[人生哲理]《黑白的世界不止於灰》: 32 沒有人敢做的事(4)
有點緊張，心跳不停加快。
手還是伸了過去，要拉開床簾。
「拉——」
此時，旁邊有一道房門開了。
「咔嚓——」門柄被扭動，門打開，裡面有一個男人。
他雙目有淚，穿著毛衣、西褲和皮鞋。
臉上留著灰鬍子，有些年紀了。
「你係……」我慢慢放下拉床簾的手。
「我仲以為係天勝既新父母。」他說。
「你係曾叔？」我問，望望門口，小齊已經走了。
他點點頭。
「你真厲害，居然係我善意既謊言之上，再加多一層謊言。」他說，「你地……係天勝既咩人？」
「我地只係啱啱識，然後陪佢上黎，唔算係佢咩人。」我說。
「咁……」他望向佩盈，又望我，「多謝你地，我都係時候要走。」
「你依加——」我想追問。
「送走左天勝，我就開始左搵工，從散工做起，依加已經有固定工作。」他說，嘴角微微揚起。
他的眼睛很小，從窗口俯瞰地面，看著天勝開門出走。
「點解你要送走佢？你捨得架嗱？明明生活左七年。」佩盈問。
他的情況跟佩盈當年很相似。
當年佩盈被老豆送去跟親母同住，是為了讓她得到好的教育。曾叔把小齊送走，也是為了能夠讓他可以過更好的生活吧。
佩盈很投入，很有體會。
「咩原因都好啦，無論係佢，定係我，都需要一個新既開始。」他感慨，手肘靠窗邊，看著齊天勝跑遠。
「我冇左間工廠，破產之後，咩都做唔到。」他說，「嗰場地震，我間屋都冧左，家人全部都唔係度。」
「當時形同廢人既我，心如死灰，唯一可以拯救到我既，就只有小朋友既笑容。」他說，「佢既人生仲未開始，佢仲有好長既路要走，佢仲有無限既可能性。」
「所以我先接手照顧佢。」他說，「但幾年之後，我既破產期完結，又搵到佢既親人。」
「就諗……」他轉身，望著我倆。
「或者我都係時候重新振作，唔可以靠乞食過世。話晒我年輕既時候，一表人材，一手成立自己既公司同廠房。年紀雖然大左，但未完，我仲可以東山再起。」他說，「懷住哩個諗法，我就送走左佢，重新開始。」
這時，我看到窗外，下面有男孩正在跑回來。
但我沒有告訴曾叔。
曾叔一直說，一直分享這些年的點滴。
知道他為了扮演一個好人，付出了很多。
「最後選擇住係哩度，因為哩度唔洗交租，又大又冇人趕。」他說，「另一個原因係，哩度好危險，唔知幾時會冧。」
「人對於有限期既野，會特別珍惜。」他說。
「所以我定左個日期，假如可以係度住三個月，仍然冇穿冇爛，咁我出去之後，就要重新做人。」他說，懷緬著，「依加算係做得幾好。」
「至於七年，因為我本身有個仔，地震嗰日佢七歲。我唔想照顧人地個仔既時間，長過自己個仔。」他說。
「人生經歷豐富，就會發現生命中重要既人愈多，失去既人就愈多。無論係我老婆，定我個仔，我地相處既日子，我時不時仲會諗起。仲有以前既同事、員工，我地一齊叫口號，一齊同心合力趕工，為一個共同既目標努力。」
「以上，因為佢地已經唔係度，所有野都成為左記憶，只有我一個人記得。」他說，「所以我要振作，要東山再起。」
我一直聽著，他口中的東山再起，不是為了賺大錢，而是一個心願，一個當年大家無法達成的心願。現在由倖存下來的他，繼續完成。
我聽到這裡，覺得時間應該差不多了。
「躂、躂、躂、躂……」腳步聲漸近。
我和佩盈回頭看，曾叔也在看著，白色燈光出現。
安全帽燈照射過來。
「哮……我仲未問你地兩個叫咩名。」小齊喘著氣，扶著門框。
這時，他才發現——
曾叔也在，正以淚眼看他。
「你地……叫醒左佢？」小齊問，慢慢地走近。
「係啊。」我笑笑。
他卻只看著曾叔。
我和佩盈互望一眼，已經沒有我們的事了。
然後我起步，跟佩盈一起，與小齊擦身而過。
小齊撞進了曾叔的懷抱。
曾叔也抱起了他。
「姐姐叫佩盈。」佩盈忽然說。
慢慢地，小齊豎起姆指。
「我叫何常。」我離開前舉一舉帽子，再戴上。
小齊仍然豎起姆指。
接著我們就離開了，從小齊跑出去的時候，破開了的門，光明正大地出去。
夜晚的風有點涼。
我回望一眼，看著二樓的窗口，彷彿看到兩人都有了色彩。
「返屋企喇。」佩盈說。
「嗯。」我輕鬆回答。
重新望著前方，與她肩並肩地走著。
剛才的事，只是一場偶遇，一段生命中的小插曲。
卻讓我體會一山還有一山高，在他們經歷的痛苦和無常面前，自己對現狀的不滿只是樓梯裡的一級。
有時候，一步就能解決。
即使要一百步，也不會超過二百步。
不過最難的，是要知道自己要走上的，是哪一條樓梯。如果走錯了樓梯，又有沒有勇氣轉身落到地面，再找一次？
種種的人生問題，最後都是靠自己的選擇。
我和佩盈一起踏上樓梯，上到三樓的家門前。
在她準備敲門的時候，我說了聲「等等」，捉住了她的手。