[真人真事][校園][純愛]《兩個我加一個妳》: 第一百零七章

喺嗰個禮拜入面

每一次返到屋企，

拎住部電話嗰陣

無時無刻都想sms佢

希望大家唔使見面之下，

傾嘅時候更加流暢

唔會俾氣氛影響咗

好多時真係打咗野喺個對話框入面

「做緊咩呀

」

「聽日食唔食早餐

」

「屎忽鬼我搵到首歌好好聽喎

」

但真係要去到撳傳送嗰陣

唔知點解就有好多顧慮

唔知各位巴打絲打有冇試過啦

以往同某個人send sms嗰陣，

總係份外小心

打完之後不斷喺度改

驚對方唔鍾意

望望下又好似發覺唔係咁好

delete晒佢重新打過

不過去到最後都係冇send出去

其實我對住佢呢未試過咁樣嘅

由啱啱識佢嗰陣都冇經歷過呢個階段，

係唔知點解，

依家就出現呢個情況

好想同佢講好多野

但係又唔知點講好

真係好棘手

有一日，

放學嗰陣搭巴士，

離遠我見到佢個身影

如果係幾個禮拜之前，

我就一早行咗過去啦

不過依家我選擇靜靜雞喺後面

睇下可唔可以上到車之後，

坐佢隔離傾下計

結果件事真係好似我咁樣諗

喺佢之後重有幾個人，

遮住佢嘅視線

而當佢上咗車唔會望後面嘅時候，

我先至選擇上車跟住就去上層

一去到上層之後，

我發覺有樣野好特別

就係佢選擇咗坐第二個位

唔知大家重記唔記得啦，

佢條友坐嚟坐去都係同一個位

上層右手邊由頭數落去第六個位，

重要係貼窗嘅

不過我眼前所見，

原本應該有人坐嘅位，

變咗一個吉位

佢自己應該坐咗去後面

因為我見到前面係冇人，

我唔知佢見唔見到我啦

喺嗰一刻我就諗到一樣野，

究竟佢咁樣避開我，

連一個坐咗十幾年嘅位都選擇唔坐

當然唔排除其實係唔關我事

只係佢純粹想坐第二個位

你當我ff啦

既然係咁，

重應唔應該去搵佢呢

我成日覺得一個人應該要有自知之明，

要識趣

俾返少少面自己好，

尊重對方都好啦，

既然佢都咁樣何必重要勉強

情感上，

我好想知佢點解要咁樣做，

好想行過去問清楚佢，

好想好似以往咁樣，

一齊做好多無聊野

不過所有嘅情感都俾理性抑壓住

既然佢咁樣避開我就無謂再糾纏喇，

轉變得太快，

你地睇嘅覺得意外，

應該會明白置身當中嘅我，

嗰一刻有咩感受

中學年代嘅男仔，

一有呢啲事梗係會搵信得過嘅朋友傾架啦

前提係要信得過

我都唔例外

諗住同Cyrus講呢件事，

條友咁撚八卦應該肯聽

之後證實原來我冇估錯

Cyrus:「唔怪得你呢排呀同返我地食飯啦屌

又唔見佢行過嚟搵你喎

你知啦你兩個真係好猖狂

成撚日都一齊

見到佢就見到你咁樣，

呢排佢冇行過嚟，

原來真係發生咗野

」

我:「你又真係醒冇問到

如果唔係咁多人面前都唔知點樣答你

」

Cyrus:「識咗你幾撚耐丫

有啲咩鍾意有啲咩唔鍾意點會唔知

不過佢真係要走呀

」

我:「係呀

警告你唔好講出去呀

」

Cyrus:「得啦戇鳩

不過你真係唔搵佢

得返一個禮拜都唔夠喎

」

我:「佢自己都避開我

唔通重衝過去咩煩佢咩

」

Cyrus:「講真啦我又唔係你

我又唔知你地發生咩事，

就真係好難講嘅

我都知你有自己諗法

冇乜野俾到你，

有咩想講就講晒啦屌

」

Cyrus的確係一個好好嘅聆聽者

對於我嚟講呀，

所以一直以嚟有咩想講都係搵佢

亦都多謝佢冇嫌我煩

跟住我就一輪嘴同佢講晒啦

Cyrus:「佢咁樣講擺明冧你啦屌

」

我:「冧我又要特登避我

」

Cyrus:「我唔係佢撚知咩

你同佢一齊咁耐冇曖昧嘅咩

」

我:「我真係唔知喎

」

Cyrus:「屌你啦係咪玩野呀

全級都覺得你兩個係一齊

你兩個自己唔知嘅咩

」

我:「我同佢都唔係好理人點睇嘅

有冇曖昧嗰種尷尬就真係唔知喎

記憶中就好少

」

Cyrus:「講真啦成日同你一齊點會冇野丫

」

我:「佢以前講過唔想咁快再拍拖

」

Cyrus:「上個禮拜你夠話唔好打咁多飛機

」

我:「咁你就錯喇我真係減少咗

」

Cyrus:「唔係話

登入