(短故）《為咗係聖誕前出pool，我居然去咗玩tinder》: 8.
原來世界真的可以這樣細小，我以前都不相信，現在總算親身經歷了一次。
我和K和以往一樣，每天來來回回地聊天。
「聖誕去邊到玩？」K問我。
「我返公司同啲咖啡呀、杯杯碟碟開party，算唔算係玩？」我當天慵懶地攤在宿舍的床上，因為放假。再過兩天就是聖誕節，我的節目就是上班。
「咁慘，大時大節都返工？」
「無人約，唔返工都無嘢做啦。」
「哈哈。」
我有一刻以為K想約我，但他之後就轉向說其他話題了。
「係啦，個日你咪話想要poster嘅。」他指的是deca joins那張：「我有friend有多張，寄畀你？」
其實我有點奇怪，我和K都算見過面了，但他卻好像沒有絲毫意欲再約我出來。
對我沒有興趣嗎？但他又每天準時地找上我，和我聊著漫無邊際的話題。
所以我完全搞不明白K在想什麼。
平安夜的晚上，咖啡店的生意比我想像中好，這裡有不少情侶和一大班年輕人，我想他們都是大學生。
「啲人平安夜都嚟cafe嘅。」我把收好的碗碟放在海文面前：「我以為今晚會無人添！」
「你無人約就話姐，我地搞埋啲咩聖誕套餐，一定有傻鳩幫襯㗎喎。」他指指放在門外的小黑板：「成三百幾一個餐都有人衝。」
「所以我咪返工囉，橫掂唔返都無嘢做。」我吐吐舌頭。
「唔好咁講，一係我地今晚收鋪之後去飲嘢囉，好無？」他左顧右盼地說：「反正大家都無著落。」
「飲囉。」我不是經常喝酒的人，不過想起今天是個普天同慶的日子，放縱一晚都沒有關係吧。
他開懷地笑了，然後話：「唔好走數呀！」
「我請你囉，當多謝你上次幫我返工。」
於是下班後我和海文比平時更迅速地收拾和打理餘下的工作，就跟老闆娘說走了。
「你地兩個去拍拖呀？」老闆娘悄悄地問我，掛上一副不懷好意的笑臉。
「痴線，同佢？咪玩啦，我唔鍾意小deedee。」我連忙搖搖，裝著連登小狗「不了」的樣子。
「反正你單身，試下囉。」
「唔喇老闆娘，留返比你喇。」
「睬，我有老公㗎喇！」
我笑著跟老闆娘道別之後，海文問我：「頭先事頭婆同你講咩？」
「無，佢話你好樣衰，唔明點解我會跟你去飲嘢姐。」
「你都戇撚鳩，唔信！」
「咁我走囉。」我裝作要轉身走，海文拉著我：「咁你又唔好嬲。」
「點呀，去邊飲呀，我好少去飲嘢，唔識邊到有㗎！」
「我帶你去我去開個間啦。」
酒吧位於佐敦和尖沙咀之間的山林道，整條街就只有這一間酒吧。
我還以為酒吧一定是很嘈雜，整晚就要聽著那些人在大聲叫囂、喊著「十五二十」地過我的聖誕；但這裡意外地安靜，很多人只是細聲地和自己的朋友聊天，沒有人猜枚、搖骰盅，是普通酒吧以外的光景。
台上有一隊LIVE BAND在演唱，是我喜歡的soft music。
「呢到啲歌唔似你啲style喎，你唔係鍾意聽濕鳩moment㗎咩？」我毫不客氣地問。
「屌你喇，我同呢到啲人熟呀，所以成日自己嚟囉。」他續向吧枱揮揮手大叫：「喂！」我跟著他的視線望過去，一個戴著cap的男人抬頭望向我們。
「阿君！」海文大喊：「我帶咗個同事嚟捧你場！」
我非常意外會在這裡見到他。一方面覺得失望，原來我從來不知道他在酒吧工作，他完全沒有向我透露過半點；另一方面又為著見到面而感到高興，今天是平安夜，再過不夠一小時就聖誕節了。
「hello.」此際阿君走過來，跟海文碰了一下拳：「你有個咁靚嘅女同事，唔早啲帶嚟嘅？」
「佢都叫靚？你唔好講大話喇，佢會信係真㗎。」海文向他介紹：「呢個係我同事，佢叫沈卓怡。」
「我地又見面喇喎。」阿君笑意盈盈地說。
「係囉。」我也配合他地笑起來。
「你地見過？」海文疑惑地望向我們。
「之前睇show見過。」阿君替我回答：「估唔到咁都撞得返你。」
阿君和我們閒聊了幾句後便因為要招呼其他客人，走開了。
「你點解識阿君嘅？」我馬上向海文打聽。
「中學同學，我地老死嚟㗎！」
「又會咁啱。」
「呢個世界係咁細㗎喇。」
然後我們叫了一個tower，喝光之後又叫了shot。
「喂，我唔飲得㗎喎。」我推開面前的小酒杯。
「怕咩呀，呢到好少咋嘛，飲啦。」
我被迫灌下幾杯不同的酒精，一陣焯熱在喉嚨間蔓延開去。
「屌，好難飲。」我忍不住從袋子裡拿出一瓶清水，往死裡喝掉了大半枝。
「渣㗎。」他向我做了個大拇指向下的手勢：「講明先，我唔會送你返去㗎。」
我反了一下白眼，跟他說：「唔洗你送。」
可能是不同酒精混在一起的關係，身體開始出現一陣重心向下的感覺，心臟的跳動亦比平常快很多。
我們沒有停止過喝酒，直到枱上面所有可喝的都被清掉了為止。
「喂，再飲過....」我扯著海文的手，對著他說：「聖誕快樂！」
「你唔係好得喎沈卓怡。」他摸摸我的額頭：「㷫撚到呢，唔好再飲啦你。」
過了一會兒，海文走向阿君，跟他說了些東西，阿君不時回望向我，然後再向海文點點頭。
「喂，我有friend有下場，你咁樣都去唔到㗎喇？」海文輕聲在我耳邊講：「我叫咗阿君送你，佢同你住得近，放心喇。」
然後他摸摸我的頭就走了。
我昏昏沉沉地睡著了，再有知覺時酒吧的客人已經走光，只剩下我和阿君。
我站起來，隨即又因為體力不支而坐下，我連站都站不穩。
「我送你返去喇。」阿君和我離開了酒吧。