【短短一個月內，屋企就死左五個人...】: 第九章 天眼通

我望住枱面上既葬經，忽然覺得有啲不知所措。我無爺爺既歷練，無張天師既修為，咁試問我憑咩去追查呢件事？但係咁大條線索擺係我面前，我都唔跟，又好對唔住我死左既親人姐！ 就係我內心掙扎緊既時候，張天師輕輕拍一拍我既膞頭。 「唉屌，既然都講左咁多，唔爭在話埋呢單野你知。」張天師故作神秘，面色陰睛不定，令人擔心接下黎佢所講既，會唔會係另一個更壞既消息。「其實你既體質好特殊，你擁有常人所無既天眼通。」 「下？天眼通？」我不明所以，腦海中根本無關於呢個詞語既任何概念。 「嗯，人天生其實係有三隻眼，屌唔係屎眼呀，個隻眼係用黎睇鬼神。有啲人可能天生第三隻眼睇到多啲野，有啲人可能就小啲，甚至有啲人可能係連第三隻眼都無。但係多數情況下都係人愈大，第三隻眼所能睇到既野就愈少，其實換句話黎講，第三隻眼姐係平時啲人所講既陰陽眼。但係其實陰陽眼只係一個概括既名，佢本身都分左好幾種既。」 張天師正經八百地解釋比我聽，雖然講得口沫橫飛，但係竟然出奇地一句完整既粗口都無。 「最基本既係肉眼通，乜鬼神都睇唔到，亦姐係正常人。第二等，地眼通，可以見到鬼但係完全見唔到神，平常人所講既陰陽眼就指呢批人。第三等，天眼通。有天眼通既人既可以見鬼，又可以見神，只係鬼既形態會好清楚，而神呢就只會係一個影。 第四等，慧眼通，天眼既進階，神都可以睇得一清二楚！第五等，法眼通，絕大部份有法眼通既人都係有慧眼通既，佢地經過修煉先可以變成法眼通，見到神之餘仲可以溝通到。仲有兩等—佛眼通同埋神眼通，不過擁有過呢兩種第三眼既人實在少之又少，根本無實際書籍記載過，故此我都唔能夠講太多比你知。咳，咁你明如果你再追查落去你會同咩打交道未？」 張天師既一番話好清楚咁暗示我聽，如果我要查，要報仇就要同鬼打交道。而過程當中又會因為我既特殊體質而生出好多既事故...但係... 「我唔怕，既然我知阿爺係為左咩而死，我點可能唔了左佢一個心願？」