[真人真事][校園][純愛]《兩個我加一個妳》: 第三十四章

跟住落嚟就係復活節假期

呢個復活節假期冇乜特別

都係同平時差唔多

係最多禮拜六日芊靈會搵我

問我一唔一齊同佢去散步



跟住我同佢講以後都唔使特登問

因為我係一定去

係呢樣比較特別

其他時候做嗰啲野就好似正常嘅中學生咁樣，

打機又打下J



功課就搵人抄

既然係咁就唔多講

復活節假之後有一單野比較特別

我覺得值得講下嘅

希望各位唔好拆台先



話說有一日我同芊靈就去完嗰個乜撚野桌上遊戲學會

跟住就照例一齊搭巴士走啦，

搭搭下途中

我:「大鑊 」

芊靈:「做咩呀 」

我:「你自己坐返去先

我要落車返返去學校 」

芊靈:「咩事呀 」



我:「我漏咗本手冊同埋聽日要交嗰份功課喺櫃桶嗰度

頭先唔記得拎 」

芊靈:「有冇帶腦出街呀

成日都唔記得 」

我:「我返返去先

拜拜 」

芊靈:「等陣先 」



跟住佢就同佢一齊落車，

我:「做咩你又嚟 」

芊靈:「你條友成日都咁鬼大懵

點知你一個人返去會唔會睇漏野 」

我:「唔該晒喎芊靈姐姐 」

芊靈:「不嬲都咁好人

唔使特別講多謝 」

跟住我同佢就一齊返返去學校



返到去諗住上班房嗰陣，

點知道門鎖咗

我:「仆街喇呢鑊

道門鎖撚咗添 」

芊靈:「不如去搵人開門 」

我:「嗰班人好撚臭串

問佢實話唔俾開



你喺度幫我睇水先 」

芊靈:「你想擒入去呀 」

我:「唔通我撞入去咩

邊夠力呀 」

結果我就喺窗嗰度擒入去，

去返我個位

原來真係漏咗喺櫃桶嗰度

真係冇撚用咁都唔記得拎，

搞到依家又要嘥時間返嚟

拎完之後就梗係走夾唔唞

出到去學校門口當然搭返車走人啦

芊靈:「壹仔呀壹仔，

點解你成日咁冇記性架

究竟係咪坐住咗個腦呀 」

我:「你就坐住咗個腦

頭先我都冇叫你返嚟

係你話一齊嚟咋嘛 」

芊靈:「唉，

幫你睇水多謝都冇句

重要話返我自己跟埋嚟，

心都噏埋 」

我:「對唔住對唔住對唔住

係我出言不遜，

請娘娘饒恕 」

芊靈:「哈哈

睇得古裝戲太多呀你 」

我:「卑職實在唔應該怪責於你

一定係奴才嘅問題 」

芊靈:「乜你成日睇嘅咩 」

我:「其實唔係

我都唔睇電視嘅

係有時食飯聽到咁樣先至知啫 」

芊靈:「諗諗下咁樣落去唔係辦法

成日都係咁樣真係唔得你死 」

我:「你又有咩高見 」

芊靈:「以後放學都要行過嚟搵你

問你帶齊啲野未 」

我:「頂你咪好似保姆咁樣 」

芊靈:「係呀

咁樣你一定唔會唔記得帶野

係咪好醒呢 」

我:「日日都係呀 」

芊靈:「梗係啦

特別係落雨又或者pe堂嗰陣，

一定會行過嚟問你有冇拎齊遮同埋pe衫 」

我:「你唔使同你啲friend一齊走咩 」

芊靈:「佢地住嗰度近好多架

同埋有啲要陪男朋友，

所以其實有時都係自己一個走

唔使搵藉口呀你 」

我心諗邊有搵藉口

開心都嚟唔切啦

芊靈:「如果嗰日我唔可以一齊放學就會sms你

否則嘅話我會去你班房門口架喇

成日都帶漏野 」

我:「定係其實你係想同我一齊放學咋 」

芊靈:「壹仔呀壹仔

點解你成日諗埋啲無聊野架 」

我:「下

我個腦淨係諗住你

又點算係無聊呀 」

芊靈:「打冷震呀 」

我:「搞錯呀

我睇電視啲男主角成日都係咁講，

跟住聽嗰個就會好冧

點解現實係咁架 」

芊靈:「因為你唔係男主角囉嘻嘻 」

唔怪得啦，

其實佢就一早講咗點解

不過咁，

我要好多謝當日呢個咁大懵嘅我

雖然嘥咗當日自己玩嘅時間，

不過就多咗日後同某個人相處嘅光陰，

有得有失

慶幸得嘅比失去嘅多。