔好呀阿伯，唔好應佢呀！！！」我搖晃著阿伯的身軀。「你應左佢就番唔到轉頭架喇！」
「好耐無見喇老婆……」阿伯開始自言自語上黎。「仲記唔記得我地係點樣識？我地……」
老實講我當時真係無點留心聽佢講故仔，事關我個陣滿腦子都係諗緊如果阿伯瓜左既話，我以後既人生應該都玩撚完。
「阿伯呀，阿伯！」我大叫著。
然後我有我叫佢，佢有佢繼續無視我。
「妖！」終於係呢個Moment我忍唔住燥底左一下，兜巴車左落去佢到。
「啪！」清脆既一聲，阿伯彷如回過神來認清楚眼前的事物。
佢瞪大對眼望住我，神情之中好似流露出一絲絲喜悅咁。
屌佢痴線架，抖M？！
定抑或佢其實係Gay既？
嗚啊都係快啲走算喇！
「阿伯你係咪無事喇？」我害怕的道。「無事我走架喇！」
阿伯完全無心裝載我講的說話，只有非常期待咁望住我講 : 「年青人，你單身左幾耐！？」
「……」整個空氣Dead得像屎一樣。
「屌我走喇！」我正準備站起來離去。
「答左我先啦，你單身左幾耐？」阿伯又再問多一次，而且今次仲要幾認真下。
「……」我只好死死地氣回答。「我未拍過拖呀，即係十八年呀得未？」
「呵呵呵，果然我無估錯！」阿伯滿足道。「憑你既手力我就知道，」
「你一定係未，拍，過，拖！」
「……」
屌，不如俾我一槍打瓜佢算。
「得喇得喇知你勁喇阿伯。」我徐徐拿出手機。「睇你咁既款都應該無乜事架喇，我幫你Call白車啦。」
點知就係呢個時候，阿伯佢突然伸出左手緊緊捉著我的右手手腕。
「年青人，終於俾我等到你喇！」阿伯滿足的淫笑著。
「嗚呀我唔係Gay架唔好爆我菊花！」我用另一隻手護著後庭。
「我做聖誕老人呢份工都做左好多好多幾年喇，雖然我個心仲好想繼續做落去，之但係身體唔聽洗，睇怕都過唔到今晚架喇。」
「下？阿伯你講咩呀？！」我不解又緊張道。「你唔會死架放心啦，我依家就幫你Call白車！」
「唔洗喇唔洗喇。」阿伯平心靜氣咁講。「自己知自己事啦。」
佢繼續講 : 「自從我開始覺得自己力不從心，勝任唔到聖誕老人呢份工之之後，我每一日都係到等待緊一個合適既繼承人出現，可以繼續完成我的工作。」
「然後，終於俾我係臨死前搵到你！」阿伯微笑左一下。「太好喇，全世界既小朋友從今以後都可以繼續有聖誕老人帶歡笑俾佢地喇！」
「阿伯……對唔住呀！！！」我崩潰咁喊左出黎。「一日最衰都係我……如果唔係我踩太快撞親你既話，你依家就唔會痴撚左線……嗚嗚……」
「……」阿伯。「屌，講完一大輪都係晒鳩氣。」
阿伯徐徐放開左佢剛才一直緊握著我手腕的手，於是乎我就赫然發現剛才佢捏緊住的位置上居然出現了一條散發著藍色光的環腕印記。
「點都好啦，雖然依家的你仲未知道發生緊咩事，但恭喜你已經成為左聖誕老人喇。」阿伯再次開聲，但聲音已明顯虛弱了極多。「好希望我的決定真係無錯啦！我相信你一定可以從呢份責任中重新感受到個一份屬於小時候的快樂既！」
「喂你做咩事呀阿伯，做咩突然無晒精神！」我著急說。
「睇黎我都差唔多夠鐘喇，呀八野婆係上面等緊我！」阿伯笑說。
雖然阿伯講既野就唔多可信，不過係此時此刻都唔理得咁多。
「咪住先呀阿伯，點解要揀我喎！」我問。
「因為……我貪你隻右手夠大力去搬貨囉。」阿伯用僅餘一口氣說。「仲有睇你個樣應該都成世單身架喇，平安夜無街出，咪有時間幫手去做下野囉。」
「呵呵。」
一下招牌的聖誕老人笑聲之後，阿伯突然整個人一鬆，失去了知覺。
「……」我。
「阿伯！你乜春都無同我講我點識做呀！！！」
就係呢個時候，我手腕的印記突然釋出強光，把我刺得緊閉著雙眼。
「好暈……」我開始感到頭昏腦脹。
眼前一黑，我的意識亦停止了運作。
在尖沙咀的海旁上。
「三……」途人們大聲呼叫著。
「二……一……！」
「聖誕快樂！！！」
***
「咇咇咇咇，咇咇咇咇……」
床頭的鬧鐘在響個不停。
「起身喇，」這是一把甜美的女聲。
「俾我訓多陣先啦……」我回答。
「起身喇起身喇~~~」女聲繼續說。
「嗯……」我把被單直接蓋過頭頂。
「……」她深吸了一口氣然後大叫 : 「起，身，喇！！！」
「嗚啊！」我頓時札醒了起來。
本來我以為這已經夠驚嚇了，誰知當我對焦清楚前方一切之後，才真真正正明白到什麼叫震撼。
「早晨啊。」一名少女正騎在我的被單上微笑說。
「Santa <3」