「短篇」「小小傻瓜,大大幸福」: 喜訊
我諗唔只係我一個咁諗,就連我身邊既Cherry見到呢片景象都嚇親。
數數下呢度起碼有九個餸…咁多邊食得哂呀…
美星亦係呢個時候走左出黎,不過無好似電視劇咁揸住隻鑊剷,佢只係抹緊手。
美星:「咦?兩個返黎嗱?食得飯架啦,去放低D野先啦~
![](https://lihkg.com/assets/faces/normal/tongue.gif)
我:「喂喂,你都未免…」
Cherry:「煮得太多喇…
![](https://lihkg.com/assets/faces/normal/chicken.gif)
就連一向大食既Cherry都話煮得太多,你可想而知美星到底煮左幾多。
![](https://lihkg.com/assets/faces/normal/banghead.gif)
唉呀,好彩無講出口,如果唔係又會比人打了。
![](https://lihkg.com/assets/faces/normal/sosad.gif)
美星:「無所謂啦,今日係一個高興既日子,係應該要煮多D既!
![](https://lihkg.com/assets/faces/normal/hoho.gif)
我,Cherry:「高興既日子?
![](https://lihkg.com/assets/faces/normal/oh.gif)
無錯,我同Cherry係同一時間講出呢句野。
美星:「啊…哈哈再唔食就凍架啦,快D黎食啦!
![](https://lihkg.com/assets/faces/normal/bomb.gif)
想分散注意力呀?我先無咁易上當。
嘛,不過真係食左飯先啦,我諗Cherry都應該肚餓架啦。
我暫且將件事先放埋一邊,先好好享受眼前呢檯豐富既晚餐。
不得不說,美星既廚藝真係大有進步,幾乎每樣餸都煮得好好食,我地三個個個都食得好開心。
但更令人在意既係佢既態度,佢一反常態,好好態度咁招待我同Cherry,唔知仲以為自己去左高級餐廳食飯。
就算擔心會唔會有乜埋伏,我同Cherry仍然好開心咁食完呢餐飯,紅酒都飲左成支。
不過唔係我地飲,係佢自己一個飲哂成支,都唔知佢到底受左咩刺激咁high。
![](https://lihkg.com/assets/faces/normal/banghead.gif)
我細細聲問係我身邊既Cherry知唔知美星發乜神經,佢都只係搖搖頭,仲反問我今日明明成日同美星一齊,點解我會唔知美星有咩事。
但係佢今日真係成日都正正常常架喎,係而家先突然變成咁…
![](https://lihkg.com/assets/faces/normal/chicken.gif)
我:「喂,你話今日係高興既日子,到底係咩事呀?你好同我講清楚吖呀。」
美星:「嘻嘻,其實都唔只今日先係高興既日子既…黎緊呢一年都會係好高興開心架哈哈哈哈~
![](https://lihkg.com/assets/faces/normal/biggrin.gif)
呢條友肯定已經飲醉左喇,開始語無倫次,塊臉仲紅過蕃茄,好心唔飲得就咪飲啦。
![](https://lihkg.com/assets/faces/normal/ass.gif)
我睇唔過眼,走埋去扶佢入房,等佢唔好再係度發酒癲。
細心既Cherry見到我稍有動作就即刻作出反應,陪我一齊扶美星入房。
途中我仲俾發酒癲既美星打左兩巴,痛到我差點d嗌左出黎。
處理完佢之後仲有檯面既碗筷要執,原本Cherry都想陪我一齊執,但佢放工返黎肯定好攰,所以我唔比佢執,仲叫佢快D去沖涼。
之後我就一個人執好所有野,呢D野做慣做熟,話咁快就搞掂哂,坐係梳化睇電視。
睇左一陣電視,Cherry都沖完涼出黎,一邊用毛巾抹頭髮一邊走埋黎我旁邊坐低。
我:「我幫你抹喇。
![](https://lihkg.com/assets/faces/normal/wink.gif)
Cherry:「好呀唔該老公~
![](https://lihkg.com/assets/faces/normal/kiss.gif)
講完我就接過佢手上既手巾,好細心好溫柔咁幫佢抹乾個頭。
嘛,呢D都係應該做既,無乜大不了。
我:「呀,講開又講,到最後都係唔知美星講咩今日係高興既日子係咩意思添。」
Cherry:「係囉…無辦法啦佢飲醉左…」
「係呢,你今日話咩係café湊小朋友?係咩事?
![](https://lihkg.com/assets/faces/normal/oh.gif)
我之後就將成件事由頭到尾講一次俾佢聽,諗返起件事自己都忍唔住邊講邊笑,Cherry佢都聽到笑左出黎。
Cherry:「聽你咁講個妹妹應該真係好可愛咁喎~唔知第時我地既仔女會唔會都係咁可愛呢?
![](https://lihkg.com/assets/faces/normal/hoho.gif)
我:「哈哈,第時有仔女的話,一定係世界第一可愛既~
![](https://lihkg.com/assets/faces/normal/agree.gif)
我一講完句野佢就即刻捉住我隻手,仲要係好用力個隻,嚇左我一跳。
佢亦唔係捉一下就放開,而係一直捉實,用一個好堅定既眼神望住我。
Cherry:「魯路修,記唔記得我話過我想要你,仲有你既世界?」
我:「嗯…咁有衝擊力既說話我又點會…」
Cherry:「我而家唔想要喇。」
吓!?!?
![](https://lihkg.com/assets/faces/normal/shocking.gif)
![](https://lihkg.com/assets/faces/normal/shocking.gif)
![](https://lihkg.com/assets/faces/normal/shocking.gif)
![](https://lihkg.com/assets/faces/normal/cry.gif)
Cherry:「我而家想要你地,仲有你地既世界。
![](https://lihkg.com/assets/faces/normal/angel.gif)
你地…?
![](https://lihkg.com/assets/faces/normal/oh.gif)
我:「你地係指…」
Cherry:「我有咗BB。
![](https://lihkg.com/assets/faces/normal/angel.gif)
咩話!?
![](https://lihkg.com/assets/faces/normal/shocking.gif)