「短篇」「小小傻瓜，大大幸福」: 喜訊

我諗唔只係我一個咁諗，就連我身邊既Cherry見到呢片景象都嚇親。

數數下呢度起碼有九個餸…咁多邊食得哂呀…

美星亦係呢個時候走左出黎，不過無好似電視劇咁揸住隻鑊剷，佢只係抹緊手。

美星：「咦？兩個返黎嗱？食得飯架啦，去放低D野先啦~

」

我：「喂喂，你都未免…」

Cherry：「煮得太多喇…

」

就連一向大食既Cherry都話煮得太多，你可想而知美星到底煮左幾多。

唉呀，好彩無講出口，如果唔係又會比人打了。

美星：「無所謂啦，今日係一個高興既日子，係應該要煮多D既！

」

我，Cherry：「高興既日子？

」

無錯，我同Cherry係同一時間講出呢句野。

美星：「啊…哈哈再唔食就凍架啦，快D黎食啦！

」

想分散注意力呀？我先無咁易上當。

嘛，不過真係食左飯先啦，我諗Cherry都應該肚餓架啦。

我暫且將件事先放埋一邊，先好好享受眼前呢檯豐富既晚餐。

不得不說，美星既廚藝真係大有進步，幾乎每樣餸都煮得好好食，我地三個個個都食得好開心。

但更令人在意既係佢既態度，佢一反常態，好好態度咁招待我同Cherry，唔知仲以為自己去左高級餐廳食飯。

就算擔心會唔會有乜埋伏，我同Cherry仍然好開心咁食完呢餐飯，紅酒都飲左成支。

不過唔係我地飲，係佢自己一個飲哂成支，都唔知佢到底受左咩刺激咁high。

我細細聲問係我身邊既Cherry知唔知美星發乜神經，佢都只係搖搖頭，仲反問我今日明明成日同美星一齊，點解我會唔知美星有咩事。

但係佢今日真係成日都正正常常架喎，係而家先突然變成咁…

我：「喂，你話今日係高興既日子，到底係咩事呀？你好同我講清楚吖呀。」

美星：「嘻嘻，其實都唔只今日先係高興既日子既…黎緊呢一年都會係好高興開心架哈哈哈哈~

」

呢條友肯定已經飲醉左喇，開始語無倫次，塊臉仲紅過蕃茄，好心唔飲得就咪飲啦。

我睇唔過眼，走埋去扶佢入房，等佢唔好再係度發酒癲。

細心既Cherry見到我稍有動作就即刻作出反應，陪我一齊扶美星入房。

途中我仲俾發酒癲既美星打左兩巴，痛到我差點d嗌左出黎。

處理完佢之後仲有檯面既碗筷要執，原本Cherry都想陪我一齊執，但佢放工返黎肯定好攰，所以我唔比佢執，仲叫佢快D去沖涼。

之後我就一個人執好所有野，呢D野做慣做熟，話咁快就搞掂哂，坐係梳化睇電視。

睇左一陣電視，Cherry都沖完涼出黎，一邊用毛巾抹頭髮一邊走埋黎我旁邊坐低。

我：「我幫你抹喇。