《憶海》 自從意外之後，我得到咗超能力: 第一部第二十三章

放學時，秋淼出現我們班房門口。

我走出班房找她，因為我十分肯定她來幾乎是為了找我。

「聖誕快樂。」我拍著她的頭笑說。

「聖誕快樂，有嘢送俾你呀。」秋淼微笑著說，兩顆小酒窩實在迷人。

她遞出一張聖誕卡給我。





「我年年都有寫聖誕卡嘅習慣，見係你咋，特登畫埋俾你。」秋淼說。

「真係㗎，妳早啲同我講，我可以畫張同妳交換嘛。」我驚喜地說。

「驚喜呀嘛。」秋淼笑說。

晚上。

我躺在床上，讀著秋淼送給我的聖誕卡，卡是用一張A4紙對摺而成，封面畫了一些關於聖誕的圖畫，而內裡寫了一些聖誕快樂之類的說話。





雖然很普通，但看得出她做得很有心機。

不如約她出去玩吧，亦可藉此機會送禮物給她。

我心裡十分糾結，明明十分想約她出去玩，但心中又害怕失敗，惹起她不滿。

究竟應該約……？

還是不應該約？





「死就死啦。」糾結一會後，我最後終於決定約她出去玩。

「聖誕節妳得唔得閒呀？」我在whatsapp中打著。

「做咩咁問嘅？」

「無呀，聖誕假咁得閒無嘢做想約妳出去玩咋嘛」

「噗噗……噗噗……」等待回覆時我的心正在瘋狂亂跳。

「真係㗎，但係我聖誕節個幾日要陪屋企人去旅行啵⋯⋯」

「係呀⋯⋯」此時我心裡有點兒失落。

「但係我之後個幾日都無嘢做，咁你得唔得閒呀？」





「梗係得啦。」我心中再次燃起希望。

「咁我地去邊度玩呀？」

「唔⋯⋯你有啲咩地方特別想去？」

「呀！我想去睇燈飾呀，尖沙嘴個度啲燈飾好靚㗎，我年年都會去睇，不如今年你陪我去？」

「就咁話啦。」我按耐著興奮不已的心情回覆。

結果，我們約了十二月尾到尖沙嘴海傍看燈飾。

在這天之前，我到不同的地方去找可以送給秋淼的聖誕禮物。





我看了很久也沒有選擇好，好像買甚麼也不太合適，為此我猶豫了很久。

約會前一晚，我傳訊息給思堯問她意見。

「你個衰仔進度突然變得咁快呀」思堯揶揄著我說。

「唔好講笑啦，咩野進度呀？」

「繼續扮啦你……係咪想我教你兩招呀」

「當然啦當然啦，請賜教！」

果然是思堯，特別爽快。

「等我諗吓先……最重要係秋淼好鐘意食野，所以唔使帶佢去啲特別高級嘅餐廳，咁樣反而會搞到氣氛好奇怪。」





……

就這樣思堯教了我很多，少說也至少說了半小時以上。

「大概就係咁啦，之後帶佢行完海傍就係一個靜靜地無咩人嘅地方表白，咁樣就一定成功啦。」

「多謝指教。我一定唔會辜負你嘅苦心成功俾你睇」我衷心感激著。

「邊個話想睇到你地係埋一齊……」「作為好姊妹，我先唔想俾秋淼同你係埋一齊，不過見佢好似幾鐘意你所以先自幫你一把喳。」

「我有無咁差呀……」

「當然啦，如果係我，全世界得返你一個男人我都唔會揀你！」





「哈哈哈……」思堯說話還真的不留情面，每次也在打擊我得自信心。