[真人真事][校園][純愛]《兩個我加一個妳》: 第一百零九章

返到去老師梗係問我點解咁遲返嚟

我話冇呀肚痛囉咁樣

已經唔理佢信唔信

總之就咁講啦

好彩佢都信



跟住就一路上堂啦，

上上下堂嗰陣喺度諗

係喎都可以打電話嘅啫

雖然佢或者唔聽

肯定唔係親口講見到面咁理想架喇



不過只要重有方法同佢有交流，

都仍然會去試

就係咁樣嗰陣自己決定咗

一陣放學就即刻打電話俾佢

同埋有一樣野都想知，



就係佢幾時離開香港

睇下可唔可以送下機都好丫

依家真係戇鳩鳩乜都唔知

以免一陣打唔到俾佢，

又或者佢唔想聽我電話，

所以一陣諗住行過去搵呀宏

睇下佢知唔知芊靈邊日會走

都唔知點解咁撚戇鳩當初唔記得問



真係抵死

當時我覺得，

佢唔返嚟學校啫，

唔代表即刻去外國架嘛

所以即使頭先喺學校搵唔到佢都唔緊要啦

或者其實只係自己安慰自己，

不過覺得唔係世界末日



唔係冇得扳

講多一陣就放學，

之前都講過啦嗰日係聖誕聯歡

咁樣就梗係即刻去隔離班搵呀宏同埋Michelle

點知過到去唔見佢兩個，

問下其他蛋散佢地喺邊度，

跟住又話佢地嗰班冇搞聖誕聯歡

可能應該走咗



我心諗唔係呀嘛

竟然有一班唔搞嘅咩

係咪鳩吹架

不過我見同我講嗰條友個樣好誠懇

可能真係冇鳩吹

如果係咁嘅話就大鑊

因為其實我係冇呀宏電話



更加唔好話Michelle

所以我最希望一陣間芊靈有聽電話

咁樣成件事就最美滿

唔使煩呢樣嗰樣。

好記得嗰日喺學校玩咗一陣就走，

聖誕聯歡都係食野嘅啫

當然一路喺學校嗰陣一路都喺度諗返早幾年

重有芊靈喺隔離嘅日子

我唔係話想叫春

不過懷緬都係人之常情啫

特別係出學校門口嗰陣，

成日凝住會有條友同我一齊搭巴士

都係咁啫冇乜特別

嗰陣一心想快啲返屋企，

我諗過喇，

如果我用自己電話打過去，

驚佢會唔聽啦啱唔啱先

不過用屋企電話就冇呢個疑慮

佢亦都唔知我屋企電話

今次重冇死

結果返到屋企，

九秒九打電話

點知打過去係留言信箱

應該係冇開機

咁冇計架咪再打囉

打咗幾次都唔得

我就肯定佢重未開返，

咁唔緊要啦，

好似頭先我所講，

佢今日退學啫唔代表即刻去外國

就算我當佢飛過去過聖誕，

都唔一定係今日飛

不過咪制，

照樣喺msn打一句一路順風先

雖然佢好耐冇on，

又或者唔知係咪block咗我啦

當然都可能係自己set咗顯示為離線

其他野就當面先同佢講，

打完之後，

其實成日心情都唔多好

喺學校又撞唔到

連想聽下佢把聲都聽唔到，

谷鬼氣拎個波落去樓下踢

因為小弟屋企樓下有個五人場，

平時冇乜人用嗰個球場

一向心情有啲鬱悶嘅時候

都會落去射籠

我今次醒目呀，

帶埋個電話落去

唔知一陣有冇人打嚟俾我架嘛，

當然我都知機會唔高

不過當然唔係隨身啦，

我都驚跌電話，

嗰陣窮撚邊有錢追電話

所以帶咗個袋落去，

順便裝住電話

發洩完返嚟應該好啲嘅，

唔使咁躁


落去踢咗大約成個鐘左右啦，

原本想走嘅點知有人嚟

佢地話四打四差一個

就叫我一齊踢

盛意拳拳冇理由推架啱唔啱先

所以就踢多陣先返去

抖順條氣，

見到差唔多夠鐘返屋企食飯

咁就冇再踢落去

跟住當然係拎部電話出嚟睇啦，

睇下有冇人打俾我

話就話唔大期望啫，

不過都想睇下有冇奇蹟發生

一拎出嚟嗰陣，

就見到有四個未接電話

兩個人嚟

佢地分別打咗兩次，

一個唔知邊撚個，

另一個原來係Cyrus

我想見到嗰個電話number

梗係見唔到啦

即使有心理準備，

不過都係好唔爭氣咁樣嘆氣

唔緊要啦咁我之後打返俾Cyrus先

我:「做乜撚 」

Cyrus:「啱啱去撚咗邊

唔聽電話

係咪打緊飛機 」

我:「落咗去射籠呀屌

痴撚線日日打飛機咩 」

Cyrus:「鳩知咩你咁撚鹹濕 」

我:「痴線由你把口話我我一定唔服 」

Cyrus:「屌唔好講住

你係咪得罪咗呀宏

佢啱啱問我拎你電話 」

我:「呀宏

咁唔通頭先有個人打俾我但我冇聽到

嗰個就係佢 」

Cyrus:「係咪971開頭丫 」

我:「係呀係呀 」

Cyrus:「咁肯定係佢啦屌 」

我:「佢有冇話你聽咩事 」

Cyrus:「嗰陣喺屋企打緊機呀

重要啱啱開咗場

我冇問佢呀我都唔得閒，

淨係俾咗電話就算 」

我:「得得得我大約估到咩事

依家打俾佢先 」

Cyrus:「咁撚急係咪大鑊野 」

我:「一陣同你講。」