[真人真事][校園][純愛]《兩個我加一個妳》: 第十八章

跟住落嚟就有個運動會

嗰陣我係第一年喺度讀，

跟住問返Cyrus佢地

原來每一年都係二月嗰陣搞

重記得嗰年就係搞完運動會先放新年假



所以特別有印象

話說我雖然平時有踢開波，

但其實絕對唔係一個運動健將

嗰啲乜野跑步呀跳遠呀跳高呀，

全部都唔好預我



第一唔識玩，

落到去都係做炮灰

同埋絕對唔係得三個人玩嗰種

即係冇得呃牌啦

第二我都唔會去學，



唔鍾意玩學條撚咩

我知好多人都想好似漫畫咁樣，

喺自己鍾意嘅女仔面前，

釋放自己嘅運動細胞去提升自己魅力

但我唔認為自己落到去會有呢個效果

反而我九成九會被芊靈笑

喺佢身邊就話想做小丑啫，

反正都係得佢一個知，



但依家運動場咁多對眼睇住，

過幾日返到去實俾人笑到面黃啦

所以已經決定嗰年係唔會玩運動會

講開又講，

大家都去過運動會啦

唔知大家有冇共鳴，

就係運動會其實大部分時間都係好無聊



特別我地學校捉得比較嚴，

一定要同一個社一齊坐

咁啱我同Cyrus係完全唔同社

自自然然冇得傾計

咁當然我都重有其他朋友，

雖然唔係好多啫，

有啲都係同我同一個社

好死唔死佢地要係咁跑步



接力，個人，社樣樣都有份玩咁滯，

喺下面運動場個時間重多過喺上面座

既然係咁咪坐喺度休息囉

靜靜地一個人坐都有佢嘅好處，

就係唔使同人交際

舒服

當然你可以話我毒撚喺度搵藉口



又真係好似冇得否認

我就坐喺最頂嗰度，

貪冇乜人上去咁高坐

因為好多人都想坐近嗰個運動場

方便打氣又或者睇女

跟住我喺上面掃落去望嗰陣，

竟然見到芊靈

我都係今日先知原來佢同我係同一個社，

大家都係紅色

因為之前我未見過佢著運動衫

平時亦都冇傾過呢個問題

原本我想落去搵佢嘅，

不過我見佢同一個女仔傾得幾密

咁就費事阻住佢啦。

跟住睇睇下運動會，

覺得有啲肚餓

咁就梗係去小食部買野食啦

求其執啲咩都好啦，

原本諗住行去第二個社

叫埋cyrus一齊買，

點知佢條蛋散話就快要召集

一陣要去跑，

咁就唯有自己一個去啦

買完之後其實我就想返去我坐嗰個位食嘅，

點知嗰啲垃圾prefect話唔可以

驚整污糟定唔知乜鬼野

咁樣既然佢都咁講咯，

又冇得偷雞帶入去，

全部出入口都擺咗prefect

咁就諗住一條友靜靜雞，

喺後面搵個位坐低，

拿拿臨食完就算

當我搵緊啲隱蔽地方嗰陣，

就見到芊靈無啦啦喺女廁出嚟

佢個斜陰真係好有標誌性

芊靈:「鬼鬼崇崇喺度做咩呀 」

我:「咁你喺度做咩呀 」

芊靈:「洗手囉

順便買埋野食

咦你買咗喎

重唔係想一條友靜靜雞喺度食 」

我頂佢丫

心水又幾清喎

芊靈:「整舊嚟丫唔好咁獨食丫 」

我:「自己買啦好近咋嘛 」

芊靈:「你咁好人點會咁獨食呀 」

我:「唔係呀其實我唔係幾好人 」

跟住佢就喺我個袋拎咗舊麥樂雞出嚟

我:「呀姐你有錢就自己買啦

喺度謀害我呢啲窮人 」

芊靈:「你放心我一陣會買

請一舊都咁多野講 」

我:「頂你講到好似我錯晒咁樣嘅 」

芊靈:「係咩哈哈

睇你成個女人咁都係麻鬼煩

過嚟一齊排隊買喇

俾返啲你 」

我:「不如我喺後面等你

你自己排 」

芊靈:「不如你唔好食喇

俾返我啦好冇 」

我:「唔好 」

芊靈:「真係叻仔 」

講真嗰句，

點會唔俾佢食丫

只係我知道，

我唯有咁樣做先可以同佢有多啲互動，

其實最想都係咁啫

不如問返各位，

有邊個唔會咁樣做

總之今次就多得麥樂雞啦