「短篇」「小小傻瓜,大大幸福」: 舊日
時間又慢慢推移,聽日就係學校校慶既日子,亦即係話我公司亦要開工拍野。
估唔到咁大個人仲會因為學校活動而緊張,唉。
Cherry:「點呀咁夜仲唔訓坐係梳化度發呆做乜呀~
![](https://lihkg.com/assets/faces/normal/kiss.gif)
我回頭望向聲音傳黎既方向,見到佢捧住一杯紅茶,慢慢就走埋黎坐我身邊為我遞上茶。
我接過佢為我準備既茶之後就騰出一隻手攬住佢,兩夫妻坐係梳化上面。
我:「無啊,只係諗緊聽日拍片D野係咪準備好哂啫,唔想有乜甩漏。」
Cherry:「少可喎,你居然會對單job咁認真?我記得你幾乎每次都係交俾其他人做架~」
我:「鬼叫單job係自己接返黎,個客又係自己母校咩,如果出黎效果唔好,第時邊有臉返學校。
![](https://lihkg.com/assets/faces/normal/donno.gif)
Cherry:「哈哈,你識咁諗就好啦,唔~~反正聽日星期六,不如我都一齊去學校囉?
![](https://lihkg.com/assets/faces/normal/agree.gif)
我:「吓老闆娘去監場呀?你咁搞法D同事會好大壓力架喎…
![](https://lihkg.com/assets/faces/normal/ass.gif)
Cherry:「咩啫,你唔記得左我除左係老闆娘之外都係學校既舊生黎架咩?參加自己母校校慶都唔得咩?
![](https://lihkg.com/assets/faces/normal/angry.gif)
我:「係係~老婆大人你想點就點啦~不過你記住一定要小心D呀,聽日應該會好多人,可能會有唔少碰撞架。
![](https://lihkg.com/assets/faces/normal/no.gif)
Cherry:「得啦~你當我三歲細佬咩,啊係呀lulu…我諗住呢…黎緊唔會返公司啦。
![](https://lihkg.com/assets/faces/normal/bouncy.gif)
我:「哦?做厭左啦?」
Cherry:「唔係啦…只係覺得而家每日返公司都好攰啫…唔知係咪因為有左既關係…我今日同總編傾過,佢都話留係屋企做野都無問題。」
我:「咁就無問題啦~好喇,聽日仲要早起身架,去訓啦,唔多D休息聽日就唔靚架啦。
![](https://lihkg.com/assets/faces/normal/kiss.gif)
講完我就起身拖住佢,送呢位美麗動人既孕婦入房休息。
而自己則留係客廳飲埋杯紅茶,諗緊聽日既事。
唔知幾時,我居然就係梳化上訓著左,醒個陣仲發現身上多左張被。
迷迷糊糊咁望下四周,就見美星坐係餐檯笑笑口咁望住我。
我稍稍咁提起身上既被,向美星打左個眼色,示意問佢係咪佢將張被搭係我身上。
佢笑住咁搖頭,仲用手指指左洗手間既方向,話我知係Cherry。
我都估到架啦,呢條友邊有咁好心吖。
![](https://lihkg.com/assets/faces/normal/sosad.gif)
我拎開張被,企起身伸左個懶腰之後就走埋餐檯,見到檯面上有幾份早餐。
我:「喂家姐…有無我份?肚餓又唔想自己煮…
![](https://lihkg.com/assets/faces/normal/chicken.gif)
美星:「你老婆咁錫你梗係有煮埋你個份啦,呢份咪你囉~佢仲叫我唔好嘈醒你俾你訓多陣咁話喎。」
我:「吓!你俾佢入廚房煮野!?
![](https://lihkg.com/assets/faces/normal/shocking.gif)
美星:「屌你on9仔冷靜D啦,佢大肚啫又唔係變做BB,煮野有乜問題呀。
![](https://lihkg.com/assets/faces/normal/clown.gif)
佢講得又有D道理,我尷尬咁坐低係櫈上,隨手拎起杯橙汁飲落肚。
之後我聽到廁所門打開既聲音同腳步聲,心諗一定係Cherry出黎啦。
但當我見到佢,我忍唔住噴左係口入面既橙汁出黎。
因為我簡直唔敢相信眼前見到既一切。
佢居然著住套校服出黎!!
![](https://lihkg.com/assets/faces/normal/yipes.gif)
![](https://lihkg.com/assets/faces/normal/yipes.gif)
我見到佢咁急忙抹一抹個嘴,衝埋去問佢搞乜野著成咁。
Cherry:「唔?有咩問題呀?返學校梗係應該著校服架啦?吖又估唔到幾年前既校服仲岩著,我keep得真係好~~
![](https://lihkg.com/assets/faces/normal/tongue.gif)
佢完全唔理我,自己係度自己讚自己,仲係我面前自轉幾圈…
![](https://lihkg.com/assets/faces/normal/sosad.gif)
我:「唔係呢…你咁著肯定會惹人目光架喎,人地分分鐘當你…」
Cherry:「你唔想自己老婆比人望呀?
![](https://lihkg.com/assets/faces/normal/hehe.gif)
![](https://lihkg.com/assets/faces/normal/bomb.gif)
我都未講完,佢就夾硬加把嘴打斷我。
![](https://lihkg.com/assets/faces/normal/clown.gif)
唉真係無佢咁好氣…
![](https://lihkg.com/assets/faces/normal/banghead.gif)
我:「算啦你開心就得啦,難得一次,都無乜所謂啦,我約左同事九點學校等架,你洗唔洗化妝?要就把握時間啦。
![](https://lihkg.com/assets/faces/normal/good.gif)
Cherry:「啊係wor!
