「短篇」「小小傻瓜,大大幸福」: 父母
啊,終於都同佢講左喇…成個人都鬆一口氣。
果然佢好可靠呢…點解我當初知道有左仲會咁擔心佢會有咩反應呢?我真係傻。
佢雖然平時成日懶懶閒,係咁話「好麻煩好麻煩」,但其實有咩事上黎佢一定會係我身邊,唔會扔低我一個人。
佢講得岩,我地要努力做個好父母先得。
人生要去下一個階段啦,唔知我可唔可以handle到呢?
佢就…
![](https://lihkg.com/assets/faces/normal/chicken.gif)
我望一望訓係我旁邊既佢,訓到隻豬咁,真係得意。
![](https://lihkg.com/assets/faces/normal/love.gif)
忍唔住手meet左佢個鼻一下,個傻佬仲以係有蚊咬佢走去撥開,好好笑。
![](https://lihkg.com/assets/faces/normal/love.gif)
我諗佢都會係一個好爸爸既~至少可以同D仔女打成一片先~
![](https://lihkg.com/assets/faces/normal/kiss.gif)
算啦真係唔好諗太多啦,船到橋頭自然直,最多咪到時大家再學囉~
好!唔好諗咁多!訓覺!!
![](https://lihkg.com/assets/faces/normal/agree.gif)
放低左心頭大石之後真係訓得特別舒服,一合埋眼就訓得著,仲要一訓訓到天光,比平時早左一個鐘頭醒。
但當我一起身佢就已經唔見左人,唔知去左邊。
我慢慢咁行出廳,沿途聞到好香既味道,同時亦聽到lulu把聲。
今日佢咁早煮早餐既…?同埋佢同緊邊個講野?
我探頭望下發生咩事,點知俾我見到家姐雙手合十咁對住lulu,而lulu個樣就好嬲咁。
我:「發生咩事…?
![](https://lihkg.com/assets/faces/normal/chicken.gif)
lulu一見到我就即刻收起個嬲樣,變到好好笑容,仲問我做乜咁早起身,佢未整好我份早餐咁話。
簡單傾左兩句佢就走返入廚房,話要煮埋份早餐比我,留低我同家姐係廳。
一見到lulu走左入廚房之後家姐即刻捉實我對手,喊哂口咁話我係佢既救命恩人,又係咁道歉,一時間真係唔知咩事。
![](https://lihkg.com/assets/faces/normal/sosad.gif)
之後佢同我完完整整咁講返今朝到底發生左咩事,佢仲講到眼有淚光,話從來未見過咁恐怖既lulu。
事情係發生係今朝,天都未光得哂lulu就叫醒左佢,仲兇神惡殺,殺氣滿滿咁。
家姐話佢原本想鬧lulu一餐,但都因為lulu既殺氣而卻步。
之後lulu就沖左杯咖啡比佢,起初家姐以為咁會係一個好徵兆,點知呢個反而係佢惡夢既開始。
係佢飲左兩啖咖啡,頭腦開始清醒返少少之後lulu就開始連環炮轟佢兩個鐘頭,直至岩岩我出現先暫告一段落。
點解要炮轟呢,係因為關於我有左既事。Lulu用左兩個鐘頭既時間鬧家姐做乜唔一知道呢個消息就話比佢知,話佢拖長件事搞到我咁心緒不寧,問佢咁大個人有無分寸之類。
總言之,lulu係因為我所以先咁惡鬧家姐,但而家反而係家姐係咁同我道歉,搞到我都唔好意思…
![](https://lihkg.com/assets/faces/normal/chicken.gif)
lulu:「喂,你又同Cherry講咩呀。
![](https://lihkg.com/assets/faces/normal/clown.gif)
哇…
![](https://lihkg.com/assets/faces/normal/@.gif)
lulu拎住早餐出黎望住家姐個樣又真係幾恐怖,好似想食人咁款,家姐甚至驚到匿左係我身後,咁既家姐同lulu我都係第一次見…平時兩個既角色應該係掉返轉先係…
真係要做返D野調停佢地先得…
Cherry:「唔好咁啦老公…家姐都係想我地好啫…
![](https://lihkg.com/assets/faces/normal/flowerface.gif)
我既撒嬌功夫睇黎對佢真係有特別既效果,我只係講左一句佢好似就心軟,放低左早餐比我叫我趁熱食。
![](https://lihkg.com/assets/faces/normal/hoho.gif)
於是家姐就當左我係免死金牌,全程一直痴住我。
![](https://lihkg.com/assets/faces/normal/sosad.gif)
不過頭先lulu…又真係幾man既…
![](https://lihkg.com/assets/faces/normal/chicken.gif)
Lulu:「係喎,你阿爸阿媽知道你有左未架?
![](https://lihkg.com/assets/faces/normal/oh.gif)
係wor,都唔記得左話比佢地知添。
Lulu:「咁一於今個星期六約佢地出黎食餐飯,話埋比佢地知啦。
![](https://lihkg.com/assets/faces/normal/wink.gif)
我:「嗯無問題呀,咦後面個幾箱係…?
![](https://lihkg.com/assets/faces/normal/oh.gif)
出左黎廳咁耐我而家先發現到lulu身後有幾個平時無既紙皮箱。
Lulu:「啊,呢幾箱呀?係我諗住今日拎入倉度放架。
![](https://lihkg.com/assets/faces/normal/hoho.gif)
放入迷你倉?會係咩黎架呢?
![](https://lihkg.com/assets/faces/normal/oh.gif)