She's out of my life (真人真事!): 3
後尾同佢都出過幾次街
分別有apm啦,葵芳新都會啦
講起apm果次我真係諗番起都笑
果日我地行完apm,結果佢話又要去旺角幫佢細老買眼鏡
本身佢話想搭地鐵,我就緊係又想搭巴士抽下水啦
咁我地就去出面個巴士站到等架巴士直出旺角
點知架車等左成半個鐘都無黎,我同佢就熱到傻架勒
最好笑係前面有三個師奶,唔知係唔係等車等到傻左
一見巴士轉入黎就哈哈哈哈哈哈哈哈哈哈
然後果然唔係旺角果架,佢地3個就靜左
又有巴士轉入黎.又哈哈哈哈哈哈哈哈哈哈哈
我諗都loop左4,5次
都幾好笑
apm food court間韓國野:
甘味@葵芳新都會:
之前有巴打話過想見下人會真實d
咁岩有張轉身比佢影低我,就貼黎玩下:
咁佢大概8月尾啦,就唔再住全灣勒,改左去馬灣果邊住
佢屋企渣住幾個單位,見全灣果邊有人高價想租就搬去馬灣果邊住住先
故事已經發生到9月,
呢排我發現erica有d怪怪地,開始少搵我,
每次搵佢起初態度都係麻麻地,要好耐先會sweet番,
原因我遲d會講
btw,有一次9月同佢出街,佢就講佢新住果邊環境幾靚,
咁我又無野做,就送佢入埋馬灣勒
我地係葵芳新都會果邊上d黃色ge穿梳巴士
真係哇屌你,非住客竟然$10單程,算啦,唔通呢個時候走咩
係坐車途中佢同我講佢果邊果個東灘平時好多人去,佢又味去過
咁我就食住個勢叫佢夜少少先番,難得我入埋去就陪我過去行下坐下
到左馬灣,第一個感覺就係果然係有錢人地方,環境真係幾好
到左個海灘,唔怪得知咁多人黎啦,原來可以望晒成件青馬大橋同埋汀九橋
個夜境真係好靚架
然後我地坐係旁邊d long chair到傾下緊,
然後我錫下佢塊面,又攬住佢,果個情境真係好甜好甜...我到依家都忘記唔到
最後今次係我地出得最夜ge一次,成11點半佢先番上樓
其後9月大家都開學,都係時唔時星期6,日會出黎行下
每個星期都會keep住傾電話,感覺上佢又變番正常咼
呢個月就應該無咩特別,不過就係咁而講下去過邊到食野
我記得有次同佢去全灣dinner食左間意大利野,名我唔記得lu,不過真係樣樣都廿幾三十蚊,好抵食
仲好鬼多人排隊添,我貼下d相先:
其後有一日我又比我左第一次佢,無咩野,只係第一次食棉花冰
: 
oh shit,講到十月個心真係姆住姆住咁痛
十月頭其實我地照常都係咁過,即係日日傾下電話,星期六日出街咁
咁我記得好似係十月第二個星期一,我一起身就收到個咁ge短訊:
:其實我唔值得你咁愛我,咁錫我架,同你一齊我真係好開心,但係你愈對我好,我就愈唔知覺得點咁 不如我地分手啦....我覺得好係害緊你咁....其實我都唔想分開架...不過就算一齊番我都覺得自己
會無以前一樣咁錫你....我無記錯同你都四個月LU...XXX(我全名)我呢四個月都好認真架..你一定要
相信我..
我收到之後真係呆撚左成分鐘,下?做乜鳩? 交都味嘈過,無啦啦sd d咁ge野過黎,到底發生咩事
咁我就唔理三七廿一即刻打去問咩事,結果佢話番緊學,今晚先再傾,
然後我真係sad撚到飛起,結果學都無番係機鋪坐馬機坐撚左一日
等阿等...終於比我等到平時開始傾電話ge時候,大概係十一點啦
我打過去問佢咩事,結果佢話佢忘記唔到之前個男朋友
果下我即刻嬲到爆炸,點解?
我之前咁多次都玩玩下,係呢一次先咁認真,點解到一認真又要輸
我好認真同諗過,不如就咁抽身:
:咁分手啦,我唔想我咁認真,但係你個心諗住第二個,我一早已經覺得你變變地 :下?你留都唔留下我 ? :我唔知對面咩條件,但係我都已經盡我最大努力比晒所有野你,你都要諗番佢ge話,咁佢實有d野我比你 唔到,你番去啦
:唔好咁嬲啦,我個心好亂阿....其實我味決定架...今朝係傻左先sd d咁ge msg比你架炸...你唔好嬲啦 :無嬲,我只係好失望,我唔想再傾落去,我想出街搵fd :..................唔好...唔好走啦..... : ->
->
->
我呢就真係出名無咩驚,但係女人喊同小強我就真係無辨法
:頂你明知我最驚女仔喊,你以為出絕招我就唔走阿 :老公唔好走啦,我唔要佢勒,你都唔好唔要我啦... 個心即係軟晒,一個自己咁中意ge女仔喊住求你唔好離開佢,呢個感覺又有幾多巴打試過?
