《憶海》 自從意外之後，我得到咗超能力: 第一部第五章

當天晚上。

「叮！」手提電話傳來響聲。

我打開手提電話一看，原來是思堯傳來訊息。

「你曳曳啦」

「你講緊咩呀」雖然我猜思堯已經知道，不過還是要裝一裝傻。





「你以為我唔知道咩？你八成對人有意思啦，今日仲係度呃我，我就知你唔會咁好心，原來驚遲左見唔到人」

「對邊個呀」不愧是思堯，特別懂捉摸人內心。

「仲可以係邊個呀？識左你咁耐我點會唔知呀」

「唉，俾你發現左添」我也只好無奈承認吧。

「睇你個樣都係貪人地靚女啦」





「都唔止嘅，佢傻吓傻吓個樣都幾可愛呀。係呢，你地之後有無提起我」

「你係咪想問人地對你有無好感呢」

「你當係啦」說話能不那麼直接嗎？

「梗係無啦，你當人地同你一樣都係思春期咩」

「都係嘅……」思堯的說話也太一針見血吧。





「不過我有問佢你地點識，後來佢都有講覺得你係點嘅」

「咁佢講左咩」我突然咁興趣起來。

「佢話感覺你斯斯文文咁囉，五官都幾端正嘅。」

這一段說話重新振作我的士氣。

「大概就係咁啦，都幾樂觀嘅，我訓先啦早抖」

隨著思堯帶來的好消息，我也興奮地跳上睡床，希望睡覺時能發一個好夢吧。