[真人真事][校園][純愛]《兩個我加一個妳》: 第十七章

之後我地飲晒杯野就去搭巴士

上到車嗰陣

芊靈:「係喎上次你嗰條iq題都未開估 」

我:「邊條 」

唔係講笑連我自己都唔記得咗



佢一講起嗰陣我都一頭霧水

芊靈:「究竟全班考第一嗰個要做乜 」

我:「哦

我記得喇 」

芊靈:「我搵幾個人一齊集思廣益



諗到嗰啲你都話唔啱

咁究竟係咩啫 」

我:「有冇諗架 」

芊靈:「講真真係有

鬼叫你啲iq題咁難咩 」



我:「係易嘅你玩唔玩 」

芊靈:「你都傻嘅梗係玩啦 」

我:「唉你都唔挑戰自己嘅

完全唔上進呀

失望 」

芊靈:「快啲開估啦

好想快啲知道答案呀 」

我:「好喇好喇開估喇 」



芊靈:「洗耳恭聽 」

我:「你有冇去過大家樂 」

芊靈:「有呀做咩 」

我:「你有冇留意佢每日午餐都會有一個飯，

就算係promote緊其他野，

佢都一定會喺度 」

芊靈:「好似好多個都係喎 」



我:「你估下先啦 」

芊靈:「你想講四寶飯 」

我:「唔係 」

芊靈:「嗰啲乜鬼野雜扒飯 」

我:「都唔係 」

芊靈:「焗豬 」

我:「你有冇留意焗豬個全名 」

芊靈:「有呀，



好似叫一哥豬扒飯

哦我知喇

好無聊呀哈哈哈哈哈 」

我:「講真我真係諗咗好耐

係咪好好笑先 」

芊靈:「真係幾好笑

哈哈哈 」



我:「哈哈哈哈哈 」

芊靈:「唔好…再…笑呀

笑到好辛苦 」

睇見佢笑得咁開心，

就知呢條iq題雖然好撚無聊

但亦都有佢嘅意義喺度

不枉我諗咗幾晚。

笑完之後，

芊靈:「重有冇下一條呀 」

我:「大佬你估易諗嘅咩 」

芊靈:「我知你得嘅成日諗到咁多 」

我:「其實有就有好多

不過有啲係聽返嚟

咁我又唔知你有冇聽過，

你知啦，

如果我懶醒問你，

點知你竟然一下就秒我

我柒到飛起架嘛 」

芊靈:「秒唔秒你你都係咁架啦 」

我:「好串嘴喎 」

芊靈:「講事實啫

又係你講嘅，

要直接啲丫嘛 」

估唔到我咁死蠢

自己捉老鼠入米缸

真係輸自己呀屌

我:「唔係話我吹奏自己

的而且確有啲iq題如果唔好笑嘅話，

真係寧願唔好講

笑又唔係唔笑又唔係 」

芊靈:「可能你夠無聊呱哈哈 」

我真係好無聊

為搏紅顏一笑，

成日諗埋啲咁無聊嘅野

當然呢啲野冇同佢講啦，

都係嗰句，

我諗就算認真咁樣講佢都唔會信，

倒不如自己收埋咪算數，

佢知唔知又有咩重要

芊靈:「不過又咁，

原本我以為呢個桌上遊戲學會好悶

身邊好多friend都冇入嚟

不過好彩你喺度 」

當我聽到芊靈最尾嗰句嘅時候，

真係好興奮

或者你地可能唔明有咩咁值得高興

但我又想喺度講下啲廢話

聽到有好感嘅女仔對住自己講「好彩有你」，

嗰一刻你終於可以確定自己嘅價值

自己做咗咁多野，

其實個目的都只不過係咁樣啫，

唔好話當面講，

喺背後聽到已經好飄飄然

何況今次重係對住我講添，

我知你地會話我ff過籠

又話我係咪傻嘅

咁容易就開心，

不過大家都知啦，

以前咁單純(又或者叫做戇鳩)嘅自己，

真係少少野就已經可以填補自己嘅心靈。