《PS I LOVE YOU》: 第二章《相戀》

依家拍拖既我地，會每日返學放學會一齊行，晚晚都同對方傾計傾到好晏，

每次同佢出街既時間我都好心，但一直都冇好好珍惜同相處既時間。

拍拖拍耐左，由以前和和平平咁開始出現嗌交既情況。

我記得有一次，因為我太過緊張佢，不斷問佢問題，搞到佢嬲左我。

個陣既我其實好蠢，同好多男仔一樣都係唔知女朋友嬲自己啲咩，





唔知道自己做錯左啲咩。仲記得佢嬲左我成日，個日我成個人都好冇心情。

因為第一次拍拖咩都唔識，我就走去問佢既好朋友，問下應該點樣做好。

原來佢唔中意我太過煩問呢樣問個樣，佢想要番少少私穩。

當時我好驚冇左佢，我去打電話俾佢、Whatsapp佢，希望佢能夠原諒我，

最後當然好番，繼續相愛落去。





每一次既嗌交我都會好好咁反省，希望可以再做得更好。

其實嗌得交多，裂口會深左。我好怪自己當時唔成熟，

唔識得點樣好好咁對待自己既女朋友，唔識得點樣好好咁維繫一段感情。

但唯一一樣我肯定既野，我真係好愛佢。

我好期待每一日返學既日子，





因為每一日返學都可以見足佢8個鐘。

當我上堂冇野做既時候，我都會目不轉睛咁望住佢，

見到佢就俾左好多動力我。

而佢又會望番過黎，向住我微笑一下，

個一下可愛又甜既笑容已經夠我開心一日。

每一日放學我都會送佢返去，

係佢屋企就係個日最唔開心既時候，

因為送完佢返去之後就要第二日先有得見了。





以前既日子真的已經好幸福，可惜呢啲日子已經返唔到去。

到依家為止，我都係好掛住呢啲日子。
-----------------------------------------------------
 
即使過左去三年，我仲係好記得以前既事。
 
我從來都冇忘記過，唔知你仲記唔記得?
 
如果當初的你，和現在的我，再來一次，我相信會更幸福。

我真係好愛你。