[人生哲理]《黑白的世界不止於灰》: 27 別忘了，不該忘的事(2)

很明顯，佩盈沒察覺我也下來了。
 
「你……又落黎既？」她有點尷尬。
 
我看著她，有點不安的樣子。
 
「可唔可以，帶我周圍行下？」我問，環望四周，「我琴日先搬黎，仲未熟附近既路。」
 
「你又係住哩頭？」她問。
 




「係啊，租左個單位。」我說，「所以先會係度撞到你地。」
 
她的身上，仍是上班的白襯衫和黑西褲。
 
鞋子是格仔布鞋。
 
「你想去邊？」她問，「但我唔想出黎太耐，因為留低老豆一個，好似唔係幾好。」
 
風吹起她的長髮，使她用手按住。
 




「我地就係附近行下？」我說，「當食飽飯，散下步。」
 
附近的三層式住宅，有燈亮，有窗暗。
 
兩個人在街道上走著。
 
我在左，她在右。
 
我問了她這幾年發生的事，她說當年備考的結果是失敗了，只能讀次一級的美術學院。
 




畢業後，開始找工作，在幾家公司待過。
 
可是都沒有發展機會。
 
「時間真係過得好快。」她感慨。
 
才幾天沒見，你就過了八年，二十六歲了。
 
「時間實在過得太快。」我絕對同意。
 
「黎緊，你諗住點？真係轉部門？」我問。
 
有時候，我看著她和鄭健。
 
反而覺得以前逆境中的他們，更有生命的光輝，更有魅力。




 
而當物質條件滿足之後，在安穩之後，向前的動力反而小了。
 
從前沒有收入，必須努力在月台賣帽子的佩盈；從前想滿足爸爸的期待，必須努力讀書的佩盈。
 
今天有收入了，爸爸也很滿意了，是不是只需要保持這樣就好？
 
是不是沒有逆境，就不需要有向前看的目光？
 
安穩，是最大的敵人？
 
我帶著很多疑問，問了剛才的問題。
 
「我唔係好想轉部門，但好似冇得揀。」佩盈迷茫地說，「市場部個經理對我好好，轉過去，應該一切都會順利。」
 




「應該可以有好日子過。」她再說。
 
如果我是一個旁人，一個普通朋友，我只需要說一聲加油，就完事了。
 
可惜，我不是。
 
「比你隻手我，我幫你睇下掌。」我說。
 
「吓，你識睇架咩？」她問，把左手給我。
 
伸手去捉她的手，拉過來看。
 
「唔好去。」我說。
 
「點解？」她問。




 
「你睇下你條生命線幾短？」我說，指著她的掌紋，「即係話你可能好短命。」
 
「咁點算？」她緊張。
 
「所以，你要把握時間，去做自己鐘意做既事。」我說，「你可以委屈自己，可以有黑眼圈，但只限為左——自己想做既事。」
 
「對於唔想理既人，唔想返既工，你無需要忍。」我說。
 
聽了這番話，她明白了我的用心。
 
「多謝你。」她微笑。
 
露出了小酒窩。
 




慢慢收了手。
 
在街燈之下，兩人的影子很黑。
 
「唔知你仲記唔記得，十年前既你、八年前既你係點？」我說，「我仲記得好清楚。」
 
「我好想你可以保持當時既樂觀，保持對未來既憧憬。」我說。
 
「點解？」她問。
 
「咩點……」我還沒說完。
 
「點解過左咁多年，你仲記得咁清楚？」佩盈踏前一步。
 
兩人的影子很靠近。
 
「因為……」我語塞。
 
這時白光照來，有人踏自行車衝過來。
 
我本能地抓住佩盈肩膀，壓向燈柱。
 
自行車從我背後掠過，白光繼續照去。
 
我望向自行車，是個送外賣的小子。
 
回過頭來——
 
佩盈近在咫尺。
 
「以前都好似發生過類似既事。」她說。
 
「嗰日我地睇完影畫戲，食完糖水，就差啲比車撞到。」我說，「之後你就約左我第二日踩單車，拎住本日記去搵日記主人。」
 
「仲係農村過左一晚，收割人地啲菜，搞亂晒人地間屋。」她莞爾一笑。
 
「你仲記得？」這次是我問她。
 
「記得，不過都係好多年前既事。」她說，面露難色，「嗰時想去邊就去邊，依加邊有咁自由？」
 
我聽著，站著不動。
 
很快，外賣小子就回程了。
 
白光照了過來。
 
踏出一步，我強行地攔住他。
 
外賣小子非常不爽地剎車，正想要罵我時。
 
「十蚊，租你部車一晚。」我說，「之後我會還返去餐館。」
 
成交。
 
「你傻左？」佩盈問。
 
我跨上自行車，看看後座。
 
「上車。」我只說一遍。