「短篇」「小小傻瓜,大大幸福」: 傻瓜
好快就又過左一星期,今日就係見Cherry父母既日子。
呢一星期我可以話非常勤力,將屋企大部分無用既野都執好,務求盡可能騰出更多空間比即將到來既BB。
除左執野之外我都有研究關於大肚婆既飲食,希望可以整多D對Cherry身體有益既野食。
真係成世仔都未試過咁認真看待一件事,我諗美星之前講既處事要成熟D應該就係呢個意思啦。
不過…硬係覺得好似邊度唔係咁岩咁…
Cherry:「老公?你行得未?差唔多夠鐘啦。」
Cherry一句說話將我由沉思拉返出黎,就好似黑暗入面既燈塔咁。
我:「嗯,行啦。」
之後我地就揸車去搵Cherry父母飲荼,仲將呢個好消息話比佢地知。
外父外母知道呢個消息都非常開心,特別係外母,知道左之後成餐飯都笑唔停。
我當然都有參與到其中,向佢地承諾我會好好照顧Cherry之類。
雖然看似係門面說話,但每句都係出自真心,我真係想好好照顧佢。
飲完茶,送左兩位返去之後仲有好多時間剩,我就問老婆有無地方想去,佢諗左一陣之後就提議不如返學校附近行下。
起初我對佢呢個提議有少少詫異,但我都係照做。
都好既,返去睇下而家變成點。
揸車返去既路程入面,我發現周邊既街景好多都唔同左,好多以前既野已經無左。
本來我想同佢講架,但我見佢訓著左,仲要係訓得好冧個隻,所以我都唔忍心嘈醒佢。
點解佢連訓覺都可以咁靚架呢?咩構造架佢?
就算到左學校佢都係仲訓緊,我望一望隻錶,覺得時間尚早所以就由得佢訓,泊低架車係一邊。
佢訓覺,咁我做乜?除左睇住佢訓之外,我仲落左車,打量緊周圍既環境。
呢度感覺仲係同以前一樣。
以前日日係度同Jason,師父佢地係度鳩下鳩下既日子好似係尋日既事咁,時間過得真係快。
係喎,講開又好似好耐無搵佢地食飯,過兩日約下先。
我唔覺意望左去學校旁邊既斜路,頓時笑左出聲。
呢條斜路真係可以話改變左我呢個傻仔既一生啊。
如果我當日淆底無去公園,而家既我會係點呢?
Cherry:「嗯…lulu?」
咦睇黎佢終於訓醒啦喎,我仲諗住再過十分鐘佢仲唔醒我就送佢去醫院添。
我:「醒嗱睡公主?」
Cherry:「做乜唔叫醒我喎…」
佢一邊講一邊落車,仲伸左一個大懶腰。
我:「見你訓得咁冧,我地又唔係趕時間咪唔叫醒你囉~」
Cherry:「唔~~好啦我地行啦咁!」
佢講完就跑過黎捉住我,帶我去學校既方向前進。
起初我以為佢係想帶我去公園,重溫一次昔日既場景啦,點知又唔係喎,佢居然帶住我入去學校。
雖然我幾次叫佢唔好,但佢好似完全聽唔到咁,係都要入去。
今日星期六,而家又成三點幾四點,學校仲有無人架…
Cherry:「唔該~~我地係舊生,想返黎探下老師架。」
佢敲敲看更亭既玻璃,等人地開門比我地。
起初我見無人應,以為連校工都收左工啦,點知居然突然有個校工走出黎開門比我地喎,仲要好鬼死好笑容。
星期六返工返到而家都未有得收工,真係辛苦你喇…
向呢位校工致謝過之後,我地兩個就開始慢慢行入校舍。
奇怪啦…今日應該唔洗返學先係,但點解咁多人聲既…?
唔係日光日白咁猛呀…?
![](https://lihkg.com/assets/faces/normal/@.gif)
「魯路修..?」
邊個叫我!!!
