《PS I LOVE YOU》: 第一章《開始》下

直到有一次，我搭車既途中係到諗點樣開口同佢表白好。

我就將我想講既野打曬係手機個筆記本，然後我用我畢生既勇氣去撳個送出制。

「其實有我有啲野我一直收埋係心入面好耐，一直都搵唔到機會同你講。

呢兩年黎既相處，我都好珍惜。自從經歷過個個歷奇營之後，我發覺我開始愛上左你。

可唔可以俾個機會我做你男朋友，我會好好咁對待你。我愛你呀！」





呢段野咁就Send左去佢個Whatsapp 到，然後我當然即刻Offline等佢既回覆。

正當我係到望緊出面既景色個陣時，突然叮一聲。

我個心幾咁緊張，希望佢即刻應承我。

我一打開手機見到，你收到來自她的信息︰

其實我都感覺到既，依家好難答到你喎，





不如我過幾日答你，一定！

當我睇到之後其實都幾開心既，起碼冇俾人拒絕到呀。

係漫長既呢幾日入面，我地每晚都同大家Whatsapp，

傾下啲心事唔同話題咁，有講有笑，我覺得呢幾日過得比平時慢同埋開心緊張。

終於有一日，我問佢：好想快啲知道個日條問題既答案吖。





之後傾左一輪佢就答左我︰好呀！

當時個種心情真係唔知點形容好，係勁興奮勁激動。

呢一句就令大家成為大家既初戀，愛著對方。

從個日起我就注定左我會永遠愛她，唔會忘記佢。

----------------------------------------------------

我覺得呢個世界上好多野唔係巧合，

係個天注定左，注定左我地會相遇。

我冇後悔過當初既選擇，

如果個天俾我選擇多次，我都會選擇愛上你。