[新手][愛情][排球]那天我成為女之後 我的人生不再一樣: 42.人際關係
第二朝起身，我都如常咁梳洗完就落樓，咁落到去輕鐵站，就開始諗起之前有Ada同我一齊返學既日子，我就覺得好唏噓，明明琴日都仲係好地地，而今日就已經好似陌路人咁，本應依個時間應該出現係車站既Ada，今日冇再出現，我諗我同佢，以後都只可以係班度，做一個普通到唔再普通既同學。
一如以往，我都係果個時間落到樓等車，咁我都會係同一個時間返到去。一返到去，同學都同Ｄ奇異既眼光望住我，雖然唔係好習慣，但我心諗都係因為我串Ｄ訓導佢地先咁望住我既姐，所以我都一於懶理就行返返埋位就算。
咁返到埋位，我就發現我個位就多左Ｄ垃圾係個櫃筒度，心諗邊個咁無聊……咁我見到咁，都算喇，一黎有人放得係度，佢就預左你會扔，咁你扔左既之後佢地都會好無聊咁再製造新既垃圾去送比你；二黎因為我其實自己係比較
小用櫃筒，因為你地諗都諗到，上手邊個用過都唔知，就算知又點，好多人都會製造完Ｄ垃圾呀，雲吞呀，就咁扔入去又唔扔落垃圾筒，所以基本上個櫃筒係等同垃圾筒，所以我都費事用算，加上我地學校有Locker比我地用，所以人地製造比我既心意，我都由佢放係個櫃筒算。
我放低左書包，望完櫃筒果一堆心意之後我就行左出班房，一黎我岩先入班房驟眼睇唔見Bianca佢之外，二黎就係同班同學既眼光一係一Ｄ都唔好受，咁我就打算出走廊兜個圈，等夠鐘上堂啦。
咁我就打算去一去個廁所先，咁我行緊去廁所既途中，我見到我果Form係人都知既果一Pair Lesbian，然後其中一個叫我
「呀潔，估唔到…你原來咁開放。」
「下？唔好意思我唔係好明。」我講
「嘻嘻，咪扮玉女啦，依加你既野係人都知喇。」Les A講
「我真係唔明你講咩。」我講
「哈哈，咪玩啦，你扮野真係好叻既姐，唔講真係以為你咩都唔知。」Les B講完之後就走左
我真係一頭霧水，咩野扮玉女，我真係唔知佢地講咩，以我所知既係我比人傳我同Joe同Aaron搞過，但…似乎唔單咁簡單。
咁我一邊諗一邊行，行到入廁所，再入廁格，咁係我一邊諗緊果對Lesbian講既野，再一邊開緊細既時候，突然一泡暖水淋左落我度…..我當堂大叫左出黎。然後我著返條褲之後就衝左出廁所，咁當然我出到去就緊係邊個都唔見啦，最後Ｄ人見我身濕曬就掩嘴笑笑咁，好似我做錯左野咁。
既然濕曬我就難Ｄ留係學校度上堂，咁我就拎返袋就走，入到課室之後我見Ｄ同學望一望濕曬既我，都係一Ｄ表示都冇，只係望一望就算，咁我拎起袋就轉身行出班房，一出門口就撞正Ada拎住書包咁返到黎，佢望一望我，跟住就好似見到一個唔識既人咁，繞過我就走左，我到依刻先感受到失去既滋味，原來係咁難受，以往既我一直都係抱住唔會有人同我做朋友既心態咁活下去，但到變成女之後，我由擁有友情，到依加無左一個最好既朋友，真係好難受。
最後我拎住個袋，就咁行返出課室，再行出學校就算。我自己慢慢咁行返去搭車。當我搭車既時候，發覺車上面既人都會望住我，同時我都聞到好似有Ｄ怪味咁，十足十……廟所味…..本身心情極差既我，加上依加狀況咁，最後同埋車上既人既目光…依程車真係好難受。
好唔容易返到去，我就開左盆水，將身上所有既衫都拋曬落盆水浸，而我就開左花灑，將個身體洗乾淨，我一邊洗就一邊捽，捽捽下我開始忍唔住係度喊，因為我覺得我又冇做錯，雖然話學Antonia收下兵，但點解……兵又收唔到，同人既關係又搞到咁僵….即使係以前冇咩朋友，亦未至於好似依加咁委屈。
唔知過左幾耐，到我覺得喊夠沖夠既時候，我行返出黎，抹乾身吹乾頭，我再行入廁所照照鏡，一個完美身段既女性係鏡中反射出黎映入我眼簾，但依位既女性既神情反而係一副可憐既樣，雙眼通紅，面容愁緒。
我再望住盆入面既衫，依加冇心情既我就冇理，由得盆衫浸係水度，然後我就行左去拎過一套乾淨既校服，換左之後我睇睇電話，數之不盡既Whatsapp對話框，我碌到底，果然……除左係男既同Antonia之外，Ada係冇Whatsapp我。我再睇睇，原來已經差唔多十點，咁我就再出門口返學。
最後今日我就被計遲到，返到去簽完遲到就上去搵訓導解話點解你今日會遲到，好彩今次同佢解話既訓導唔係陳Sir，所以都係講左幾句就放左我走，返到上去課室已經係上左今日上午堂既一半，今堂係數學堂，數學呀Sir都用關心既語氣問一問候我做咩咁遲返咁，我就咁話唔舒服就算。
到左第二個小息，Ada行開左之後，Bianca先走過黎問我同Ada做咩嘈左交，咁我都費事比Bianca知我學Antonia收兵，就咁話因為一Ｄ事咁樣嘈左。上多兩堂，好唔容易先捱到去Lunch，但一向都同Ada食飯既我，今日都唔知同邊個食，但Bianca叫左我同佢地食，咁唯有同佢地食啦，Bianca都叫到，咁我就同佢地去食，行緊去搵野食既全程Bianca係夾係我同Ada中間，行到一半之後我有小小想去廁所，咁我就同左Bianca講話想去一去廁所，咁就行左去附近商場解一解決先啦。
但當我解決完，我就唔見左佢地兩個，咁我就打左比Bianca佢問，但打極都打唔通，最後我Whatsapp 收左一句
Bianca：Sorry
咁我就明，係Ada要Bianca撇低我，係依個時候既我，就企左係商場度，依刻我唔係覺得嬲，亦都唔係覺得尷尬，而係覺得，人與人既關係可以脆弱成咁，同時亦都睇到，邊個人對自己係點。