消失的五年: 《七》

我同個保安話無事，就轉身離開，向番麥當勞嗰邊走，沿電梯落到一樓，忽然有人拍一拍我，我轉身一睇，仆街喇，拍我嘅係一位警察，佢見我流晒血，就話 


「先生，你流好多血喎，不如比救護員包紥一下？」 


「唔駛喇，皮外傷啫，無事嘅，亞Sir，我有啲肚痛，想去洗手間，哎吔 ~ 好急好急，對唔住，我走先！」講完之後，轉身就行 


「先生，咪行住！」 






都話仆街嘅啦，我當聽唔到繼續行，但後面開始有腳步聲追緊嚟，大撚鑊，唔理咁多，走！ 


我用盡所有氣力咁跑，响商場度左穿右插，向出口方向跑，一出商場，就係頌富輕鐵站，一個轉車站，月台上面企咗好多人，啲人見到一個流血披面嘅人，好自然咁彈開！ 


呢個時候一架輕鐵啱啱駛到，門一開，人群一湧而出，一啲怕事嘅人就想盡快入去，所以場面都幾混亂，亦阻住我逃走，就係咁，比嗰個警察追到上嚟，佢從後箍實我，我用力向後傾，兩人一齊撻咗落地，扭成一團，啲途人見到以為拍戲咁圍成個圈！ 






我知道如果比佢捉住就一定玩撚完，腎上腺素急升，無情力之下，我一嘢打咗落警察嗰頭度，一嘢得手，為咗脱險，再連環幾拳，直至個警察失去反抗能力為止！ 


嗄嗄嗄 …… 望住眼前嘅畫面，見到不停有人用手機影住，我無得揀，起身就走，轉身一望，已經見到有其他警察衝緊過嚟，我推開啲途人，一直跑，如果我跑番入商場，或者過對面天恩邨，好大機會比人捉到，既然攪成咁，唯有搏一搏！ 


我無理會後面嘅叫喊，直接跑落 <嚴禁進入> 嘅輕鐵路軌，呢條落斜路軌望落去都有成四、五十米長，前面漆黑一片，加上凹凸不平嘅碎石，一唔小心，肯定亞太區有一天成為亞太區到頭破血流，但係依家包皮環境，唔到我諗咁多。 






吔 …… 


大話夾好彩，一口氣衝咗落去天富輕鐵站，但我無停低腳步，襲警拒捕，加上頭先商場爆炸，佢地一定唔會放過我，前路茫茫，依家又無家可歸，附近唯一可以暫避風頭嘅地方，只有一個，我另一個家 ~ 


救護站