![](https://lihkg.com/assets/faces/normal/shocking.gif)
一聽到有人叫我個名我即刻搵下係邊度傳黎,咁大反應當然會驚動我身邊位美人啦,佢用手指篤一篤我,指俾我睇係邊個叫我。
我一望過去,發現原來係以前既班主任Miss張。
見到班主任,我即刻變到死狗咁,係咁打招呼。
一瞬間,我好似變返當年Form 4咁,一個天真任性重度中二既男仔。
Miss張確認到係我之後就開始慢慢叉住腰行埋黎,個樣仲好似想鬧人咁。
喂大佬,我地咁多年無見,你唔係一見面就要鬧我呀?仲要係我老婆面前??俾下面好喎大佬!
![](https://lihkg.com/assets/faces/normal/banghead.gif)
Miss張:「真係你呀魯路修?你都好耐無返黎學校探我地啦喎,又會揀星期六返黎既?
![](https://lihkg.com/assets/faces/normal/oh.gif)
我:「哈哈…啱啱同太太食完飯,佢話想返黎行下咪過黎囉,係呢…點解星期六學校都仲咁嘈既…?
![](https://lihkg.com/assets/faces/normal/chicken.gif)
我恭恭敬敬咁答Miss張,同時亦釋出心入面既疑慮,想睇下自己係咪真係撞鬼。
![](https://lihkg.com/assets/faces/normal/sosad.gif)
Miss張:「哦~~係呀D學生係度準備緊遲D校慶,所以係會熱鬧D,係呢你岩岩話你太太…呢位我記得好似係…
![](https://lihkg.com/assets/faces/normal/chicken.gif)
Miss張將目光放左係Cherry,而Cherry亦好得體咁自我介紹左一次。
Miss張:「哦哦!我記得啦,哈哈哈哈時間過得真係快,幾年無見你地又變左咁多,出到街我真係唔認得你地,係呢你地而家做咩架?
![](https://lihkg.com/assets/faces/normal/biggrin.gif)
我:「我就係做廣告公司,佢就係寫專欄。」
Miss張:「哦!叻仔叻女喎,等我帶你地參觀下而家學校?」
Miss盛意拳拳,身為學生既我又點可以推卻呢,反正都想上去行下,有個導遊就更好啦係咪先。
就係咁,我同Cherry就接受左Miss張既邀請,三個人遊覽學校。
點講好呢,話佢無變又得,話佢變左好多又得,學校真係好神奇。
好多外觀都已經改變,但一眼望落去總感覺同以前一樣,好似自己仲係度讀書咁。
經過一條走廊都可以諗起自己以前做左幾多蠢事,仆街啦,跳窗啦,仲有排隊入禮堂。
Cherry:「喂…個個…係咪你個名黎架?」
我:「唔?哇係喎!
![](https://lihkg.com/assets/faces/normal/shocking.gif)
唔係佢提一提,我都唔為意禮堂幅牆上面居然有自己個名。
「傑出學生 魯路修」
上面仲有幾個人名,都係話傑出學生,我係排最後。
哇我居然都可以留名,真係無諗過,上次返黎都唔覺有呢D野。
![](https://lihkg.com/assets/faces/normal/sosad.gif)
Miss張:「係喎你係傑出學生,有無興趣遲D校慶返黎演講下,同D師弟師妹分享下?
