《憶海》 自從意外之後，我得到咗超能力: 第一部第二十四章

到了約會那天。

我在家裡躊躇著⋯

我在衣櫃面前呆了五分鐘，過了很久仍不知該穿什麼服裝。

最後，我決定隨便穿一件T恤配牛仔褲，再穿一件衛衣便出去。

我比約定時間早了一點到尖沙嘴地鐵站等，過了一會後秋淼也匆匆來到。





秋淼穿著一身洋裝短裙和leggings，還戴上了一頂畫家帽，十分可愛。

「你等左好耐啦？」秋淼擔心地問。

「我等左唔係好耐姐，同埋妳都無遲到。」我看完錶後微笑地說。

我發現了她手上的小提琴。

「做咩攞住個小提琴嘅？」我好奇地問。





「我啱啱去完樂團嘛，又唔想特登返屋企擺低，所以咪攞住囉。」

「咁我幫妳攞啦。」我伸出手替她拿。

「唔該晒。」秋淼笑著遞出小提琴。

照思堯意見，我們決定先隨便到一所餐廳食晚餐。

我點了一個京都肉排飯，而秋淼則叫了一個粟米肉粒飯。





在等待食物期間，我拿出預先準備好的禮物。

「嗱，之前講好咗話送俾妳嘅禮物。」我把禮物遞給秋淼。

「你真係送俾我㗎？」秋淼驚喜地問道。

「應承咗你嘛，加上妳上次咪送咗張聖誕卡俾我嘅，而家咪當回禮送返俾妳囉。」

「多謝你呀，咩嚟㗎？」秋淼搖著禮物，想聽一下裡面是什麼東西。

「咪就係妳最鍾意食嘅朱古力囉，傻女」我摸著她的頭說。

「真係㗎？好嘢。」秋淼歡呼道。

很快，侍應便把食物送來。





食飯的時候，我突然覺得被虎視眈眈的目光凝視住。

原來，秋淼正注視著我⋯⋯

的京都肉排飯。

「做咩呀？」我有點不安地問。

「你個飯好似好好食咁⋯…」秋淼嘀咕著說。

「交換啦。」我把我倆的飯互換位置。

「但係我又唔想放棄我嘅粟米肉粒飯……」





「唉……」我深深嘆了一口氣，捏著她臉蛋說「你個為食妹，我地食一半再交換啦，好唔好呀？」

「好呀。」秋淼眼前一亮說。

然後秋淼便像一個小女孩一樣，滿足地吃她贏得的京都肉排飯。

吃過晚飯後，我們便漫步走向海傍。

今晚不是平安夜亦不是除夕夜，所以雖然多人，但不是太擠迫，至少還有走動的空間。