(短故）《為咗係聖誕前出pool，我居然去咗玩tinder》: 3.

「點呀玩成點？」Celina隔天便追問我：「有無啱嘅人？」

我想起那個男人，我忘記了他的名字，只記得酒吧照片和《海浪》。

「無呀，我都話我唔啱玩呢啲㗎啦。」我搖搖頭。

「咁呀，遲下sem break同你落club玩啦，不過唔好話比阿鋒聽，佢會殺咗我！」阿鋒是她的男友，我們見過一次，因為他來過宿舍找Celina。

「得喇。」



之後我和Celina隨便地吃了個午餐，我便去了上班。

我上班時一邊收拾客人吃光的碗碟，一邊聽著《海浪》。

我在一間小型咖啡店工作，幸運地老闆娘給予很大的自由度，除了是工作氣氛輕鬆以外，店裡的歌曲都是由我負責。

「屌，你又聽埋啲鳩歌？」負責沖咖啡的叫海文，他也是大學生，不過比我小一年。

「關你咩事。」我向他吐吐舌頭：「好好聽喎。」



「成首歌都唔知做乜，成分鐘前奏都無人唱，奇撚怪怪。」佢邊洗擦咖啡機邊說：「梗係聽supper喇，正咁多！」

我沒有理他，繼續低頭收拾手上的東西。

「你去唔去食野呀沈卓怡？」今個晚上只得我和海文，他拋著鎖匙問我。

「我唔餓，下次啦。」

我沒有走向地鐵站，而是沿著彌敦道慢慢走向尖沙嘴方向。



我載上耳機，打開屬於我的音樂清單，裡面是一堆藍調和爵士樂。

我覺得深夜一定要配這種格調的歌曲才是夜晚，不然我會覺得世界仍是一片淨白。就像火腿一定是配通粉；沙嗲牛肉就是公仔麵，兩者對調只會格格不入。所以我很少聽流行曲，即使是比較熱門流行的張敬軒和supper moment，對不起我沒有當你們的聽眾，因為你們永遠不屬於我的夜晚。

當我走到廟街，夜色籠罩的廟街卻燈火通明，有些人在跳舞、有些人在擺攤、有些人走來走去。我望著街頭上幾個在吸煙的女人，正確來說她們根本是一群大嬸。可是這群大嬸衣著暴露，竟然毫無一絲嫵媚性感。當有男人走過，她們便拋媚露眼，我想應該在招攬客人。我的視線有一下和她們對上了，隨即我就急步離開了。

我慢慢走，走到接近佐敦的時候，電話傳來一則通知。

我和一個叫K的人配對成功了。

我打開tinder看一看，馬上眉飛色舞起來：這個K就是那個男人，我唯一一個希望配對成功的人。

「你好。」K很快就主動找上我。

「你好。」



「點解你會match我？」

「吓？」

「我無樣無剩，你唔驚中伏咩。」

「但我見到你首歌，我相信你嘅品味。」

「海浪?」

「係。」

然後我跟他聊起音樂，發現大家聽歌的口味也非常類近。大概是身邊找不著這類同好，就算是Celina也說過我聽歌的口味很奇怪，很像他男友。



「點解你會聽呢啲歌嘅？」

「無呀，都係朋友推介，之後聽聽下就自己發掘其他。」

「真係好難得，我身邊幾乎無人會聽呢啲歌。」

「我都係，我啲同事話呢啲歌好鳩，哈哈。」

「大家口味唔同啫，有啲人鍾意食飯，有啲人鍾意食麵，無得迫㗎。」

「係嘅，所以我都唔會迫人接受。」

「不過你以後可以同我分享。」

「分享？」



「如果deca joins出新歌，你可以同我討論，哈哈。」

我們聊了一個晚上，內容都圍繞著不同的音樂，我可算是第一次可以毫無保留地向人分享自己喜歡的音樂。

「係呢，你叫咩名？」

「你叫我cy喇。」我思想很簡單，卓怡的簡寫就是CY。

「梁振英？哈哈。」

「屌你啦。」

「咁你呢？」



「你可以叫我做K。」

於是我們之間就以三個英文字母相稱。