【王道】《我每晚都會發畀阿哥追殺嘅惡夢》: 第二十一章————告一段落
Peter漂浮在一個異次空間中，他雙眸微張，帶著模糊意識過了好一段時間，過程中不斷思考著這兩天發生的事。
但記憶消逝猶如金魚腦袋，有多長時間已經不記得，只感到很累很累，彷彿失去自我。
直至意識開始徐徐清晰起來，Peter瞧向四周，再觀察自己身體，心中千百個疑問：「呢度係邊到？我係呢度幾耐？點解想郁但係郁唔到....？我係咪死咗....呢種感覺好難受.... 」
他驟然想起，以前好像有人也形容過這感覺，再潛心一念，是「極樂」的植物人們：「佢地都係一直忍受住呢種感覺....？」
思索途中，一道白光閃耀在Peter的眼前，強得連眼都張不開，白光逐漸減退，再次張開眼時，是熟悉的醫院天花。
「呼....呼......」Peter嘗試郁動身體，手腳的活動既熟悉又陌生。
「你終於都醒。」一把難而置信的聲音在他床邊發出。
Peter緩緩把頭轉過去，一張久違的臉映入眼簾，那個一直認為不可能的相逢畫面，如今竟然展現在自己面前。
「哥....」Peter縱使有千言萬語想說出口，但都只能有氣沒力的吐出一小撮字，溫熱的淚水不斷滑落在他冰冷的臉龐。
「你等我一陣，我去搵醫生。」說罷，那熟悉的高瘦背影便離開病房。
不久，哥哥和主診醫生同行來到病房，為Peter進行一番檢查觀察，交代一下狀況細節，沒大礙便繼續趕去別個病房。
「估唔到又係我送你嚟醫院。」哥哥說。
「你送我嚟醫院？」Peter經過一段時間後，稍為回復了狀態，聽到哥哥這句話，既疑惑又憶起一些往事，就是當年哥哥送頭破血流的他到醫院。
「你唔記得啦咩？」哥哥問。
「我.......係喎！」Peter記憶開始泉湧出來，一段段畫面緊接浮現：我唔係畀崔翼望開緊腦架咩？」
「放心，你而家已經安全。」哥哥回答。
「同埋...你仲生存緊？」
「咁你覺得我係人定鬼？」
「.......」Peter看著眼前的哥哥，始終有種難以置信的感覺，上百條問題想要詢問他，但當下最想要知道的是：「哥...其實你係咪知道關於個夢嘅嘢?」
「你唔需要知道任何嘢，以後你回復翻正常生活就得。」哥哥說完，轉身便離去。
「阿哥！唔好走住！你唔去睇下阿爸阿媽咩？」Peter的話音未落，哥哥的身影已經不見。
哥哥離開後，Peter許久都未能沉澱下來，這幾天所發生的事已經逼爆了他的腦容量，再加上已經「死去」的哥哥突然現身，精神極度疲勞，目前只是想要好好的休息一下。
Peter打算下床去洗手間，但一段時間沒動的雙腿還是有點不便，摸著牆邊，勉強可以走出病房門外，突然一隻手把他扶起。
「你地....！」Peter看到了幾個親切的身影出現。「你醒翻啦！」Hugo驚喜地說。
跟隨在後的還有Marla、Gary和阿蓮。
「係....原本我仲以為再見唔翻你地。」Peter終於能與友人聚首，頓時感到滿肚安心。
「睇下你而家行路都趷下趷下咁，就係床到休息啦！」Gary說。
「係啦，我地慢慢傾，同你講發生咩事啦。」Marla也催促回床休息。
「都好....但我其實係想去廁所...」Peter說。
眾人聽見，尷尬地互相對視，然後哄堂大笑起來。
「好！而家我準備好啦！」Peter經過一番舒暢後，回到病床繼續相談。
相信現在最想知道來龍去脈的就是Peter，畢竟他也躺了不知多久時間，其間所發生的事，終於不用苦惱，能夠有個完整的解答。
「嗰日我用我嘅清醒之花能力喺你身上，正常嚟講應該解除所有能力，立即從夢中翻到現實。」阿蓮首先發言，開始解釋：「但崔翼望畀你嘅特製麻醉藥仲未失效，所以我地推斷你被困住咗係夢與現實之間嘅抽離空間。」
「抽離空間？」Peter聽到陌生詞彙不禁生心疑惑，再回想那個不能動彈，記憶模糊的空間。
「因為你食咗清醒之花，本身應該要醒，但藥效未過，雖然已經抽離夢境，但都未係現實醒到。」Hugo把句子精要重新說明一遍：「而你精神停留嘅嗰個位置，我地稱為抽離空間。」
「我覺得我好似喺嗰到過咗好耐...」Peter說。
