[新手][愛情][排球]那天我成為女之後 我的人生不再一樣: 27.八強
哨子聲一響，對方開波球員吸一吸啖氣，然後單手將波拋起。
！
！
！
我地全隊人既頭頂都係感嘆號，因為佢既動作係叩球式開波無異，然後我地都好緊張，成個人僵硬左咁等佢一下抽個波過黎。
佢等到個波慢慢跌落黎，佢行前左幾步，輕輕一跳……
「小跳！睇飄！」Antonia叫
雖然Antonia咁樣叫，但我地手腳都僵硬左，因為本身係打算接起佢既叩球式開波，然後個波平快咁飛左埋黎，飛向前場大槌同中槌中間個空位，我地全球人都硬曬，比唔到反應去接起個波既時候，Eva就一個魚躍跳前，一手勾起準備要落地既波，波飛起既高度足以用上手set波，然後Carrie就快步跑上前時向我望左一眼，依個時候我就拉後助跑準備起跳，然後Carrie準備set個波前，全程都望住大槌位，我見對面既攔網都行緊去大槌位準備。Carrie個身向一向後，一個波Set去佢後面，一個完美既拋物線向住我依一邊飛黎，跟住我就跑上去跳起，
「左邊呀！」
「睇波！」
「小斜！」
對方球員就係度大叫，然後我跳到最高點時，左手拉弓，身微微烏後。
「左手呀！」對面一個球員大叫
不過好可惜，佢叫完時…..啪！我就一野殺左直線，救都慳返！
1-0
「ＷＯＷ！」全場大叫
「ＸＸ，係！ＸＸ，係！」我地吶喊
「喂，Carrie好波呀！」Antonia講
「都唔係既，都要有人救得起個波既。」Carrie望住Eva講，然後我地望一望Eva
「好波。」我拍拍Eva手臂講，之後我地既人都呆左望住我，可能佢地覺得我可以咁大方啦，老實講，到依加我見到Eva都仲有小小無名火，但就比起岩岩做女時，真係減少左好多。
「其實對面真係咁勁開到叩球式既話，佢地就唔會咁多年黎都八強料啦。」Bianca講，我心諗：依度依間女排情況都係一樣，都係多年黎都八強止步，果然……所有野，都係一樣。
然後我地隊既人就企返好，之後就輪到我開波。拎住個波行緊去準備開波，我就諗，雖然我以前係廢，但我都有練過叩球式，既然依加做左女，雖然唔係話咁大力，但上手都夠力既，叩球式我估難度唔大既。
咇！
我望一望球證，再望向對面…..就試下開去佢開波既位。我深一深呼吸，單手將個波拋起，個波拋既高度恰度好處，然後助跑幾步，一個抽手起跳，我再望一望我想打既位，同時見到全場人都呆左咁望住我…..
「睇叩球式呀！」對住大叫
啪！一個又快又旋既波岩岩好笠過網，向住對方後場飛去，但就唔係飛去想要既位，之後對面後場既人仲呆緊，個波就對住佢個頭飛埋去，佢意識到個波要打中佢個頭時……啪！
咇！Touch out，而對面食左波餅果個就坐左係度掩住面，然後佢地既隊友都走左上前睇睇佢。最後佢地Miss換左佢走，之後換左第二個入黎。
咦！岩先入黎果個…..件衫唔同色既……？Ｌ？！
「喂呀潔，好勁抽喎，要佢地用Ｌ黎接你波。」Ada對住我單一單眼講
「嘩呀潔，都話左你去左特訓架啦！！！！」Antonia笑笑口講
「哈哈，冇呀，都係試下姐。」我有Ｄ唔好意思咁講
咇！
然後再到我開波，深個呼吸，然後再黎一次。今次好似對面隊都已經知道咩事咁，咁派已經企後Ｄ等接波。我單手將個波拋起，個波拋既高度今次差小小，然後助跑幾步，一個抽手起跳，我再望一望我想打既位，都係人地開波位。
啪！今次個波就冇頭先咁大力，因為拋得冇頭先咁好，但球波都唔太差，飛到去人地後場既中間左右，雖然都係打唔到去人地開波既位，但都比起頭先有進步。
人地個Ｌ就衝左去個波落點度。
Pat！
咇！Touch out。個波擦到個Ｌ前臂彈走左。
3-0
「ＷＯＷ！ＸＸ中學好波！」觀眾席上面有人叫
「喂呀潔好波呀，但最好收收先喇，驚你冇力呀。」Antonia講
「ＯＫＯＫ。」我講
咇！
我再深個呼吸，我單手將個波拋起，個波唔算太高，然後輕輕一下打過去。
「睇飄波！」對面隊員叫
然後個Ｌ就一下接起，之後就攻擊我地，因為個波落左係尷尬位，我地失返一分。
然後依一場波都有來有回，因為始終都唔係話魚腩得好緊要，打打下去到我地既決勝分(24-16 我地24)。人地就一個小跳將波開過黎，又係落係我地既尷尬位，仲要係落係我同中槌中間。當個波就黎落地時，我就伸隻左手放係地下墊住，然後個波就落係我手背上面彈返起，然後Antonia見到就係後面衝上黎，一個下手set個修正波比前面大槌。
