《憶海》 自從意外之後，我得到咗超能力: 第一部第四章

終於等到星期一，我當然不會忘記帶上杜秋淼的銀包吧！

等待漫長的課堂過去，我立即收拾課本，衝衝忙忙地走出課室。

「焱煒！」忽然有人在我背後拍我膊頭。

「做咩呀？」我轉頭一看，發現原來是思堯。

「無呀，見你平時都懶懶閒咁，但係今日就咁有精力，咪好奇吓你去邊囉。」思堯調皮地說。





「我之前執到個銀包，打算快D去還返俾物主，費時佢走左就攞唔返啦。」我微笑著說。

「睇唔出你咁好人啵。」她奸笑道。

「當然。」我自信地笑著，便繼續去找杜秋堯。

基本上，我也沒有說謊吧，嘿！

走到班房房門前，我探頭一看，搜尋當天那個少女的身影。





不一會兒，我在靠窗的一個位子上找到她，杜秋淼。

  我不疾不徐地走到桌子前，薰衣草的香味依舊迷人。

「你搵我？你係……」她抬起頭望著我的樣子呆呆的，很可愛。

「我係上星期……」

「我記得啦！你係上星期五俾我撞到我個個。」正當我作自我介紹時她突然興奮地叫到。





「係呀，就係我囉哈哈……」我尷尬地笑道。

「對唔住呀！」她雙手合十道歉著：「我個日睇錯鐘，要趕住去開鋪，所以先自無睇路撞親你，跟住又急急腳走左去。」

竟然連鐘也可以看錯，嘻呆頭呆腦真可愛。

「哼！有咩好笑喎！」她雙手叉著腰裝著憤怒說。

「無，我覺得妳嘅理由搞笑姐。係呢個日妳無撞傷呀嘛？」我忍著笑說。

「無呀，好彩得你墊住咋，真係唔該曬你呀。」她笑說。

「秋淼！」忽然遠處傳來叫喊聲。

我跟秋淼轉頭望去，發現原來是思堯。





「原來你地識？」我十分驚訝地問。

「係呀，思堯係我好朋友。」她微笑著說「咁你地呢？」

「我同思堯同班左幾年啦。」

「原來銀包的物主就係秋淼呀？」思堯好奇地問。

「係啵⋯⋯」我忽然想起要事，然後從褲袋拿出銀包遞給杜秋淼「你上次漏低左之後就跑走左，而家就還返俾你。」

「原來係你度！」杜秋淼再次興奮地叫道。「我之前仲以為唔知邊度跌低左，嚇到我差D喊出嚟！」

「哈哈哈……」思堯捧腹笑道「使唔使咁誇張呀。」





「咁要補領返所有卡好麻煩㗎嘛！」杜秋淼鼓起泡腮說。

「係呢，傾左咁耐我都未問你叫咩名添。」杜秋淼突然問。

「你好，我叫劉焱煒，初次見面，多多指教。」我微笑著說。

「哦……我叫……」

「杜秋淼呀嘛。」我笑說。

「你點解知道我姓咩嘅？」杜秋淼喜出望外地問。

我指指她的銀包，她打開後看見裡面的學生證便恍然大悟。

「你而後叫我秋淼就行啦。」秋淼嫣然一笑，再次露出兩顆酒窩。





「行得未呀？又話去食下午茶。」思堯搭著秋淼膊頭說。

「係啵」秋淼連忙收拾書籍「而家行得啦。」

「拜拜，有機會再見啦。」秋淼向我揮手道別，然後便挽著思堯的手離去。

思堯亦掉頭向我揮手道別，不過她再一次露出奸笑的神情。