【短短一個月內，屋企就死左五個人...】: 第六章 往事

唔講唔知喎，原來張天師同爺爺一樣都係湘西黎既，只係大家住既村落距離好遠，係無車既年代要趕幾日路先會到。而好自然地，爺爺同張天師就當然係鄉下個時識架啦!
 
咁大約係五十年前，即係一九六幾年個時，大陸發生文化大革命。全中國既人都陷入一種紅衛兵既熱潮，成班暴民周圍去砸野去搶野，當然受害最深既就係各種古中國文明既野，啲咩廟丫神像丫，係文革年代無一個唔係爛溶溶既。自然地，湘西亦唔能夠倖免。
 
當年，張天師既家族係道家張道陵一脈既後人，每逢旱災，水災呢啲天災出現時，當地居民就第一時間會去搵張家既人出手祭神祭鬼，以祈求平息災害，人怕出名豬怕肥，呢句諺語真好用係佢地既身上。文革發生個時，佢地家族立即搖身一變，變成成個湘西既頭號敵人，全城動員準備去批鬥佢地。
 
張家都醒架啦，係凌晨時間個時一收到風就想走，但係點知都係遲左一步。佢地一踏出屋門口，就發現係唔同村落黎既紅衛兵早已經係村口STAND BY，除左張家既人識飛天遁地，如果唔係肯定唔可能打直行到出去。佢地諗左好多方法出黎，但係對住呢群野蠻人根本就行唔通，甚至有幾個人已經開始商討玻璃到底係味。
 
但係就係呢個關頭，村口忽然傳黎發生一陣騷動。
 




當時，係屋入邊既張天師佢地乜都睇唔到，只係知出邊有啲突變。「忽然間出邊靜哂。唯一既聲就係銅鑼聲。係湘西，一講起銅鑼就一定會諗趕屍。但係係人都知，烏口村係我道教張家既天下黎架嘛，邊撚到有趕屍匠敢入黎架姐，唔通唔怕我地張家既人咩!
 
但係真係屌你老味，偏偏就有一個人敢入黎!唔使問啦屌，我講緊我同寧林森之間既故仔丫嘛，唔通來人係張三李四個啲二打六咩! 拿。可以趕一條屍既係好普通既趕屍匠，四條已經係大師級，你阿爺竟然單拖趕住七條屍入黎!圍係村口既紅衛兵個個嚇到大口都唔敢喘，因為個個都聽聞過湘西趕屍匠既傳聞。」
 
爺爺當年趕住七條屍，穿過人群，經過村口幾戶人家既問口都停低敲門。慢慢地終於黎到張家既門口，同樣地停低左敲門。
 
「刁，原來你阿爺當時蕩撚失左路，我咁大個人都未撚見過有趕屍匠蕩失路既!當佢敲門個時我地都呆一呆，估唔到竟然有個好既機會比我地藉機逃走!我甚至連佢問既地方都無聽清楚就話識，跟住佢就出左村。」