《憶海》 自從意外之後，我得到咗超能力: 第二部第十一章

「秋淼，聽日放假得唔得閒呀？不如我帶你出去玩啦。」我打電話問秋淼。

「唔啦……啱啱先考完試，我有啲攰呀。」從秋淼累透的聲音都可以得知，可能她正在睡午覺。

「好啦，咁等你抖足精神先啦。」

「不如咁呀，你聽日陪我睇鋪啦。」秋淼突然提出意見。

「睇鋪？你指你平時兼職個間花店？」我驚訝地問。





「呃……其實嚴格嚟講都唔算係兼職嘅，因為間花店係我屋企開嘅……」秋淼解析著說。

怪不得秋淼好像經常要去花店幫忙吧……原來是家族生意。

畢竟我對秋淼工作的樣子頗有興趣，於是我也答應了秋淼跟她一起看店。

當天我們約了早上九點在花店集合。

當然，我也十分準時到達花店。





然後，當我走進花店，我不敢相信眼前的東西。

花店裡正常地擺滿了各式各樣的花，而在花海中站著一個身穿淺粉紅色連身裙的少女，宛如天使的存在，這次不是發夢了吧？

「咦，炎煒你嚟咗啦？」秋淼酒窩深陷的可愛臉蛋再次迷倒了我。

「傻佬，你無嘢呀嘛？做咩成個人呆晒咁呀？」她露出疑惑的樣子。

「無事無事！」我連忙回過神來「條裙好襯你呀。」





「多謝呀。」忽然的讚美令她也害羞起來。

「我其實一直都想睇你做野好耐啦。」我笑著說。

「口甜舌滑啦你。」秋淼甜笑著說「為左獎勵你今日咁乖陪我看鋪，我就送一扎花俾你啦。」

「又好姐，妳有咩好介紹先？」我笑說。

「唔⋯你想要扎花嚟做咩先？」她問。

「攞嚟送俾你啦好唔好？」

「我已經好多花啦喎，你送俾第二個啦。」秋淼望一望身邊的花海。

「呃……既然你都唔需要花，咁我就……借花敬佛送俾呀媽啦。」我認真地思索著說。





「好，放心交俾我啦，包保你呀媽實鐘意。」秋淼自信地拍著胸口說。

然後她便專業地在花海中東找西找，她專業的樣子一樣迷人。

不一會兒，她拿著一束顏色鮮豔的花走過來。

畢竟，我還是第一次買花，所以我對花毫無認識。

「嗱，呢一束就係萱草花，代表偉大的母愛，啱晒你送俾呀媽。」她笑著說。

她笑時雙眼頓時變成半圓的月亮一樣，笑容比她手裡的花更燦爛。她身上那陣薰衣草香味，比起眾花的香味更加吸引人。