《憶海》 自從意外之後，我得到咗超能力: 第二部第十二章

「多謝晒啵，扎花真係幾靚。」我滿意地說。

「有幾靚先？」

「放心，無你咁靚。」我開玩笑地說。

「唔理你呀，今日你係我嘅助手，快啲開工！」秋淼臉紅地說。

「係係……」我也只好無奈地附和著。





「好，就等我教下你做花店嘅基本知識啦。」秋淼自信地說。

「秋淼老師，咁就拜託你啦。」我附和她說。

「好耶，終於到我做返老師啦。」秋淼自豪地說。

「咁老師你準備教我啲咩呀？」我笑問。

「唔……等我諗吓先，教吓普通花語啦，當客人無咩主意想買咩嘅時候，就可以根據花語做一啲推介啦。」秋淼自言自語地說。





之後，秋淼帶我到她的花海面前逐一指著各種花介紹。

「玫瑰花就代表愛情，康乃馨就代表溫馨，劍蘭就代表懷念，百合花就代表純潔，滿天星就多數係婚禮會用……」秋淼耐心地指導我說。

「大概就係咁啦……其實唔同花都可以再細分唔同顏色，不過今日講住咁多先啦，如果唔係聽朝都講唔完。」秋淼伸一伸懶腰說。

嘿，雖然接受了那麼龐大的資訊，不過對我還是小菜一碟。

接著，我跟著秋淼回到櫃台，秋淼拿出紙張和筆。





「之後，就講吓花支數嘅意思。」秋淼在紙張上一邊寫一邊說「4就代表承諾，6就代表順利……10就代表十全十美，11就代表一生一世……99就代表天長地久，100就代表白頭到老……」

又是一大堆資料，還真悶……

不過，看著秋淼認真講解的樣子還真是別有一番風味呢。

「咁講法，即係其實幾多朵花都可以兜到一個好意思啦，咁咪好無意義？」我站起來舒展筋骨問。

「你咁諗就錯啦，有一個數字係完全無正面嘅意思。」

「真係？咁係邊一個數字？」我忽然提起興趣去問。

「17。」秋淼面帶愁容地說「代表到此為止，好聚好散嘅意思。」

秋淼想起甚麼悲傷的往事了嗎？





「做咩呀傻妹？」我搭著秋淼的膊頭說。

「無事。」秋淼重拾笑容地說「好啦，上完堂就要正式開工啦。」

老實說，其實做花店也挺悠閒的，等了整個早上也沒有甚麼客人，不過這也不算甚麼奇怪，畢竟不是每個人都需要買花。

所以，大半個早上我們也只是坐在櫃檯前聊天。