[新手][愛情][排球]那天我成為女之後 我的人生不再一樣: 21.上學３
果一晚返到去無耐，電話就震左一震。
Carson：多謝你呀呀潔，冇你幫手我一定唔會得。
我：邊關我事喎，如果Carrie對你冇野既，你點都唔會成功既。
Carson：點都好，都要多謝你既，不如請你食返餐飯？
我：唔洗啦，你想私底下食？比人見到仲大鑊啦，唔洗喇，你對Carrie好Ｄ已經可以算係多謝我架喇。
Carson：好啦，咁唔阻你喇。
之後我就攤左係床度，心諗多年黎作為毒撚既我，都未曾有一刻係覺得愛情既來臨，究竟我幾時先可以有拖拍？老實講，本身係直男既我，你叫我同男一齊，又會覺得好嘔心。但唔知點解我見到Carson咁樣追Carrie，同Carrie表白，我居然係對男既有期望，期望同樣既野發生係我身上，死喇死喇，唔知我最後變成點呢？
咁之後食埋個飯，慢慢沖返個靚涼，我就上床訓。但訓前我拎起部手機望，搵我既男既數量都依然多，其實我都不讀不回，佢地仲可以咁痴纏，又幾有毅力，我幾欣賞。諗諗下又訓著左……
……
……
……
「你覺得依加點呀？」一把女聲講
……
「問你呀耀傑。」果一把女聲再講
「下？！」我講，咦，我變返男聲既？
「做左一個星期女，你覺得點呀？有咩感覺？」果一把女聲問
「我覺……」我都未講完
鈴鈴鈴鈴鈴……
個鬧鐘響起，又係發夢，但點解今次我會係做返男既？算啦，都冇答案，於是我就拖住疲憊既身軀起身返學。依加開始都習慣左Ada每朝係樓下同我一齊返，我開始都好習慣同女傾計，雖然有時佢地傾既野我都唔係好知，但之後Ada都會大約解釋返比我知，等我知道佢地講咩。
話咁快返到學，一如以往返到去都係同下Bianca傾下計咁。好快咁上堂，好辛苦先捱到上晝六堂到放Lunch。今日我就同返Ada，Bianca，Carrie，Doris佢地食，咁我地邊行邊傾啦。
「唉呀，你地Ｄ排球隊成日都一齊食，就黎唔記得我架喇。」Doris埋怨
「邊係呢，依加咪同返你食囉。」Bianca講
「跟住過兩日又話要同返排球隊食架喇。」Doris再埋怨
「邊有咁多呀？就算係你都可以join架，甲組既人咪又係你識既，中六既又冇得打，淨低既你都識架啦。」Carrie講
「唉，唔啦，你地講打波，我講咩喎。」Doris講
就係咁，講講下都去到餐廳，我地就繼續邊食邊講。食完都返去學校，拿拿聲上埋最尾果兩堂放學。
放左學我地就去拎左個排球打下猜下波，因為聽日要去打friendly嘛，所以就拿拿聲練下波喇。
打左一陣，Carrie都比較遲黎，然後Bianca就問佢做咩咁遲，但又笑笑口咁，Carrie就話冇呀咁，我地就繼續打，知咩事既Ada同我就冇出聲，由得Carrie佢，睇佢幾時想講喇。
打完返到去屋企，都係食個飯沖涼抖陣，拎定套波衫就訓，咁我訓前都習慣左睇睇電話，
Desmond：今個星期你得唔得閒呀？
我：未必呀。
Desmond：哦…… 咁唔緊要啦，想問下你十月八號果日一齊去大學行下同探討下？
我：果日應該得。
Desmond：咁約定你喇。
我：好啦，到時見。
Desmond：咁到時係樓下巴士站等？
我：可以。
Desmond：到時見
就係咁，約左Desmond佢十月八去大學，都係果句，一黎可以令佢自HIGH下，二黎可以問下我想知既野。到我訓前我諗返去琴晚個奇怪既夢，心諗會唔會又發呢？咁諗諗下又訓著左……
……
……
……
鈴鈴鈴鈴鈴……
鬧鐘曫，又要起身返學，但就冇發夢。好平凡既一日，都係上堂食飯，但都夾雜住興奮既心情，因為我以前都係被冷落既人，但今時今日係一個有朋友既人，加上係球隊入面又唔會用人為親而冇波打，所以都好想快Ｄ去打波。
好唔容易等到放學，一放學都快快咁落去等。等左無耐Ｄ人都到齊，然後Carrie最後先斯斯然係過黎，同時遠處見到Carson望住我地，我估佢想跟埋去，但又唔好意思咁，咁我都一於扮無知算。
然後我地就一齊出發去ＸＸ中學。好快就去到人地既中學，入到去既時候，好多果間學校既男學生都望住我地，好簡單，因為我地學校既女排都蝦譽為區內既美女排球隊，老實講，就算樣最差果個都唔係話真係咁差，可想而知我地球隊既女既質素係點？
跟住我地就行到埋場度，我地個Miss同對面個Miss打下招呼，傾左幾句，就叫我地熱下身。係我地熱身既時候，果間中學既男簡單係望到眼都唔眨，我仲聽到話果個1號好靚女，6號好大波好仙氣，3號世界級咁。
(大約講下，Antonia 1號，Ada 4號，Bianca 3號，Carrie 2號，Eva 5號，最後我係6號，今場係我地6個落場先)