[人生哲理]《黑白的世界不止於灰》: 44 彩色的世界(2)

齊天勝想說話，不知道如何開口，不敢面對我。
 
「佩盈姐係影之前吩咐過，要好好保留佢既相，所以我一直都好好保存。」他說，「但……」
 
「但咩？」我追問。
 
這時有客人想買番薯，我先用十秒左右完成了買賣。
 
然後齊天勝才回來。
 




「我有段時間公司投資失利，好需要錢。」他皺眉起來，左掌揉揉額頭，「如果我冇一筆錢去周轉，早就破左產，就冇今日既我。」
 
這個人在說什麼？明明我在問他照片的事。
 
「我聽佩盈姐提起過你既事，我知道佢同你既約定，所以我今日先會黎搵你。」他說，「本身，我真係好想將佩盈姐張相交到你手上。」
 
「但就係我最缺錢既時候，咁啱有人出高價同我買張相，所以……」他說，慢慢閉眼，「我賣左。」
 
賣了？沒有了？
 




我退後半步，幾乎被失落包圍。
 
「咁重要既相，你居然『賣左』？」我輕輕問。
 
雙手輕抓頭上帽子，不知所措。
 
腦海裡一片空白。
 
「到底……係咩人？」我最後的理智，要知道相片的下落，「到底係咩人會用高價買佩盈既相？」
 




「邊個會對佩盈既相咁有興趣？」我問。
 
腦袋實在想不到。
 
每想一次，就像在絕望的泥沼中找尋希望。
 
於是他說——
 
「張相我已經係三十年前賣左。」他記憶清晰，回憶地說，「我好記得當時佢仲幫我左一個大忙，如果唔係佢，真係冇今日既我。」
 
「佢係一個叫塵明月既女人。」他回答了我問題。
 
聽了這個答案。
 
我以帽沿遮住淚眼，只露微笑。




 
「多謝你。」我真心感謝。
 
後手解開黑色圍裙。
 
「家姐，幫手睇住收銀位。」我喊了一聲。
 
「放心，你去啦。」家姐走過來。
 
「不如早收？」小熊維維問。
 
我卸下圍裙後，再摘下帽子。
 
離開前，跟齊天勝再次道謝。
 




「你要去邊？」他好奇。
 
沒有回答。
 
幾步之後，便跑了起來。
 
來到班馬線前，有巴士在面前駛過，車身有黑色的玻璃。
 
黑色玻璃倒映著正在打電話的我。
 
「電話暫時未有人接聽……」我看手機時間，是五點四十五分。