[真人真事][校園][純愛]《兩個我加一個妳》: 第四十七章

之後就嚟開學嗰一個禮拜

我就當然要人間蒸發啦

記得嗰陣我真係一日都冇出過街，

其實咁樣唔係好難

因為本來我就係一個毒撚



唔出街對我嚟講又點會係一個困擾

咪喺屋企溫書囉

溫到夜晚就同Cyrus打機

每日就係咁樣過

Cyrus:「講真你真係好撚無聊



咁都諗到有野玩 」

我:「芊靈佢信呀佢信呀 」

Cyrus:「講真俾我都信啦

扮野扮到咁真 」

我:「其實原本我以為未必呃到 」



Cyrus:「到時你個計劃諗住點 」

我:「嗱

九月三號呢(嗰年九月一號重放緊假)，

我就唔返去架喇

你知啦返到去都係坐

如果到時芊靈過嚟搵你，

你就話重未有我消息

淨係知我已經離開咗香港 」



Cyrus:「咩叫未有你消息 」

我:「我同佢講，

話過到去安頓好一切會搵佢

但我諗住唔搵

Msn都已經轉咗顯示為離線

我覺得咁樣個衝擊會更加大

Cyrus:「屌咁都諗埋 」



我:「識做啦 」

Cyrus:「識 」

我:「到時開學第一日放學嗰陣就sms我 」

Cyrus:「佢會唔會嬲呀 」

我:「我諗唔會掛 」

Cyrus:「戇鳩你諗梗係唔會啦

你係玩人嗰個丫嘛 」

我:「屌係喎哈哈 」



記得嗰排當我設定顯示為離線之後，

芊靈真係搵咗我幾次

嚟嚟去去都係不外乎

「重未搞掂？」

「五六日囉喎。」

「講，

係咪諗緊無聊iq題所以未上水。」



有幾次真係好想覆，

但係為咗我個無聊玩人計劃，

點都要忍住

之後開學嗰日

我就照計劃同Cyrus裏應外合

當然其實我都大約估到係邊個時間放學

所以一早就出咗去準備

準備啲咩，

當然係匿埋啦

係一個我見到佢但佢見唔到我嘅地方

而且唔會距離太遠，

減少認錯人嘅可能性

我本身就諗住咁嘅

首先我就喺度睇住佢幾時去到巴士站，

亦即係平時我地搭開嗰個站

之後我就跑去佢上一個站，

因為兩個站相距其實唔係好遠

我急步行嘅話照計幾分鐘就已經到

當然我都諗埋突發情況，

如果真係咁唔好彩架巴士已經去到芊靈嗰個站

咁都要照上架啦，

希望到時唔會咁黑仔啦

至於點解我要比佢早一個站上車

係因為我諗住早啲上去，

反正佢嚟嚟去去都係坐同一個位

上層右手邊由頭數落去第六個位

咁我諗住喺佢後幾個，

見佢上車坐好之後

就靜靜雞行上去拍佢膊頭

到時佢重唔嚇一跳

唔嚇嘅話我跟佢姓

說時遲那時快，

我已經收到Cyrus嘅sms

話佢地已經放學

Cyrus:「芊靈佢有問我你點呀，

我咪好似你咁講話唔知囉 」

我:「醒目喎 」

Cyrus:「佢個樣真係好似好擔心咁 」

我:「係咪鳩吹架 」

Cyrus:「呃你托柒咩 」

冇野講就講埋啦

嗰日我冇返學架嘛，

自自然然就唔係著校服呀，

咁究竟著咩

咪就係芊靈送俾我嗰件t卹囉，

今次梗係特登諗過啦

你估真係乜都咁啱咩

講下講下終於見到目標人物

隔離重有幾個佢朋友，

一於睇下係咩情況先。