![](https://lihkg.com/assets/faces/normal/hehe.gif)
我:「eh…聽落好似好麻…」
未講到個煩字,我隻左手已經feel到一股好強既握力。
我:「我會好好考慮下,睇下公司有無野做先。
![](https://lihkg.com/assets/faces/normal/smile.gif)
Miss張:「講起你公司…你公司會唔會接拍學校校慶片?我地今次想搵D專業人士拍靚佢。」
我:「可以呀,我留低卡片俾你,你叫負責既老師聯絡我地啦,價錢方面有得傾~」
Miss張:「好~唔該你先。呀係,我記得之前執野執到張你地班既相,我而家去拎!」
佢講完就匆匆忙忙咁離開左禮堂,留低我同Cherry係禮堂。
Cherry唔知咩事望住我笑得好開心,望到我都有D尷尬。
我:「做咩呀?」
Cherry:「無,無諗過我既傻佬都可以名留青史啫,有幾分激動。」
我:「哈哈,我仲記得呢個傑出學生係你幫我拎既,你功不可沒。」
Cherry:「梗係啦,所以我其實係覺得自己好叻,簡直就係造王者呀哈哈~
![](https://lihkg.com/assets/faces/normal/agree.gif)
「係呢,不如我幫你同你個名影張相,放上Facebook或者ig威下都好吖~」
佢一邊講一邊拎出電話,好似已經準備好哂幫我影相咁。
我:「一齊影好過啦。
![](https://lihkg.com/assets/faces/normal/hehe.gif)
我都無等佢應我,就一手攬住佢,同佢一齊自拍。
Cherry:「喂呀,人地都未ready你就影,唔算數!再影過呀!
![](https://lihkg.com/assets/faces/normal/angry.gif)
我:「唔得喎哈哈~
![](https://lihkg.com/assets/faces/normal/biggrin.gif)
因為一張相,大家係禮堂度拉拉扯扯,當然我有就住就住,為免整到佢個肚。
玩左一陣之後Miss張都帶住張相返黎,氣喘喘咁交俾我。
呢張相…係Form 4學校旅行個陣影既…?點解我好似無乜印象?就連Cherry都係相入面喎。
![](https://lihkg.com/assets/faces/normal/oh.gif)
Miss張:「張相係我偷偷地影架,你班馬騮叫極都唔應,我咪自己幫你地影囉。
![](https://lihkg.com/assets/faces/normal/clown.gif)
原來如此…
相入面大家都笑得好開心,真係令人感慨,唔知大家過成點呢。
Miss張之後有其他野做,我地都廢事打攪人地,就離開左學校,轉而去左公園坐韆鞦。
然而,唔知點解有野煩繞住我既內心。
Cherry:「你係度諗緊咩呀傻佬~~
![](https://lihkg.com/assets/faces/normal/flowerface.gif)
佢漫不經心咁講出呢句說話,令我大為震驚。
我:「你睇得出?
![](https://lihkg.com/assets/faces/normal/oh.gif)
Cherry:「傻既,做得你老婆就知你諗乜煩乜啦~~係咪有乜心事啫?
![](https://lihkg.com/assets/faces/normal/kiss.gif)
唉,真係無佢辦法。
我:「我覺得自己唔夠成熟,尤其係返左學校,諗返以前既自己之後。」
「對比之下,發現其實自己都無乜點變,仲係以前個傻仔。」
「咁樣到底係好事定壞事,我自己都唔清楚。」
Cherry:「梗係好事喇。
![](https://lihkg.com/assets/faces/normal/angel.gif)
我:「好事?但係我就快要做人爸爸,一直咁落去好咩
![](https://lihkg.com/assets/faces/normal/wonder2.gif)
Cherry:「魯路修。
![](https://lihkg.com/assets/faces/normal/angry.gif)
佢叫完我個名之後就由韆鞦上跳左落黎,好認真咁望住我。
Cherry:「唔好再懷疑自己啦,你一直都做得好好,絕對係一個好老公好爸爸。
![](https://lihkg.com/assets/faces/normal/angel.gif)
我:「但係我…
![](https://lihkg.com/assets/faces/normal/frown.gif)
Cherry:「而且我當初鐘意既,就係個個傻傻地既lulu啊。
![](https://lihkg.com/assets/faces/normal/wink.gif)
聽到呢句,涙水就忍唔住爆發出黎,身體亦不由自主咁衝左上去緊緊抱住佢。
真係傻呢我。