[穿越] 執房嗰時搵返部Sony Ericsson推蓋手機: 93.

雨一直下，他站在我身旁，遮擋了一點寒風。

「呢次係你第一次穿越？」

我緩緩說出問題，不帶感情不帶起伏，彷彿這是一條問你午餐吃了甚麼的普通問題。

「第三次。」

「三次？都未返到去2018年？」





「我諗我好快會返去。」

「點解咁講？你知點樣返去？」

「唔係完全知道，但每次都係經歷過一啲事件，我就會穿越去另一個時間點。第一次係陸運會，第二次係中三Facebook啱啱面世嘅時候，第三次就係依家。」

「聽落又好似無咩特別喎...」

「第一次，我喺陸運遇到你，改寫咗我哋第一次相遇，雖然你無咩記憶。第二次，係我主動加你Facebook，所以你話我結識你嘅開場白唔同咗。而今次穿越，本來你中四呢一年，就係我哋喺埋一齊嘅一年...」





「所以，依家...」

「依家結局已經定好。我諗，其實我返嚟，只係為咗守住我哋原有嘅回憶。同埋等我清醒掛，有啲嘢，真係只可以留喺過去。」

「如果你真係返咗去，唔知我又會點呢...」

「你會知㗎。」

他報以微笑，似是在安慰我。





其實我心裡大概有個想法，第一次穿越是為了解決清清和允健的關係，他們在一起後按道理我就能回去，只是有一些無法預料的相遇，加深了羈絆...

「夜喇，你要返上去喇，你阿媽實催你。」

「嗯。今次...應該係我哋最後一次見面？」

「我哋未來見。」

「好，咁再見喇...」

他打開雨傘，獨自走進雨中。他的背影比較瘦，黑夜中更顯單薄，我沒有踏前的勇氣，只能看着他消失在路的盡頭。我多站了一會，這種天氣讓我清醒了不少。

來自殷殷：1個新訊息

喂xd 22:16





你又知嘅@@ 22:17

哎唔講呢樣住 我今日聽到好爆嘅料xd 22:19

我大概猜到那是和資逸有關的，我還在猶豫要不要回覆的時候，訊息又來了。

聽講呢 你個師兄好似想喺你生日有啲搞作haha 22:20

我知道，那年，他帶我看日落。

咁突然嘅 唔係仲覺得佢幾好咩？22:23

睇嚟 你已經知道自己想要咩 22:25





寒風刺骨，我打了一個大噴嚏，還是先回家好了。在我放下電話之時，又收到了一個短訊。

來自卓行：1個新訊息

我知道，這大概是我不能離開的原因。