:係唔係真架
: ,真架....你信我啦..我以後會乖架勒 :好啦,muah....唔準喊勒..你喊我又扮米奇老鼠把聲同你傾電話架勒 :唔準阿,好難聽阿,無啦啦又要我同米奇半夜傾電話,好得人驚 :喂,有無掛住我呢(米奇聲) 我唔要米奇阿 ,我要XXX(我全名) 其實真係一諗番就好唔開心
................. 咁經過果日之後佢的確真係又對我緊張番
勢估唔到過左一個星期咁大把,佢又同我講番d類似ge野
話覺得已經淡左,而且佢覺得自己好唔穩定,心大心細,
我又對佢無微不至
覺得咁樣對我好唔公平,結果又一個夜晚竟然完全唔理我,打都唔聽
我個心真係難受到不得了,又訓唔著,不斷一拳拳打落自己個心到,希望咁樣會鬆番d
結果就2點幾鐘自己落街飲左半打嘉仕伯
第2朝仲無番學,特登入去個沙灘行下,想散下心:
我十點入到去,結果on99咁聽住joey d舊歌等到成5點,見佢都差唔多時候番黎,不如又等多陣
我係咁sms佢,都唔覆我,直到我話我係東灘要等到佢出現為止,
佢就話換件衫就會落黎
最後佢六點鐘落到黎
:你番去啦,自己係到做咩咼 :到底又發生咩事 :我對你唔住,我唔配你咁愛我,你去搵個比我更好ge女仔啦 :erica你要知道,你對我唔夠好,唔代表我就唔可以對你好,你知唔知你對我有幾重要 我真係唔可以失去你,你依家動搖,我會盡我200%努力去感動你,留住你,相信我好無
? :好啦,不過你唔好怨我無咁錫你阿 :我會連你錫我果份都放埋落錫你果份到 就係咁,又完左一個危機,不過大家都知....好地地點會變得咁快...所以下一part將會係第一個高潮位
之後我地無咩大問題,十月第1個星期睇左D9,第2個星期睇花嫁
我無記錯10月24果日,我電腦壞左底板,就要拎去葵芳果邊整
我見咁近佢,就叫佢出黎陪我食餐dinner,我記得果日都有講有笑有拖手
不過我總係覺得佢怪怪地,有野瞞住我咁樣
番到去照常傾電話,無咩特別
結果去到10月25號,我放學之後就打比佢,佢竟然唔聽我電話
咁我就開始多疑,心煩,氣燥,真係更年期咁款
唯有番屋企等到夜晚傾電話再問咩事,
可惜我真係頂唔順,結果十幾點落街買左半打啤酒自己飲,
飲到大概十一點左右啦,我忍唔住打比佢,但竟然係係咁cut我電話
我已經覺得今次大件事,但諗落又無理由變得咁快,琴日都仲叫好地地
然後我真係忍唔住打佢屋企,結果.................:
:喂,唔該我想搵erica丫 's爸爸:阿女,有人搵你咼 :唔好聽阿,即刻cut左佢阿 然後真係就咁cut左,
咩事?我不斷問緊自己咩事,做咩無啦啦變成咁?點解好似變左第二個人咁樣ge?
然後我不斷sms佢,終於覆左我
:唔該你唔好再打黎,我已經完全唔鐘意你,對你一d感覺都無,唔該你唔好再搵我煩我 我睇完真係即刻忍唔住點幾2點係樓下個公園大叫,可能飲得多個人真係控制唔到,
叫多兩叫就變左大喊埋出黎,我仲忍唔住係咁對住棵大樹一拳拳咁打落去,結果隻手流晒血
最後真係累到頂唔順,咁就係公園訓左晚
咁係果一晚之後我基本上就做咩都無心機架勒,學都無返(前文應該無提到我入左i大)
日日就係搵fd陪我飲下酒,網吧通下頂咁,頹到不得了
我日日都諗到底係咩原因呢?
講開又講,其實我識佢無耐之後就成日叫佢比facebook我
可惜佢每次都say no,我記得初頭個原因係因為唔想比fd知道
我完全搞唔明係咩意思,去到後本佢又話怕fb上面有佢同佢條仔以前d相我見到會唔開心
又唔肯比我,都算,心諗反正遲早都會拎到手,就由得佢
我開始就係呢一點到諗,點解好人好者,一個fb都要守得咁緊密,實有d野係入面
但可惜以我果時電腦智識仲味識點hack人fb/電腦,所以無從入手
咁我記得大概係10月29號,果晚我所有朋友都唔得閒,咁唯有自己一個on99咁係網吧打下機(果時屋企電腦
好廢+要早熄電腦)
不斷信長,信長,信長,loop到大概4點幾鐘,我開始覺得悶就上下網
結果我就無無聊聊禁佢個msn入面項基本資料睇
唔知大家知唔知,呢一個基本資料可以睇番果個人msn之前個states打過d咩
後本我發現在好多野.............