![](https://lihkg.com/assets/faces/normal/shocking.gif)
佢講完就衝左入房,仲差D撞埋房門度,真係吖,睇路吖嘛。
![](https://lihkg.com/assets/faces/normal/donno.gif)
不過見佢著住校服個樣…真係同以前一模一樣,有一刻我仲以為自己穿越左返去添哈哈。
![](https://lihkg.com/assets/faces/normal/biggrin.gif)
算啦佢開心就得啦係咪先?
啊我都要快D食埋份早餐再換…
美星:「魯路修!!!
![](https://lihkg.com/assets/faces/normal/fire.gif)
哇你做乜野搞成咁架家姐!!
![](https://lihkg.com/assets/faces/normal/yipes.gif)
![](https://lihkg.com/assets/faces/normal/yipes.gif)
佢成身都係橙汁,你鐘意飲橙汁都唔係…咦咪住先…唔通…
![](https://lihkg.com/assets/faces/normal/@.gif)
呀屌原來我頭先噴D橙汁噴中左佢!!死硬喇今次!!
![](https://lihkg.com/assets/faces/normal/shocking.gif)
之後既十分鐘我都要承受美星佢既體術,如果唔係呢廿幾年訓練有素,真係有機會一命嗚呼。
Cherry根本唔知發生咩事,因為佢仲係房入面化緊妝,化出妝出黎個陣我已經受完刑…
但係佢化完妝出黎個樣同之前都無乜分別既…到底化左D乜呀…
美星用眼神警告我叫我唔好亂講野,搞到我只能冤冤咁忍住痛同開心到不得了既Cherry一齊出門口,真係有住天淵之別。
坐左一陣美星既車之後,我地就黎到學校,係我想打開車門個陣,Cherry卻講左句野令我停下。
Cherry:「同開放日個陣真係好似呢。
![](https://lihkg.com/assets/faces/normal/smile.gif)
啊係喎…佢咁講一講又真係有D似…
仲記得當年開放日我同佢係負責空中花園,個日仲發生左好多好多事,直頭多到可以拍套戲。
但係亦正因為咁,個日既記憶係我腦入面都比較深刻,我仲記得大家捉錯用神,鼓勵肥豬…哈哈都係唔好再講落去比較好。
唔通佢今日著校服返黎,係想…
「knock knock。」
就係我仲沉浸係沉思既時候,車外卻有人敲我地既車窗,原來係我個班同事。
望一望手錶,岩岩好九點半,真係夠哂準時。
Cherry比我更快打開車門跳落車,興奮咁同我既同事打招呼,就真係好似一個活潑既中學生。
大家見到佢身上既校服都呆左係度,之後就係望住仲係車入面既我。
![](https://lihkg.com/assets/faces/normal/sosad.gif)
我表示無奈之後都緩緩落車,同大家打聲招待就開始一邊討論今日既流程,一邊帶領大家走入學校。
學校好快就有職員出黎接待我地,當中仲包括自己當年既IT老師,估唔到咁多年後佢仲係度教書。
![](https://lihkg.com/assets/faces/normal/bye.gif)
正常黎講,校慶係係校長致詞之後先開始,然而我地既工作就唔同,係佢開始致詞之前就已經開始了。
我地一路拍一路拍,拍低各個精彩時刻拍左半日,自己都不知不覺咁被呢片觀樂既氣氛感染到,臉上既笑容久久都不能退去。
啊…呢D就係青春啊…
同我當年既開放日一樣啊…死喇我都好想去玩下添,拉下划艇機,撈下金魚,諗下都開心!
咦咪住先…Cherry呢?佢去左邊呀?
![](https://lihkg.com/assets/faces/normal/@.gif)
發現老婆忽然唔見左蹤影,我開始荒起來,離開左自己既同事,周圍搵返自己既老婆。
好衰唔衰,呢個時間既學校偏偏係最多人,D家長帶住自己D仔女形成一條又一條既人鏈阻住我既去路。
![](https://lihkg.com/assets/faces/normal/clown.gif)
自己身為校友又即將成為人父都唔好意思咒罵人地,只好一次又一次咁避開佢地,仲差D被迫左出學校。
唉,真係麻煩。
![](https://lihkg.com/assets/faces/normal/dead.gif)
就係我繼續搵佢既過程中,我又比人迫左埋一邊角落既一個小攤檔,仲唔小心撞到一個女學生。
我下意識就即刻同呢位小師妹道歉,因為呢個世界,一個唔小心就會比人話非禮架嘛,都係即刻道歉好。
![](https://lihkg.com/assets/faces/normal/ass.gif)
點知呢位「小師妹」緩緩轉過身望住我,向我擺出一個殺死人既笑容。
Cherry:「唔緊要呀,老~公~
![](https://lihkg.com/assets/faces/normal/kiss.gif)
佢呢下轉身,呢個裝束,呢個笑容,又令我憶起舊日了。
唉,你真係吖…
![](https://lihkg.com/assets/faces/normal/chicken.gif)
我都唔理身邊有幾多人,有幾多目光,直接大庭廣眾下同佢黎一個深情之吻。
乜野job,唔撚理啦屌!
![](https://lihkg.com/assets/faces/normal/angry.gif)