She's out of my life (真人真事!): 2

之後我就基本上算拎左佢個心架勒

果排佢日日主動都搵我,可惜我仲係改唔到壞習慣好中意打機

有時直頭佢話由全灣過黎我筲箕灣食lunch我都話要開雙經升lv

又分享下其中一件趣事,由於大家都想快d再出黎行下見下

我地就約左去銅鑼灣食韓燒,唔記得叫咩名,總之就屈銀紙上面果間

唔知大家有無印像 ,佢間野個茶壺全銀色金屬身

勁似d油壺,咁又點? 我諗你地估到掛

無錯,我懶係型咁係開左火之後,拿拿聲落油諗住開始燒

結果一大灘茶倒落去,起初我都覺得怪,點解咁大煙,一陣間就無晒

個火仲細左,後尾佢話可能個爐心壞左

咁我就叫個侍應過黎睇睇,結果佢一句就笑到erica肚痛:

先生唔該你唔好再倒d茶落去

就係咁我第二次出黎就柒到核爆

其實我一直都好想拖住佢隻手咁行街

大家都知啦,當一個女仔肯比你拖住隻手周圍行,

我諗你都已經攻佔左佢個心架勒

咁我同erica傾電話果時都有講過下,

:次次都想拖你隻手,但係堅怕你會唔中意然後彈開

:乜你咁細膽架咩,你同我msn講埋d曳曳野好大膽架咼

:果d又點同咼,不過我遲早都食埋你架勒

:你就想阿

,btw你唔試又點知拖唔拖到咼

無膽!

:咁不如聽日我地再出黎行下阿

:好阿

就係咁,下一日我就約左佢去megabox,唔係講笑我真係一次都無去過

就係咁就比左呢個第一次佢,老實講我依家講番真係好想喊

聽日先出果日情況啦

我記得果日就約左佢大概下午一點到啦,由於我真係味去過

咁我就聽佢講話係牛頭角落車有穿梭巴士搭過去

咁我去到地鐵站唔見佢就sms佢啦,佢又話佢到左

但又搵佢唔到咼,咁我就企埋一二邊等先啦,等左成五分鐘都唔見人

就忍唔住打比佢,結果我聽到隔離個女仔電話響,再望真d

頂,原來係erica,佢又矮又長髮,dup低頭玩iphone真係認都認唔到係佢

跟住我地就去搵穿梭巴士搭,結果先發現原來佢記錯左

係九龍灣先有得搭,咁我地就死死去行過去啦

行去途中我真係好想拖住佢隻手行,但係此終好淆底,

結果邊行邊講下一陣食咩就算

到左megabox佢就話好肚餓,咁我地就去搵食先啦

哇一講到食呢,佢隻眼真係前所味有咁大,我諗成個拳頭都放到入去

結果佢係咁話要食mos burger,雖然我覺得貴+唔飽

但係唯有就佢去食啦,

頂諗起都火,咁岩有班外國小朋友係到打冰上曲棍球

個波係咁飛去場邊果d膠板到,下下都超大聲,食到我好不安

食完之後我地就周圍行下

當然我都仲係淆底唔敢店佢隻手,最多都係愈行愈埋,

跟住我見有機鋪就話想上去打陣

佢話佢入都味入過機鋪,怕會唔會好雜

咁我諗megabox間機鋪雜極都有限ge,就帶左佢上去玩陣

上到去先發覺呢間野真係廢到跳舞,灣岸又無,諗住型下

好左都仲有GVG玩下,我仲記得我挑對面贏左6場,然後佢地成班fd走晒

果下覺得自己好型