「緊係耐啦，你過咗好幾日，即係今日先醒翻，擔心死我地啦。」Marla說。
「咁崔翼望呢？佢而家點？」Peter追問。
「非法禁錮，仲落藥強制令你昏迷，佢已經受到應有嘅法律制裁。」Hugo緊接解釋：「阿蓮同咗我講藏身地點，喺我一醒翻嘅時候就已經報警衝過去救你，但我趕到嘅時候，崔翼望已經被人綁起咗，你就被人送咗去醫院。」
「最奇怪嘅點就係呢到，呢啲事到底係邊個做？」阿蓮百思不得其解。
「.......」Peter腦中驟然想起哥哥的身影：「應該係我阿哥做....」
眾人聽見後驚詫，心中都疑惑Peter的說話，他哥哥不是已經死去了嗎？
「我啱啱就喺呢到見到佢....我都唔知點解會咁，可能係我醒翻冇耐有幻覺啦..」Peter眉頭緊皺，不想再為此事苦惱：「唔講佢住，咁「極樂」世界係咪瓦解咗？啲植物人點？」
「關於個世界，我會繼續維持，但唔係用崔翼望嗰啲想自立為王，極端嘅邪教秩序去維持。」阿蓮嘆一口氣：「我都想為啲植物人創造一個美好世界，佢地都好痛苦，可悲嘅係呢個世界仲未有安樂死可以畀佢地解脫。」
「其實我都有諗過崔翼望做嘅嘢究竟係好事定壞事...被蒙在鼓裡嘅幸福，可能比起清楚現實嘅幸福來得更開心....」Peter為此爭扎。
「呢啲我地遲啲再探討啦！同你講呀，我打低嗰個皮皮幾咁有型！我終於用到想像能力，係自我重新啟動，可以不斷回復狀態！」Gary見氣氛變得沉重，馬上轉一轉話題。
「係呀係呀，我都發現到能力，係心靈感應，可以知道你腦入面即時諗法同埋將說話直接傳去你腦到。」Marla跟著說：「係喎，咁崔翼望啲同伴點呀？」
「阿淵本性唔壞，我留咗佢係新「極樂」世界幫手，皮皮就係崔翼望奪取伺服器計劃失敗之後失去蹤影。」阿蓮再說：「本來我以為崔翼望唔會就咁心息，但唔知點解佢之後都冇再喺夢出現。」
「你地就好...我仲未發現到自己有咩想像能力，同埋奪取伺服器係咩一回事？」Peter問。
「Peter你其實就係構成呢個夢世界嘅伺服器。」Hugo覺得Peter需要知道此事：「崔翼望就係想培養住你個腦，等佢可以永遠掌握呢個世界，所以先用計捉你。」
「我....？點解會係我....」Peter聽到後大驚。
「呢層真係唔知，只係崔翼望咁講，佢唔係蠢人，佢自己一定有資訊確實到先會行動。」阿蓮說。
「睇嚟我又多一樣煩....」Peter看似迷團已逐步解開，但其實反之是越來越多不明其解的事繼續出現：「點都好，叫做告一段落。」其後，時間過去，事件完結有一個星期，Peter也已經出院，回歸正常的校園生活。
父母嘮叨幾句，似乎對他的生死沒太大關心，同學們得息此事都寒暄半句，然後就像沒有發生過此事般，一切回到最初的模樣。
而校園中正在熱烈討論的話題，乍看是某款新興的遊戲？
「喂，今日連唔連線一齊玩？」
「好喎，琴晚都仲未玩夠！」
Peter聽見不禁好奇，是甚麼遊戲令同學們如此興奮難奈。
回頭便問問Hugo和Gary，二人都答覆不知，推斷應該是最新的連線遊戲罷了，他們都不以為然。
「Peter，你過一過嚟，我有啲嘢想搵你幫手。」Hugo在下課後把Peter拉到一旁暗角說話。
「咩事咁神秘？」Peter問。
「仲記唔記得上次約Stephy打排球....」
「啊....！係喎，冇問題，我搵Marla幫手約佢！你放心啦。」Peter拍拍心口保證。
「唔好咁大聲！」Hugo這個才子對情愛回事真是沒徹。
Peter回到家後，一通電話，把事情原委告知了Marla，二人在話音中為此事無所不談。
說說男女雙方的趣事，發現兩邊都是善男善女，就決心把Hugo和Stephy攝合成一對。
「咁我就約Stephy同Hugo一齊玩下排球喇！」Marla說。
「好，揀定個日子我就同Hugo講啦。」
「就咁話。」
接著Peter便把相約日期告知了Hugo，叫他如期到該地點與意中人會面。
「嗱，幫就幫你約咗喇！跟住睇你造化啦。」Peter和Hugo再次到暗角。
「唔該哂，我會把握好機會！」Hugo表示感謝。
過了約定當天，翌日回到學校。
「點呀？順唔順利呀？」Peter拍了拍Hugo肩膀。