[真人真事][校園][純愛]《兩個我加一個妳》: 第七十八章

我地嗰陣入到戲院

揀完位坐低

之後播啲廣告

跟住就好快入正題

講真嗰句，



真係唔記得咗嗰套戲係講乜

各位睇咗呢個故一段時間，

都知我呢條友記性真係好撚差

除非真係好用心咁樣記，

如果唔係好快就一掃而空



同埋我嗰陣入到去真係留意隔離嘅芊靈重多過套戲

我見佢睇得好肉緊呀

各位唔使諗有冇乜野身體接觸，

基本上真係冇

鬼叫唔係睇鬼片咩



我記得個結局係sad ending嚟嘅

點解咁記得

因為完場之後見到好多人喺度喊

芊靈佢冇喊不過見到隻眼都有紅

鬼叫我寫日記嗰陣冇寫低關於套戲嘅野咩

所以依家唔記得咗講乜撚

我:「眼紅紅喎 」

芊靈:「你唔覺得好慘咩



大家鍾意大家但係唔可以一齊 」

我:「唔知喎未試過喎 」

芊靈:「搞錯呀你咁架

樣樣試過先知就大鑊啦 」

我:「從來都唔會評一啲未發生過嘅野

可能我冇你咁投入

啱啱淨係睇戲啫 」



我當然係吹水啦

唔通我同佢講淨係喺度望住佢咩屌

芊靈:「um

真係好慘 」

我:「莫非你試過 」

芊靈:「唔知呀唔答呀 」

我:「咁樣講即係係啦 」

芊靈:「唔知呢



不過套戲真係幾好睇 」

我:「係呀真係幾好睇呀

特別係最尾嗰度 」

好彩本身都識鳩吹啫

如果唔係實俾人發現根本冇睇到

芊靈:「臨尾好慘喎 」

我:「遺憾美嘅野你識條撚 」



芊靈:「使唔使咁串呀

講下啫

你咁講我咪唔講囉 」

我:「講下啫講下啫唔好嬲啦 」

芊靈:「費事無啦啦俾人講粗口鬧我呀 」

我:「係我口沒遮攔

大人不記小人過啦 」

芊靈:「死人頭肚餓未

食唔食野 」

我:「你話事啦 」

之後我地去咗創興嗰邊食飯

食完之後時間都尚早

就諗住行返去朗豪坊嗰邊

鳩行一轉返屋企

去到朗豪坊地下側邊嗰度門嗰陣

即係依家化妝品入口嗰邊呢

就見到有兩個mk仔喺度望住我地

嚴格講其實唔係我地

佢地幾個只係望住芊靈

之後佢地就行埋嚟

當時我同佢諗咗一陣好唔好掉頭走

但係諗諗下佢地班mk仔咁熟地頭

我地一定走唔到出手指罅

到時重要輸埋霸氣添

柒到搵窿捐

同埋依家點講都好都係喺大街

做唔出乜野嘅我諗

跟住嗰兩個mk仔就行到過嚟

一個好明顯係嗰啲喺學校俾人蝦嘅肥仔

真係著起龍袍都唔似太子

另一個就好啲

一邊有眼一邊冇眼

都係柒頭

肥仔:「靚女去邊呀

不如一齊去玩下好冇

我好多野俾你玩呀 」

單邊眼:「係囉係囉唔好理你隔離嗰個柒頭呀

我地橫睇掂睇都好撚過佢啦 」

我見喺我隔離嘅芊靈又唔係好驚

但係一直行前冇應過佢地

肥仔:「咩名呀靚女

屌你係咪聾架 」

單邊眼:「你梗係想啦屌佢 」

肥仔:「咪撚踢爆啦 」

之後個肥仔對住我講

肥仔:「條女咁撚靚點會喺你隔離架

戇鳩 」

呢個時候我終於忍唔住

因為真係好鬼煩好滋擾

一下就打落佢條撚度

冇

講笑啫

我邊有可能咁英勇丫

我話真係打你都唔信啦

但係的而且確嗰陣我真係急中生智

混亂間諗到一條絕世好橋