《再一次》: 後記

簡單講一下寫作嘅過程。

本身題目叫《記憶保鮮》，係高登有位巴打出post，希望有人可以作一篇呢個題目嘅文出黎參考下。

當時我就諗住用呢個題目寫個甜故，大致上就係依家呢個故，不過原先設定係發生喺現實。後尾諗諗下，某啲情節其實唔太寫實，亦太過巧合，所以變成一個個夢。所以我講定係爛尾。

呢個故事係我第一次寫頗長嘅故事，本身諗住二萬字左右，每個夢大約同第一個差唔多長度。但係人算不如天算，結果第二個夢開始暴走，結果比我預計嘅字數多一倍有多。

另外最初都唔係諗住寫呢個故先，我寫緊另外兩個故事，但係好快就卡住左。結果就促成呢個故事。



去到後面，因為係邊寫邊諗，所以有好多嘢都偏離左我原先想講既嘢，而有好多想講嘅亦都無講到。例如做愛嘅場面，次數係按照我計劃咁去，但無諗過會咁長。呢個係我嘅失誤，如果有下個故，希望可以做得好啲。

好多謝各位一路追看，我原本以為可以寫得快啲，點知都係太高估自己。

相信一定有好多人會覺得：下？就咁就完左？即係點？

不過就算連我都唔知即係點，因為我都唔清楚「我」會點揀點做。

我唯一肯定嘅係，「我」會move on，但係至於點樣move on，就唔清楚喇。



呢個故事入面我都擺左一啲自己嘅嘢入去，有啲係一早計劃好，但係有啲係不自覺就寫左入去。呢點都需要改一改，畢竟如果每次都從自己身上取材，個人會好攰。

之後我應該會繼續寫其他故，主要都係一啲現實一啲嘅故事。但寫咩我重未諗好。

差唔多寫完嘅時候，我發左個夢，夢到一個好適合嘅故仔，可以同《再一次》同另一個之前諗過既故湊成一個系列、三部曲（互不相關）。不過有啲重大場口要諗諗。

另外就可能係一個關於校園嘅故事，好多年前已經開始構思，但係呢個就可能要挖好多自己中學時期嘅經歷出黎。

好，我都係唔9up太多。再一次多謝大家追看，希望我地有緣再見。



特別介紹：

張懸－－《艷火》
http://www.youtube.com/watch?v=lqPhqGu3VCM

麥浚龍－－《金剛圈》
http://www.youtube.com/watch?v=5sMrxU87JAI