[真人真事][校園][純愛]《兩個我加一個妳》: 第三十三章

芊靈:「你呢

平時又鍾意食啲乜 」

我:「其實真係冇乜喎 」

芊靈:「係咪真架 」

我:「只要唔係紅蘿蔔，蒸魚同埋屎



多數都冇問題 」

芊靈:「蒸魚好食喎 」

我:「我就係唔鍾意嗰啲魚味

即係你地口中嘅鮮甜

我就覺得好腥



其實唔止係魚，

大部分海產我都係

當然日本菜嗰啲就例外啦 」

芊靈:「不過呢啲冇得講嘅

一定係有啲野鍾意有啲唔鍾意 」



我:「你明就好啦

成日都有啲人問點解唔食魚

喂大佬呀，

唔鍾意就唔鍾意架啦

邊有得講啫，

再加上多骨

對於我呢啲懶到極點嘅人嚟講

點會肯同你食 」



芊靈:「原來你係懶鬼 」

我:「講真真係唔怕認

我食野就好簡單，

最緊要就係方便

所以千祈唔好同我講享受

因為我根本就唔識享受

我嘅世界淨係得唔麻煩，方便，



食野都係呢個原則 」

芊靈:「即係有啲野好好食但係如果好麻煩嘅話

你都係會唔食 」

我:「梗係啦

幾年前有次去黃金海岸食buffet

全部都會食嗰啲乜撚野生蠔呀龍蝦呀，

即係嗰啲大路食物

但係你知你啲極度麻煩又重海鮮味



係唔會啱我食

所以我就冇食到食第二啲

跟住班親戚就問鳩我

點解唔食呀咁好食都唔食

無啦啦挑我機

咁我咪把幾火問返佢

『好食係咪一定要食 』，



跟住嗰晚佢就冇再同我傾計

可能覺得我傻撚咗 」

芊靈:「你咁激動嘅咩

哈哈唔似喎 」

我:「你估好似對住你咁咩 」

芊靈:「關咩事喎 」

我:「梗係關事啦

對住天使都激動係會俾雷劈 」

芊靈:「信你一成都死呀 」

我:「但係我見你死得好開心 」

芊靈:「邊有人話我開心 」

我:「睇穿你啦偷笑 」

芊靈:「變態佬呀偷睇人呀 」

跟住隔離有個男仔見到加聽到

就用一個好疑惑嘅眼神望住我

我:「死喇

俾佢以為你講真喇 」

芊靈:「事實上你的確係變態佬喎

不過係一個無聊搞笑嘅變態佬嘻嘻 」

其實可能芊靈係女仔嘅關係，

所以佢唔明白點解男仔要咁無聊同埋搞笑

其實氹到你想氹嘅人開懷大笑，

嗰個成功感真係好大

一個毒撚唔會成日覺得自己好型，

因為佢地自己都知自己咩條件，

唯獨是做到以上講嗰樣野

就會分外滿足，

因為過程入面淨係得你自己一個，

唔使靠人而成功

嗰種開心嘅程度，

係你過幾晚瞓覺嗰陣，

諗返起都會暗爽

或者其實佢可能只係扮笑，

不過去到嗰一刻都唔會諗咁多

重可以咁客觀咩。

問完野食梗係問佢其他喜好啦

我:「鍾意聽咩歌呀

戲就唔使同我講喇

因為我完全唔識嘅

同我講即係嘥氣 」

芊靈:「我幾鍾意聽男歌手唱歌架

最鍾意張敬軒 」

我:「良心可一敲即碎

女人開始使我恐懼

遺失了你才明白我會消失了生趣

連心肝都可失去

然後犧牲我的眼淚

讓我 像老了十歲」

芊靈:「識野喎

我好鍾意呢首架 」

我:「為何連一次都不再願探訪

為何鄰居也可多慰問境況

捱過多少天傷心處方

淚水如何能做血糖

為何連一句都不再願講

只有電視的盛況　能陪伴沮喪

今後我　沒法比從前的堅壯

然後你更不願看」

芊靈:「點解你會識架

呢首side track嚟架喎 」

我:「我唔係佢嘅fans

不過叫做識啲啲啦 」

芊靈:「唱多幾隻啦

好想聽呀嘻嘻 」

我:「冇喇

佢啲歌我比較鍾意嘅係頭先嗰兩首

我就梗係聽開醫神

死忠 」

我當然唔會同你講

有一晚我喺msn見你聽緊頭先嗰兩首，

跟住先走去聽啦

芊靈:「估唔到你聽好多歌喎 」

我:「咩叫估唔到 」

芊靈:「以為你地男仔淨係鍾意睇動漫打波 」

我:「我最唔鍾意就係睇動漫

都唔記得有冇同你講過，

戲又唔睇動漫又唔睇

咪有時間聽下，

不過國語同埋英文就唔好搞我 」

芊靈:「um

你呢個人真係好特別 」

我:「係咪天選之人

定係真命天子

抑或係白馬王子 」

芊靈:「師父你諗多咗喇 」

我:「重諗住可以做你呢位天使嘅白馬王子添 」

芊靈:「咁易講得出口

一定唔信你係講真呀 」

我:「咁誠懇你都唔信我

失望 」

芊靈:「你都叫誠懇

呀bi都笑呀 」

跟住呀bi又真係望住我地兩個

好搞笑

就係咁樣，

我終於知道佢最基本嘅喜好係乜

其實根本就冇咩特別

但自己就唔知點解好想知道。