我地個大槌不過不失咁殺左落對面場，但人地個Ｌ都唔弱，勉強救起到個殺波，然後因為球波救得一般，所以三傳時人地下手一下打去我地隻角度，但早知係咁既Antonia就快步去到個角度，輕鬆將波交比Setter，然後setter望一望我，然後我就拉後準備助跑，對面球員好似一早估到個波好大機會傳比我咁，所以個中槌都準備過黎攔我咁。然後Carrie就set左比我，我望到對面既攔網球員好似執到金咁，笑左一笑，中槌都泊左埋黎，佢地同我同時跳起，我身烏一烏後，拉一拉弓。而對面攔網球員個樣就好似誓要攔到我既殺波咁，佢地都封左大部份位，當我諗緊打邊時，我望到對面個Setter行左出小小，似乎想準備墊起攔網既波，因為見到佢，諗返起小斜……
冇錯！右手！然後我就將右手快快拉弓，一個擰身……
啪！Pat！
咇！咇咇！
25-16
完左第一場，我地拎左第一局。而對面個setter就同頭先果個一樣，又訓左係度掩住面，對個Miss就快快腳上前睇下佢。我心諗：做咩對面既人咁中意顏面飛身……呀，顏面姐，冇飛身。
然後我地就行返去Miss果邊，拎齊野同人地轉一轉場，而掩住既果個球員，就有隊友扶一扶佢，幫佢拎野。（好似係，我指拎野啦。）
之後我地都行埋去Miss身邊
「今場你地打得唔太好喎，講我聽問題係邊先。」Miss講
「尷尬位失分太多！」Antonia講
「係囉，你地做咩呀？好似冇曬默契既？你地嗌左交呀？成盆散沙咁，人地實力點你地都好清楚啦。」Miss問
「…….」我地都無言以對
「點呀？冇野好講呀？你地諗清楚呀，你地今年係好好彩，中六同中七果班因為兩軌制而冇得打，人地學校既人都好緊張成績，中六既都唔會黎打學界咁制，所以基本上你地係對中五打中五，好小話打大你地幾年既人，今次你地拎唔到冠軍，我相信係係你地中學生涯入面既一個遺憾。你地想點，你地自己諗！」Miss再講
「係！」我地大聲叫
「咁先似返小小樣架嘛！唔理你地點，依加同我專心打返好場波先！好講返戰術先…….xxxxxxx，ＯＫ？」Miss講
咇～～～！
「加油呀！最緊要盡左力，唔好因為私人事，而錯失好有可能係你地中學生涯最後一次既學界奪冠機會呀！」Miss講
「Yes！ＸＸ，係！ＸＸ係！」
今次輪到Antonia開波，哨子聲一響，Antonia就深一深呼吸，然後就一個小跳將個波開出。八強既第二場賽事都正式開始。
個波直飛去對面既Ｌ度，對面個Ｌ一下接起，雖然佢未算話係輕鬆接起，但都叫接得算好，個波大約都飛到去Setter既位置。然後對面setter一下set起個波比大槌，跟住我對上前同我果面既中槌一齊欄網。
啪！成功欄到。我地「yes」左一下，之後望到對面都幾氣餒下，我不自覺暗爽左一下。Antonia跟住就拎個波去開波。
但Antonia係第二次發球就開左出界，我望望Miss個樣係黑過鑊底，不過算啦，開波我覺得真係雙刃劍，開得好，直接得分；同樣地開得差／開唔到，都係直接得分，不過係對面得分囉。
然後到對面開波，唔知做咩對面係唔係太過興奮，哨子一響就諗都唔諗，一個波開埋黎，啪一聲…..不過係落網囉。依兩球，雙方好似禮尚往來咁，真係唔知講咩好。
到我都係拎完個波，深一深呼吸，哨子聲一響，我深多一下呼吸，一個小跳就開左個波過去。都不得不承認，對面個Ｌ既下手接波的確幾強，老實講，幾乎開既波如果飛向佢度，都會比佢接起。雖然佢地個Ｌ今次都接起左個波，但我地防守能力都唔差，都欄左幾球，加上我既開波都唔差，所以我今次都連開左六球波，跟住對面個Miss又叫暫停。
我地既Miss都係講話做返好自己，叫我開波小心唔好失咁上下，哨子聲又再響起喇，咁我地都企返去自己企既位，而我就準備開波。
一如以往，深一深呼吸，哨子聲一響，我深多一下呼吸，一個小跳就開左個波過去。最後我開波開多七球，先再比對面一個殺波殺落欄網隻手度touch out之後，再到佢地開波。
你地諗得冇錯，依加係15-2，我地已經係大勝緊，跟住到對面開波，雖然對面想力挽狂瀾，但都於是無補，到今場八強賽事入面我地以25-7，兩場全勝既姿態進入四強。